1 Petro 1:4 - KITABU KITAKATIFU

⁴ na ndio kulindiliraa konyoora uvutugi vwu vugasu vwa Nyasaye aviikiraa avandu veve. Aviikiraa munyi uvugasu vwene yivu mwigulu, havutanyala kuguunda, kwoneka anoho kogota.

1 Petro 1:4 ပူးပေါင်းရင်းမြစ်များ

Zaburi 31:19

Vindu vilahi via uvikiraa yavo avakoheezaa luyali viveeye viokogenyia. Avandi vosi vamanya ndi ivi oveeye mulahi ligali kandi ukingaa yavo avakusuuviraa.

Zaburi 47:4

Yaakotovolera kivala yiki, umwa komenyi umwandu gwu kuyaanziza avandu veve, Isiraeli.

Isaya 66:22

“Avandu vange harara ni visukululwi viavo valamenya mihiga ni mihiga, kuli ligulu lihia kandi lirova lihia via ndilomba vilakamenye mihiga ni mihiga.

Ezekieli 47:12

Misaala zing'ano ziosi najiviruki ku vuli luginga lwu mugera kuhaana chukulia. Matu gajo sinaganiare mba, kandi si nagalekele kwama makuyu mba. Naame namakuyu malahi vuli mweli, kigira jisamangwa na mazi gaturaa mu Litembeli. Misaala jilakahaane viukulia kandi matu gajo galakatumiki kohonyia avandu.”

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Marko 10:17

Lwa Yeso yaatanga logendo lwilwe, umundu mulala yanyagula nasigama imbiri weve, ma na muteeva, “Mwigizi mulahi, ngola ndi nduuki konyoora livamwoyo litahera mba?”

Vikolwa 20:32

“Kunangwa kalunu ndi muviika mu vulindi vwa Nyasaye kandi mu likuva lie zimbavasi zizie, liveeye nu vunyali vwu kumwumbaka nu kumuha vugasu vwa yavikira avandu veve.

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Varumi 8:17

Na kigira koveeye avana va Nyasaye, kulanyoola imiandu josi ja Nyasaye yavikira avandu veve, kulasanga harara na Kristo miandu ja Nyasaye; kigira nikuva nikusanga mu vusaliri vwa Kristo, kulasanga kandi mu vukumi vwivwe harara.

1 Vakorintho 9:25

Vuli munyaguli naveeye mu miigizu gi zimbiru yinalizaa kugaduukanaa akole mu vindu viosi, kunangwa aduuki konyoora itaji yonekaa. Navuzwa kunyi kokoraa ndio kuduuki konyoora itaji ihindiraa mihiga ni mihiga.

Vagalatia 3:18

Niiva miandu ja Nyasaye jiveeyeho kigira ku Lilaga, maku sijiveeyeho kigira lisuuviriza lia Nyasaye kandi mba. Navuzwa Nyasaye mu zimbavasi zizie, yahaana miandu jije ku Aburahamu kigira lisuuvirizwa.

Vafeso 1:11

Vindu viosi vekolekaa kolondekana ni lilohiza lia Nyasaye kandi likalaga lilie Nyasaye yakotovola kove avandu veve umwene kuvitira mu Kristo kigira uvulariri vwivwe, kolondekana na aga yaali ni yakalaga kutura mulitanga.

Vafeso 1:14

Roho Mutakatifu aveeye kihambiliru cho konyoora miandu jietu josi ja Nyasaye yalaga avandu veve kandi kuvasuuviriza ndi Nyasaye alakahaane ovovoholore vwosi ku vandu vosi avaveeye aveeve. Gendi kwizominyi vukumi vwivwe!

Vafeso 1:18

Saalaa ndi Nyasaye amukole muduuki kumanyiriza vulavu vwivwe, kunangwa muduuki kumanya lisuuvirizwa lia yamulangira kandi uvutugi vwuvukumi vwi miandu jije ku avandu veve

Vakolosai 1:12

musandiza Baba, umali kumuvugilira kusanga mu miandu juvugasu vwa Nyasaye yavikira Vakrisitayo veve mu vwami vwu vulavu.

Vakolosai 1:5

Kigira lisuuvirizwa lia mwaviikirwa mwigulu. Lisuuvirizwa yili mumali kuhulira mu likuva liagiligali lie Ivangeri.

Vakolosai 3:24

Mwizurizi ndi Nyasaye alakamuhe madanyi gayaviikila vandu veve, kigira Kristo niyie Mwami wiligali wamutumikiraa.

Vahebraina 10:34

Mwasanga mu likindukizwa harara na yavo avaari mu vuhambe, kandi mwa vugilira kunuurwa vindu vienyu, kigira mu manya vulahi ndi munyi aveene muveeye ni vindu vilahi ligali kuvita, navio ni vitahera mba.

Vahebraina 9:15

Kigira yaga, Kristo niyie olohizaa lilagana lihia, kunangwa yavo ava Nyasaye amali kulanga vaduuki konyoora vugasu vwi mihiga ni mihiga, vwa Nyasaye yavasuuviriza. Yaga ganyala kokolwa kigira likuza limali kuva ho; ilivohololaa avandu kutura mu mahiolo gavakolaa lwa lilagana liukutanga liali nilikikiri ho.

Yakobo 1:11

Liuva litongaa harara nu vuhiu vwalio vululu kandi lisaamba nu kwuminya vulimu. Ikimuli chavwo kivungulukaa nuvulahi vwacho vudivizwa. Munzira ndala nzere, mutugi alakadivizwi lwazizagilira ni miyinzi jije.

1 Petro 3:9

Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga.

1 Petro 5:4

Mwayi mwene aliloleka, mulakanyoole itaji yu vukumi ilivula kogotiza vwaku vwayo.

Likunula 21:27

Kindu choosi kitaveeye kinifu kandi kitaveeye kesereze, anoho umundu okolaa ivindu vie voheyi kandi vovehi, sivalingira mu lidaala linene zana. Navuzwa yava avang'odwa mu kitabu chi livamwoyo chu Mwana wi Ligondi, nivo avalingira mu veng'ine.