1 Petro 1:3 - KITABU KITAKATIFU

³ Yizominywi Nyasaye Baba wu Mwami wiitu Yeso Kristo! Kigira mu zimbavasi zizie zinene, yakuha livamwoyo lihia lwa yasimugukiza Yeso Kristo kutura mu likuza. Yaga goosi gakoheezaa lisuuvirizwa liveeye mwoyo,

1 Petro 1:3 ပူးပေါင်းရင်းမြစ်များ

1 Avami 8:15

Hene yaho yavoola: “Yahova Nyasaye wa Isiraeli yizominywi! Umali kutwekiza lisuuvirizwa lia yalomba ku baba wange Daudi, lwa yavoola,

1 Kyetsinyinga 29:20

Maku Daudi yavolera livugana liosi, “Mwizominye Yahova Nyasaye winyu.” Kunangwa livugana liosi lizominya Yahova, Nyasaye wa vaguuga vaavo; kandi vinaminya mitwi jaavo haasi kusigamira Yahova kandi nivahaana luyali ku mwami Daudi.

2 Kyetsinyinga 31:8

Lwu mwami Hezekia harara na viimiliri weve valora uvunyingi vwi vitumi vuli vindu via valeta, vizominya Yahova kandi avandu veve, Isiraeli.

Zaburi 41:13

Yahova yizominywi, Nyasaye wa Isiraeli, yizominywi kalunu kuduuka mihiga ni mihiga Amini! Amini!

Zaburi 86:15

Navuzwa ivi, O, Yahova, oveeye Nyasaye wu vuyanzi kandi wi zimbavasi, oveeye mwikuziri, wuvuyanzi vutaveeye ne keheri kandi musuuvirifu kazozo.

Zaburi 86:5

Ivi oveeye mulahi ku kunyi, kandi usamihaa uvwoni vwitu, wayizula uvuyanzi vutaveeye ne keheri ku yavo vosi avasaalaa ku ivi.

Kutwula 34:6

Maku Yahova yavita imbiri weve navoora, “inzi, Yahova, mbeeye Nyasaye wizura zimbavasi kandi lirerera, utaveeye nu vutima vwa vwangu kandi umanyia uvuyanzi vonene nu vusuuvirifu.

Isaya 26:19

Avandu viitu avamala kukuza valava mwoyo kandi! Miviri jaavo jilasimuguka? Yavo vosi avagonaa mu vilindwa viavo, valavuka nukwimba nuvusangali, kuli iliime lihemahema likindizaa lirova, nindio Yahova alakasimugukizi yavo vakuza kale.

Jona 4:2

Kunangwa yasaala ku Yahova navoora, “O, Yahova, sindavoola ningikiri kutura yengo ndi, yiki nicho icha umanya okole vuzwa? Yicho nicho chagira ningora zinguru ziosi ukwirukira mu kivala cha Tarishishi. Ndaamanya vulahi ndi, ivi oveeye Nyasaye wuvuyanzi, kandi wizimbavasi, umwikuziri ku vutima, kandi umwetegeke kugirung'ana muziganagani, kandi kuvula kuhaana mageri.

Yohana 1:13

Yava sivaveeye avana va Nyasaye ku liivulwa lia masahi, anoho kuzingulu ziu muviri, anoho kuvulaliri vwa avandu, navuzwa ku vulaliri vwa Nyasaye.

Varumi 12:12

Musangare mu lisuuvirizwa lienyu vuli kazozo. Muve aviikuziri mu lidambizwa. Muhongere ligali kusaala.

Varumi 15:13

Nyasaye oveeye uvutangiliru vwi lisuuvirizwa amukole mwizuli uvuyanzi vwosi ni mirembe kuvitira mu lisuuvira lienyu muye, kunangwa lisuuvirizwa zana liduuki kuzizagilira kuviruka mu zinguru zia Roho Mutakatifu.

Varumi 4:25

Yahaanwa yiitwi kigira vwoni vwitu, kandi yasimugukizwa kunangwa kunyi kuduuki kokolwa avalungi imbiri wa Nyasaye.

Varumi 5:10

Kigira lwa kwaali nikukiri avasigu va Nyasaye, kwahambanywa naye kuvitira mu likuza liu Mwana weve; kuvita ligali, kalunu kumali kuhambanywa na Nyasaye, kulakahonywi ni livamwoyo lilie.

Varumi 8:11

Niiva Roho wa Nyasaye, wasimugukiza Yeso Kristo kutura mu vakuzu, amenyaa mu munyi, hene yaho, uyu wasimugukiza Yeso Kristo kutura mu vakuzu alahaana livamwoyo mu miviri jinyu kuvitira mu Roho weve, omenya mu munyi.

Varumi 8:24

Kwahonywa kigira ilisuuvirizwa navuzwa nikolola cha kusuuvira mucho, siliveeye ilisuuvirizwa liali ligali mba. Nivwaha oheenzereraa ikindu cha oyo alolaa?

1 Vakorintho 13:13

Kulwa kalunu viveeye ho vindu vivaga vihindiraa: ilisuuvira, lisuuvirizwa, kandi uvuyanzi; navuzwa ekenene kuvita viosi keveeye uvuyanzi.

1 Vakorintho 15:20

Navuzwa agiligali gaveeye ndi Kristo umali kusimugukizwa kutura mu likuza, kandi aveeye kimanyiru ndi, yavo avagonaa mu likuza, kandi navo valakasimukizwi.

2 Vakorintho 1:3

Gendi kuhaane lizominywa ku Nyasaye Baba wu Mwami wiitu Yeso Kristo, Baba wi zimbavasi kandi Nyasaye wo vokonyi vwosi.

Vagalatia 6:16

Mirembe, ni zimbavasi vive ku yavo vosi avagendaa mu lilago yili kandi ku avandu vosi va Nyasaye.

Vafeso 1:17

Saalaa kandi ndi, Nyasaye wu Mwami wiitu Yeso Kristo, Baba wuvukumi, ahaane ku munyi Roho weve ulikola munyi kuva avageri kandi ulivuula Nyasaye ku munyi kunangwa muduuki kumumanya vulahi ligali.

Vafeso 1:3

Lizominywa live ku Nyasaye Baba wu Mwami wiitu Yeso Kristo, uwagasiza kunyi nuvugasu vwosi vwu mu Roho uvutulaa mwigulu kuvitira mu Kristo.

Vafeso 1:7

Kuvitira mu masahi ga Kristo, kunyi konyooye livoholorwa, agaveeye kovora ndi, uvwoni vwitu vusamiihiywi. Nindio voveeye ovonene vwu vutugi vwi zimbavasi zia Nyasaye

Vafeso 2:4

Navuzwa livelererwa lia Nyasaye, liveeye linene ligali kandi uvuyanzi vwivwe ku kunyi voveeye vonene kuvita kegero;

Vafeso 3:20

Kalunu uyu, wi zinguru zizie ziyinziraa mu kunyi, anyala kokora amanyingi ligali kuvita yago agakunyala koteeva anoho kuganaganaa.

Vakolosai 1:23

Gamudukira mumenye mu lisuuvira yilio nu kuvikwa ku musingi, muduuki kusingirizwa vudinyu. Mutavugilira kodengeyizwa no koleka lisuuvirizwa lie Ivangeri yeyo ya mwahulira mba. Inzi Paolo, mbeeye mutumwa wi Ivangeri yeyo imali kwilwazirwa avandu vosi vu mukivala.

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.

1 Vatesalonike 1:3

Kumwizulizaa mu lisaala lietu ku Nyasaye wiitu kandi Baba kuli muviika lisuuvira lienyu mu vikolwa, kuli vuyanzi vwinyu vomukolaa kuyinzira vudinyu ligali kandi kuli lisuuvirizwa lienyu mu Mwami wiitu Yeso Kristo liveeye lidinyu ligali.

1 Vatesalonike 4:13

Avaamitu, viitu kwenya munyi mumanye agiligali ga makuva ga yavo avamala kukuza. Mutaverera kuli yavo avataveeye nilisuuvirizwa.

2 Vatesalonike 2:16

Mwami wiitu Yeso Kristo mwene, na Nyasaye Baba wiitu uwakuyanza kandi kuvitira mu zimbavasi zizie naakuha kelemamwoyo chi mihiga ni mihiga kandi lisuuvira lilahi,

Tito 2:13

lwa kulindiliraa lidiku liu uvugasu, lia kwasuuvirizwa liu vukumi vwa Nyasaye munene kandi Muhonyi wiitu Yeso Kristo liliduuka.

Vahebraina 3:6

Navuzwa Kristo aveeye musuuvirifu kuli Mwana ulindi mu inyumba ya Nyasaye. Kunyi koveeye inyumba yeeye, niiva kulava nuvuluviliri kandi niiva kulava ni lisuuvira mu cha kwasuuvirizwa.

Yakobo 1:18

Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.

1 Petro 1:13

Kunangwa mwetegeke mu zing'anagani zienyu ku vikolwa mwilindi vulahi; kandi muviiki lisuuvira lienyu ku zimbavasi zia muliheevwa ulwa Yeso Kristo aliloleka.

1 Petro 1:21

Kuvitira muye, munyi musuuviraa Nyasaye wasimugukiza Yeso kutura mu likuza, nu kumuha uvukumi. Kulwayago lisuuvira lienyu ni lisuuvirizwa lienyu viveeye ku Nyasaye.

1 Petro 1:23

Kuvitira mu likuva lia Nyasaye iliveeye mwoyo kandi ilihindiraa mihiga ni mihiga, munyi mumali kwivulwa kaviri kuli avana vu mwivuli utakuzaa.

1 Petro 2:2

Muve kuli avana vadoto vuli ing'inga vaveeye nuvuluhu kwenya amaveere malahi gu mu Roho, kunangwa lwa muganwezaa, muduuki kuviruka no kohonywa.

1 Petro 3:15

Navuzwa mwizominye Kristo mu mioyo jinyu kandi muhaane luyali kuye kuli Mwami. Mwetegeke amadiku goosi kutivulira mundu sa mulala umuteeva ikivuni chi lisuuvira lia muveeye nalio mu Kristo,

1 Petro 3:21

Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo,

1 Petro 3:5

Nindio avakali vatakatifu va Nyasaye visiahilaa vasaza vaavo kandi ni vegehiza kuvo.

1 Yohana 2:29

Munyi mumanyi vulahi ndi Kristo aveeye umulungi; kunangwa gamudukira mumanye ndi mundu woosi okolaa agaveeye malungi aveeye mwana wa Nyasaye.

1 Yohana 3:3

Umundu woosi oveeye ni lisuuvira yili mu Kristo, yitakasaa mwene kuli Kristo aveeye Mutakatifu.

1 Yohana 3:9

Mundu woosi oveeye Mwana wa Nyasaye, sianyala kuzizagilira kokora uvwoni mba, kigira liiva lia Nyasaye limenya muye; kandi sianyala kokora uvwoni mba, kigira aveeye mwana wa Nyasaye.

1 Yohana 4:7

Avalina vange avayaanze, leki kuyaanzane, kigira uvuyanzi voveeye vwa Nyasaye. Umundu woosi uyanzaa aveeye mwana wa Nyasaye, kandi amanyi Nyasaye.

1 Yohana 5:1

Mundu woosi usuviraa Yeso ni Kristo, uyu aveeye umwana wa Nyasaye, kandi mundu woosi uyanzaa Baba ayaanza umwana weve.

1 Yohana 5:18

Kumanya vulahi ndi, umundu woosi wivulwa kutura ku Nyasaye kokora uvwoni mba, kigira mwana wa Nyasaye amukingaa na kandi Setani sia lamusaliriza mba.

1 Yohana 5:4

Umundu wivulwa kutura ku Nyasaye aveeye umwana wa Nyasaye na aguutaa kivala. Ni ndio kunyi kuguutaa kivala mu livuuvira lietu.