1 Petro 1:22 - KITABU KITAKATIFU

²² Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Petro 1:22 ပူးပေါင်းရင်းမြစ်များ

Yohana 15:17

Kunangwa, lilago liange lia mulagaa ni yili: muyaanzane aveene na aveene.

Yohana 15:3

Munyi mumali kokolwa avanifu kigira makuva gandamuvorera.

Yohana 17:17

Uvatakase mu agiligali; likuva liilio liveeye lie ligali.

Yohana 17:19

Kigira yavo inzi nzitakasaa ku ivi, kunangwa yavo vaduuki kwitakasa mu agiligali.

Vikolwa 15:9

Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira.

Vikolwa 6:7

Likuva lia Nyasaye liazizagilira kulaanda. Livaliza lia vandu avasuuviraa vameedeka ligali mu Jerusalemi; kandi avasaalisi vanyingi vavugilira lisuuvira yili.

Varumi 1:5

Kuvitira muye, Nyasaye yahaana ku kunyi zimbavasi kuva avatumwa kigira Kristo, kuduuki kwimilira nukulanga avandu vi zihiiri ziosi vaduuki kusuuvira nukutia.

Varumi 2:8

Avandu vaveeye vahuvali kandi vasuura kindu keveeye kilungi kunangwa vaduuki kokora vindu viveeye vichamu; Nyasaye alaviika vutima vwivwe vululu kuvo.

Varumi 8:13

Nimuva nimumenya kolondekana ni liiva lienyu liu muviri, mulakuza; navuzwa niiva mu Roho, muliita vikolwa vienyu viu vwoni, mulava mwoyo.

2 Vakorintho 6:6

Kigira vutakatifu vwitu, ilimanya, liekuzira, kandi zimbavasi, kumali kwimanyia aveene kuva vatumikiri va Nyasaye kuvitira mu Roho Mutakatifu kigira vuyanzi vwitu vwagiligali.

Vagalatia 3:1

Munyi Avagalatia vasiru! Nivwaha wamuloga? Imbiri wi zimoni zienyu ziene mwivaalirwa havulavu kuli Yeso Kristo yakuza ku musalaba.

Vagalatia 5:5

Navuzwa, ku lisuuvira, kulindilira nu vuha kuvitira mu roho, vulungi vwi lisuuvirizwa.

Vagalatia 5:7

Mwaali ni mukoraa vulahi! Nivwaha wamwigalira muvura kolonda agiligali? Yamugoonya kuli ndi?

Vafeso 4:3

muve ni zinguru kulinda uvuhambani vwa Roho ahaanaa kuvitira mu mirembe ji muviika harara.

Vafilipi 1:9

Saalaa ndi uvuyanzi vwinyu vomeedeke ligali harara ni limanya liagiligali, kandi likalaga liduukiru,

1 Vatesalonike 3:12

Umwami amukole muyaanzane aveene naveene; kandi vuyanzi vwinyu vuduuki komeedeka ku vandu vosi.

2 Vatesalonike 1:3

Avaamitu viitu, gakuduukiraa kusandizi Nyasaye ku kazozo kigira munyi. Gaveeye amalungi ku kunyi kokora ndio, kigira lisuuvira lienyu limedeka ligali. Kandi uvuyanzi vwu mundu sa mulala aveeye navwo ku wache vomedeka.

2 Vatesalonike 2:13

Navuzwa gakuduukiraa kuhaana lisandiza ku Nyasaye kazozo kigira munyi, avaamitu, munyi avu Mwami ayaanza. Nyasaye yatovola munyi kutura ing'inga yukutanga mu nyoore ovohonyi mu litakaswa lia Roho nu mu lisuuvira agiligali.

Vahebraina 11:8

Kigira lisuuvira Aburahamu yegehiza lwa Nyasaye yamulanga azie mu kivala cha Nyasaye yaali ni yamusuuviriza ndi alamuha keve mwandu gwigwe, yazia kali natamanyi wazizaa.

Vahebraina 13:1

Muzizagiliri kuyaanzana aveene naveene kuli avaamitu Vakrisitayo.

Vahebraina 5:9

Lwa yakolwa muduukiru, yagwa uvutangiliru vwo vohonyi vwi mihiga ni mihiga ku yavo vosi avamuhulira nukumutia.

Vahebraina 6:10

Nyasaye siaveeye vugira vulungi mba! Sialivilira miyinzi jinyu ja mwakora, anoho vuyanzi vwinyu vwa mwalolekiza kuye novokoonyi vwa mwaha vandu va Nyasaye kandi mu kihaanaa ku Avakristayo vache vinyu, ma mukizizagiliraa kokoonya Avakristayo vache vinyu.

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.

Yakobo 1:21

Kigira yaga, mutuliziho vudamanu vwosi kandi imiima josi imidamanu. Mwegehizi ku Nyasaye kandi muvugiliri likuva lia viikwa mumioyo jinyu, ilinyala kumuhonyia.

Yakobo 4:8

Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.

1 Petro 1:2

Mwatovolwa kolondekana kulienya lia Nyasaye Baba, kandi ni mutakaswa na Roho weve kutia Yeso Kristo kandi nimwogizwa na masahi geege. Zimbavasi ni mirembe vive ku munyi ligali.

1 Petro 2:17

Muhaane uluyali ku vandu vosi; muyanze avaamitu avasuuviraa; muhaane luyali ku Nyasaye, kandi mutie mwamihi munene wamihaa ikivala.

1 Petro 3:1

Avakali, mwegehizi ku vasaazavinyu kunangwa, niiva mulala kuvo siyasuura, likuva lia Nyasaye, miima jinyu milahi jilamukola asuuviri,

1 Petro 3:20

Yiji jaali mioyo ja yavo avaavura kuhulira Nyasaye lwa yalindilira mu vwikuziri mu madiku ga Nuhu yaali ni yumbaka liato lilie. Avandu munane mu liato venyine nivo avaahona kutura ku likuza lia amazi.

1 Petro 3:8

Kumaliriza; munyi mwosi gamudukira muve ni lienya lilala kandi iliiva lilala, muyaanzane kuli avamwavo nu kuva nu mwoyo mulahi kandi mwegehizi vene na vene.

1 Petro 4:17

Ing'inga yi likalaga imali kuduuka na avandu va Nyasaye valava vukutanga kukalagirwa. Niiva kunyi kulava avukutanga kukalagirwa, galiva ndi ku yavo avatasuuvira Ivangeri ya Nyasaye?

1 Petro 4:8

Kuvita vindu viosi muyaanzane ligali aveene naveene, kigira uvuyanzi vukunikaa uvwoni uvunyingi.

2 Petro 1:7

na ku vunyasaye vwinyu, mumeede ku vulahi vwu vumiitu; na ku vulahi vwu vumiitu vwinyu, mumeede ku uvuyanzi.

1 Yohana 3:11

Yaga na amakuva ga mwahulira kutura mu litanga: gakuduukiraa kuyaanzane aveene na vene.

1 Yohana 3:23

Yili ni lilaga lilie, kusuuviri mu mwana weve Yeso Kristo, kandi kuyaanzane aveene na vene kuli yakuha munwa.

1 Yohana 4:12

Siaveeyeho nu mundu kali mulala walola Nyasaye. Navuzwa niiva kunyi kuyaanzana, Nyasaye amenyaa mu kunyi, kandi uvuyanzi vwivwe voveeye vuduukiru mu kunyi.

1 Yohana 4:20

Niiva umundu woosi avoora, “Nyanza Nyasaye,” navuzwa adunyiraa amwavo weve, aveeye mugaadi. Niiva avula kuyaanza amwavo weve wa alolaa, anyala kuyaanza ndi Nyasaye wa atalolaa?

1 Yohana 4:7

Avalina vange avayaanze, leki kuyaanzane, kigira uvuyanzi voveeye vwa Nyasaye. Umundu woosi uyanzaa aveeye mwana wa Nyasaye, kandi amanyi Nyasaye.

Likunula 2:4

“Navuzwa yaga nigo gandolaa madamanu ku ivi: Siunyaanza kalunu kuli wanyanzaa mu litanga mba.