1 Petro 1:20 - KITABU KITAKATIFU

²⁰ Yatovolwa na Nyasaye ing'inga yi lirova liali ni likikiri kolombwa kandi yalolekizwa mu madiku gukumaliriza yaga kigira munyi.

1 Petro 1:20 ပူးပေါင်းရင်းမြစ်များ

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

Tsing'ano 8:23

Ndaalombwa mulitanga, lwu kutanga ligali kivala kikikiri kolombwa.

Mika 5:2

Yahova avoora, “Ivi Bezelehemu Efurate, oveeye mulala ku madaala makekeeke mu Ivuyuda, navuzwa kutura ku ivi, alaza mu Isiraeli mwamihi, uwa avinyumba yeeye vaali ho kutura zing'inga zia kale.”

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Vikolwa 2:23

Kolondekana ni lilohiza lilie mwene, Nyasaye yaali ni yatovola ndi Yeso ahaanwi mu makono ginyu. Navuzwa munyi mwamwita kigira mwalekela avandu avoni navadamanu kumuvaamba.

Varumi 3:25

Nyasaye yahaana Kristo aduuki kuva ichu kwisayasayira ku kigira vwoni kuvitira mu lisuuvira ku masahi geege. Yakola ndio kumanyia uvulungi vwa Nyasaye, kigira mu vwikuziri vwu vunyasaye vwivwe si yavaliza ku vandu uvwoni vwi imbiri mba.

Varumi 8:29

Yavo ava Nyasaye yatovola kutura mu litanga nivo ava yaahula vaduuki kuva kuli Mwana weve, kunangwa Mwana aduuki kuva wu kutanga hagati ha vamwavo vanyingi.

Vagalatia 4:4

Navuzwa lwa ing'inga indahi yaduuka, Nyasaye yatuma Mwana weve. Yaza kuli mwana wivulwa nu mukali, kandi namenya hasi hi Lilaga lia Avayuda,

Vafeso 1:10

Lilohiza yili, Nyasaye alakatwekiza lwi ing'inga indahi ilakaduuki. Alakavungizi vindu viosi harara, vindu viomuligulu kandi vindu viomulirova, na Kristo alakave mutwi gwavio.

Vafeso 1:4

Kali lirova nilikikiri kolombwa, Nyasaye yaali niyamala kotovola kunyi kove vandu aveeve kuvitira mu vuhambani Kristo kunangwa kuduuki kuva avatakatifu kandi vugira imbara mbiri weve. Kigira vuyanzi vwivwe,

Vafeso 3:11

Nyasaye yakola yaga kolondekana nu vulaliri vwivwe uvutahera mba, vwa yanyoora kuvitira mu Kristo Yeso Mwami wiitu.

Vafeso 3:9

Kandi ngole avandu vosi vaduuki kolola kuli lilohiza lia agaviswa ga Nyasaye liduukizwa. Nyasaye, oveeye mulombi wi vindu viosi yaavisa imbisu kutura kale,

Vakolosai 1:26

Imbisu yi likuva lia Nyasaye yaaviswa kutura kale ligali ku makura na amakura, navuzwa kalunu imali kuvurwa ku avandu va Nyasaye.

Vahebraina 1:2

Navuzwa mu madiku gu kumaliriza yaga umali kovolerana ni kunyi kuvitira mu Mwana weve wayatovola kuva mwene vindu viosi mu limalirika, kandi kuvitira muye yalomba ligulu ni lirova.

Vahebraina 2:14

Kigira avana, kuli avalangaa, vaveeye vandu vuzwa vu muviri na masahi, kandi ndio Yeso mwene yaali kuli vo, naasanga mu liiva liavo liu muviri vuzwa. Yakola ndio kunangwa, kuvitira mu likuza lilie aduuki kudiviza Setani, oyo oveeye nizinguru zie likuza.

Vahebraina 9:26

galava ndio, ngano Kristo yaali yakasaliyi haali kanyingi kutura lirova nililombwa. Mu vogono yivwo kalunu lwi zing'inga ziesunda ko keheri, umali kololeka lulala vuzwa kandi lwu kumaliriza, kutuliza vwoni kuvitira mu liehaana mwene kuli kisiuviriru.

1 Petro 1:2

Mwatovolwa kolondekana kulienya lia Nyasaye Baba, kandi ni mutakaswa na Roho weve kutia Yeso Kristo kandi nimwogizwa na masahi geege. Zimbavasi ni mirembe vive ku munyi ligali.

1 Yohana 1:2

Lwi livamwoyo yili lialoleka, kwalilora kandi kwalilolekiza, kandi kumwilwazira kandi kwuvoolere livamwoyo litahera mba, iliali na Baba, kandi lialolekizwa ku kunyi.

1 Yohana 3:5

Mwamanya Kristo yaloleka aduuki kutulizaho uvwoni vwitu; kandi uvwoni sivoveeye muye mba.

1 Yohana 3:8

Navuzwa uzizagilira kokora uvwoni aveeye wa Setani, kigira Setani yamalakokola uvwoni kutura mu litanga liene. Kivuni chagira umwana wa Nyasaye niyazaa mu lirova, keveeye ndi aduuki kudiviza miyinzi ja Setani.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.