1 Petro 1:13 - KITABU KITAKATIFU

¹³ Kunangwa mwetegeke mu zing'anagani zienyu ku vikolwa mwilindi vulahi; kandi muviiki lisuuvira lienyu ku zimbavasi zia muliheevwa ulwa Yeso Kristo aliloleka.

1 Petro 1:13 ပူးပေါင်းရင်းမြစ်များ

1 Avami 18:46

Zinguru zia Nyasaye ziaza ku Elija; yevoha zinguvu zizie vudinyu mu kekenge, niyekolelera imbiri wa Ahabuu kwingira mu Jezireeli.

2 Avami 4:29

Elisha yagirung'ana ku Gehazi, navoora, “Kola vwangu! Vugula imbimbu yange na uzie. Utasingira kucheliza mundu woosi wa wagaana naye mba. Na niiva mundu alakucheliza, utavugula ing'inga kutivula mba. Zia vulungi munyumba na uviiki imbimbu yange ku muyaayi zana.”

Ayubu 38:3

Singira vudinyu kuli musaza, na uhaane mativuli ku mateeva ga ngoteva.

Ayubu 40:7

Singira vudinyu kalunu kuli musaza; ndakoteeva mateeva gange, na undivuliri.

Kutwula 12:11

Muduukana mugilie vwangu, kigira gamudukira mwiviki kwetegekera logendo, muve ni ivilato mu virenge vienyu, kandi zimbimbu mumakono ginyu. Mulie vwangu kigira liveeye lilia lie Lipasaka liu kuhaana luyali ku Inzi, Yahova.

Isaya 11:5

Alamiiha avandu veve nuvulungi kandi nu vusuuvirifu.

Jeremia 1:17

Wetegeke Jeremia, uzie na ovoolere avandu va Isiraeli goosi agaamali kukulaga kovora. Utavatia mba, gase ndakokola ove umuti imbiri wavo.

Matayo 20:4

Maku yavavolera, ‘Munyi kandi, muzie kokora miyinzi mu mulimi gwange gwi mizabibu, inzi ndamuha mutungu gwinyu vulahi kuli gaduukanaa! Navo vazia.

Luka 12:35

“Mwetegeke ku choosi kinyala kutulira mu vutumiki, kandi mulombe zitaya zienyu ziake.

Luka 17:30

Nindio galiva kandi lidiku liu Mwana wa Adamu aliloleka mu vukumi.

Luka 17:8

Awa, mu vogono yivwo ulamuvoolera, ‘Nombela chukulia change ndie, kandi wiviki vulahi undumikiri lwa inzi mba nindizaa chukulia ni ninwezaa lwinyima umanya ulie kandi unwi!’

Varumi 13:13

Ligenda lietu kuduuka live lio vohocha kuli avandu vamenyi mu vulavu vwi lidiku; kutava mu lihuvaala nilisieva, mu lihambika, mu vohenyi, anoho kifavwi cho voheyi mu volembani nilikubana kandi nembodoka mba.

Varumi 8:19

Vindu viosi via Nyasaye yalomba vilindilira nuvuha vonene ndi, Nyasaye avuri avana veve.

1 Vakorintho 1:7

kunangwa muvuli kogehera kihanwa cha Roho lwa muva nimulindiliraa liloreka liu Mwami wiitu Yeso Kristo.

1 Vakorintho 13:13

Kulwa kalunu viveeye ho vindu vivaga vihindiraa: ilisuuvira, lisuuvirizwa, kandi uvuyanzi; navuzwa ekenene kuvita viosi keveeye uvuyanzi.

Vafeso 6:14

Kunangwa singiri vudinyu ni mwevohi agiligali kuli umusibi mu vikenge vienyu, kandi ni mwiviki uvulungi kuli isalamba,

Vakolosai 3:4

Kristo aveeye livamwoyo lienyu liagiligali, kandi lwa liloleka, ahene yaho munyi mulakaloleke harara naye, mu uvukumi vwivwe.

2 Vatesalonike 1:7

navuzwa munyi avakubizangwa ikivi mulanyola ovososi ni lielemereriza, kandi ku kunyi ndio. Alakola ndio lwu Umwami wiitu Yeso alolekaa kutura mwigulu harara ni zingelosi veve avizingulu,

Vahebraina 10:35

Kunangwa mutaleki uvuruviliri vwinyu mba, kigira voletaa madanyi manene ligali.

Vahebraina 3:6

Navuzwa Kristo aveeye musuuvirifu kuli Mwana ulindi mu inyumba ya Nyasaye. Kunyi koveeye inyumba yeeye, niiva kulava nuvuluviliri kandi niiva kulava ni lisuuvira mu cha kwasuuvirizwa.

Vahebraina 6:19

Koveeye ni lisuuvirizwa yili kuli itiiru yi mioyo jietu. Lisuuvirizwa lizizaa kuduuka ku vwali inyima wisuka yi Litembeli liu mwigulu.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

1 Petro 1:10

Gaali kigira govohonyi yivu, avaporofeti vaateveleriza ligali, kandi nivenyereriza vamanye kandi ni vaporofeta kigira ikihaanwa yiki icha Nyasaye alimuha.

1 Petro 3:15

Navuzwa mwizominye Kristo mu mioyo jinyu kandi muhaane luyali kuye kuli Mwami. Mwetegeke amadiku goosi kutivulira mundu sa mulala umuteeva ikivuni chi lisuuvira lia muveeye nalio mu Kristo,

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

1 Petro 5:12

Ng'oderaa munyi ibarwa yiyi, Silivano naveeye umukonyeleri wange uwa inzi ndolaa kuva kuli amiitu oveeye umusuuvirifu mu Kristo. Nyenya kudinyiriza munyi nu kwizominya ndi yizi ni zimbavasi zia agiligali zia Nyasaye. Musingiri vudinyu mu zimbavasi yizi.

1 Petro 5:8

Muve no vogeri, kandi mwetegeke ma mulindi! Umusigu winyu, Setani, avodong'anaa kuli king'ang'a kifuumaa, ni yenya umundu wanyala kumira.

1 Yohana 3:3

Umundu woosi oveeye ni lisuuvira yili mu Kristo, yitakasaa mwene kuli Kristo aveeye Mutakatifu.