1 Petro 1:12 - KITABU KITAKATIFU

¹² Nyasaye yavulira avaporofeti yava ndi, miyinzi jaavo sijali kigira madanyi gaavo aveene mba, navuzwa kigira munyi, kandi kuli mwahulira vatumwa avamwilwazira Makuva Malahi mu zinguru zia Roho Mutakatifu uwatumwa kutura mwigulu. Ivindu yivi nivio vie zingelosi venyeleriza nu vuha kuvimanya.

1 Petro 1:12 ပူးပေါင်းရင်းမြစ်များ

Kutwula 25:20

Okole vakerubi yava vahenzane ku kikuniku yiki ni zimbaha ziazio zilafuuma kikuniku yiki.

Tsing'ano 1:23

Muhuliri lieganihiza liange. Inzi ndahaana zing'anagani zindahi ku munyi, kandi ndamuha vogeri vwange.

Isaya 32:15

Navuzwa ing'inga yindi kandi Nyasaye alakuhanira Roho viamo. Kivala chi changarangwi kilava mulimi mugunamu gwi viavo.

Isaya 53:1

Avandu vaativura; “Nivwaha usuuviyi makuva giitu? Nivwaha wi zinguru zia Nyasaye ziavulika kuye?

Danyeli 10:1

Mu muhiga gwa kavaga lwa Sairasi yaali mwami wa Pasia, Danieli ulangwa Beliteshaza yavulilwa likuva. Likuva yili liali liagiligali; navuzwa lidinyu ligali kulimanya. Likuva yili livaalwa kuye mu malola.

Danyeli 12:13

“Ivi, Danieli, ove musuuvirifu kuduuka ku keheri. Maku ulakakuzi, navuzwa ulakasimuguki ing'inga ye keheri nokonyoora madanyi googo.”

Danyeli 12:9

Yandivulira, “Kalunu gakuduukiraa, uzie Danieli, kigira makuva yaga galakunikwa kandi gaviswi kuduuka ing'inga ye keheri.

Danyeli 2:19

Maku vudiku yivwo agimbisu gokogenyia gavuulikira Danieli mu malola, na Danieli yizominya Nyasaye wu mwigulu.

Danyeli 2:22

Avuulaa ivindu viveeye musi kandi vievisu; amanyaa viosi viaviswa mu kisundi, naye mwene uvulavu vwa mukumberiza

Danyeli 2:47

Mwami yavoola, “Nyasaye woovo aveeye munene kuvita vanyasaye vandi vosi, kandi aveeye munene kuvita avami, kandi niyie uvula viokogenyia vievisa. Inzi manyi yaga kigira waali nu vunyali kwivaala viokogenyia vievisu yivi.”

Danyeli 8:13

Maku ndaahulira engelosi indala neteeva iyindi, “Vindu vialoleka mu malola yivi vilazizagilira kuduuka ngi'ngaki? Uvwoni vwa vandu vakora vulazizagilira kuvugura vwiyangu vwi visiuviliru kuduuka ng'inga ki? Liihi liu mwigulu kandi Litembeli vilazizagilira kwonogonywa kuduuka ng'inga ki?”

Danyeli 9:24

“Mihiga 7 haali 70 niyo ing'inga ya Nyasaye amali kolohiza kovoholora vandu vovo harara ni lidaala litakatifu muvuhambe vwu vwoni kandi vudamanu. Alasamiiha uvwoni vwinyu kandi alaleeta vulungi vutaveeye nekeheri, kunangwa malola kandi voporofeti vulava vwa giligali kandi Litembeli litakatifu lilasaaliswa.

Joeli 2:28

“Lwinyima ndaleta Roho wange ku avandu vosi: avana vinyu vayaayi na vakana valaporofeta avakulundu vinyu valalota amalooto, kandi vasoleri vinyu valalola malola.

Amosi 3:7

Ligali Yahova Nyasaye sialakola kindu vugira kuvulira avatumwa, avaporofeti veve agaviswa.

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

Matayo 11:27

“Baba wange ombeeye ivindu viosi. Siaveeyeho nu mulala umanyi Umwana, natali Baba, kandi siaveeyeho nu mulala umanyi Baba natali Umwana, kandi ku vosi vu Umwana atovoraa kuvuula Baba weve kuvo.

Matayo 16:17

Yeso yativura, “Oveeye nuvugasu ivi Simoni umwana wa Yohana kigira siaveeye umundu ukuvuuliyi agiligali yaga, nitali ni Baba wange oveeye mwigulu.

Marko 16:15

Yavavolera, “Muzie mu lirova liosi kandi mwilwaze Ivangeri ku avandu vosi.

Luka 15:10

Kunangwa muvooleraa, nindio zingelosi va Nyasaye valisangala kigira kwiganira kwu mundu mwoni mulala.”

Luka 2:26

Roho Mutakatifu yamuvuulira ndi sialakuza nakikiri kolola Kristo wu Mwami.

Luka 9:6

Aviigi yavo vaatura nivazia kwilwaza Ivangeri kandi nivahonyia avandu vulwaye havundu hoosi.

Yohana 15:26

“Lwa Mukonyi aliiza uwandituma ku munyi kutura ku Baba, naye ni Roho wagiligali uturaa ku Baba, alakave mulolekizi wange.

Vikolwa 10:44

Lwa Petero yaali nakevoola amakuva yaga, Roho Mutakatifu yika kuvo vosi avaari ni vahuliriza likuva.

Vikolwa 16:10

Nonoho lwa Paolo yaali niyakalola malola yago, kwetegeka kuzia Makedonia vugira kulindagira, kigira kwamanya ligali ndi Nyasaye yaali kulindagira, kigira kwamanya ligali ndi Nyasaye yaali nakulangi kuzia kwilwaze Ivangeri kuvandu va Makedonia.

Vikolwa 2:33

Yeso umali konenehizwa kuduuka ha mukono mulungi gwa Nyasaye, Baba weve, kandi umali konyoora Roho Mutakatifu kutura kuye, kuli yaali niyasuuviriza. Icha munyi muloraa kandi muhulira kalunu keveeye kihanwa chiche ichamali kuzuka ku kunyi.

Vikolwa 4:31

Lwa vamala kusaala, havundu ha vavuganira harara hadegerizwa. Vosi vizura Roho Mutakatifu kandi ni vatanga kwilwaza likuva lia Nyasaye nuvuluviliri.

Vikolwa 4:8

Maku, Petero, niyizuuyi Roho Mutakatifu, yavativulira, “Munyi aviimiliri navakulundu va vandu;

Vikolwa 8:25

Kunangwa lwa Petero na Yohana vamala kololekiza nu kwilwaza likuva liu Mwami, virana Jerusalemi. Lwa vaali ni viranga vagenda ni vilwaza Ivangeri ya Nyasaye ku tudaala tunyingi twa Samaria.

Varumi 1:15

Kulwayago mbeeye nuvuha vonene kwilwaza Ivangeri ku munyi avamenyaa mu Rumi

Varumi 1:17

Kigira Ivangeri ivuulaa kuli Nyasaye akolaa vandu kuva valungi naye mwene kuvitira mu lisuuvira kutura mu litanga kuduuka mu keheri. Ni kuli Amang'oda Matakatifu gavoora, “Umundu okolwaa mulingi na Nyasaye kuvitira mu lisuuvira, alava mwoyo.”

Varumi 10:15

Valilwaza ndi nivatatumiywi? Kuli Mang'oda Matakatifu gavoora, “Voveeye vulahi ki kuliiza lia vatumwa valeta nukwilwaza amakuva malahi!”

Varumi 15:19

kuzinguru zie vilolekizu ni viokogenyia, harara ni zinguru zia Roho Mutakatifu. Kunangwa, mu ligenda hoosi, kutura Jerusalemi kuduuka Iliriku, mali kwilwaza makuva malahi goosi ga Kristo.

1 Vakorintho 2:10

Nyasaye umali kuvulira kunyi agaviswa geege kuvitira mu Roho weve. Roho yenyeleriza vindu viosi kali viaviswa ligali mu luliva lwa Nyasaye.

2 Vakorintho 1:22

uyu niyie umali kuviika kimanyiru chiche ku kunyi kandi okoheeye Roho Mutakatifu kuli kihambiliru chi vindu viosi via yakuviikira.

2 Vakorintho 6:6

Kigira vutakatifu vwitu, ilimanya, liekuzira, kandi zimbavasi, kumali kwimanyia aveene kuva vatumikiri va Nyasaye kuvitira mu Roho Mutakatifu kigira vuyanzi vwitu vwagiligali.

Vagalatia 1:12

Sindaagenyola kutura ku mundu woosi mba, kandi sindigizwa nu mundu woosi mba. Yaali Yeso Kristo mwene wavula makuva yaga ku inzi.

Vagalatia 1:16

kuvuula Mwana weve ku inzi, kunangwa nduuki kwilwaza Ivangeri yeeye ku vandu vizihiiri, si ndaazia ku mundu woosi kwenya zing'anagani mba;

Vafeso 3:10

kunangwa ku ing'inga ya lero, kuvitira munzira yi likanisa, zingelosi vamiihi, kandi vaveeye ni zinguru mwigulu vaduuki kwiga kuli Nyasaye aveeye mugeri mu liiva liosi.

1 Vatesalonike 2:9

Munyi mwizulizaa, avaamitu viitu, kuli kwayinzira vudinyu kandi nikunyang'ana! Kwayinzira vudiku na mbasu ku kunyangiza mundu kali mulala ku munyi lwa kwamwilwazira Ivangeri ya Nyasaye.

Vahebraina 11:13

Avandu yava vosi vaakuza nivaveeye mu lisuuvira. Vaakuza nivakikiri konyoora vindu via Nyasaye yavasuuviriza. Navuzwa vaali nivaviloleeye ihale, kandi nivavavugilira, kandi niviyama havulavu ndi vaali avageni na vamenya mu lirova.

Vahebraina 2:4

Ku ing'inga ndala nzere, Nyasaye naye kandi yameda lilolekiza lilie mu liavo ku likora vilolekizu kandi viokogenyia vie zing'ano ziosi ni vikolwa viezingulu, kandi ku ligavulira vandu vihaanwa via Roho Mutakatifu kolondekana nu vulaliri vwivwe.

Vahebraina 4:2

Kunyi kwamala kuhulira amakuva malahi gi Ivangeri kuli navo vilwazirwa, vahulira likuva zana, navuzwa siliavakoonya mba, kigira lwa valihulira, sivalivugula ni lisuuvira mba.

1 Petro 1:25

navuzwa likuva lia Nyasaye lihindiraa mihiga ni mihiga.” Likuva yili liveeye Makuva Malahi ya mwilwazirwa.

1 Petro 4:6

Yiki nicho ichagira Ivangeri niyilwaazwa kali ku vaakuza, kuli mundu woosi akalagirwa. Vilwazirwa kunangwa vuduuki komenya livamwoyo liu mu Roho kuli Nyasaye amenyaa.

Likunula 5:11

Ndahenza, kandi ndaahulira umwoyo gwi zingelosi avanyingi avatanyala kuvalizwa nivakumbirizi endeve yu vwami, harara ni ivilombe vine viveeye mwoyo navakulundu.