1 Kyetsinyinga 9:22 - KITABU KITAKATIFU

²² Yava vosi avatovolwa kuli avalindi ha vwingiliru nu mu virivwa, vaali avandu 212. Vaang'odwa kolondekana na amadara ga vamenya mu. Yaali mwami Daudi nu muporofeti Samweli avaviika avaguuga vaavo mu miyinzi ji lisuuvirizwa yili.

1 Kyetsinyinga 9:22 ပူးပေါင်းရင်းမြစ်များ

1 Kyetsinyinga 28:13

Kandi yamuha volohizi vwa avasaalisi na vandu va Levi okokora miyinzi jaavo josi mu Litembeli lia Yahova, kandi kulinda vulahi iviju viosi viu mu Litembeli lia Yahova.

1 Kyetsinyinga 28:21

Avasaalisi na vandu va Levi vahevwa miyinzi jokokola mu Litembeli. Na vuli musaza wu vusiza ni limanya lia vuli muyinzi vaveeye nu mwoyo gwu vuha kokonya ivi, kandi avandu vosi na aviimiliri vaavo valava haasi hi lilaga liilio liosi.”

1 Kyetsinyinga 29:29

Makuva ga kale gu mwami Daudi kutura mu litanga kuduuka ku keheri, gang'odwa mu kitabu cha makuva ga vaporofeti vavaga: Samweli, Nazani na Gadi.

1 Kyetsinyinga 9:16

na Obadia muyaayi wa Shemaya, muyaayi wa Galali, muyaayi wa Zeduzuni, na Berekia muyaayi wa Asa, muyaayi wa Elikana, uwamenyaa mu tudaala twa Netofazi.

1 Kyetsinyinga 9:23

Vandu yava harara ni visukululwi vaavo vazizagilira kulinda virivwa vie Litembeli lia Yahova.

1 Kyetsinyinga 9:31

Mundu wi ihiiri ya Levi mulala walangwa Matizia muyaayi wukutanga kwivulwa wa Shalumu, wi ihiiri ya Kora, yaali nu vunyali ku miyinzi ju okolomba vihaanwa vie migadi.

2 Kyetsinyinga 23:19

Yatovola kandi avalindi vi viliango mu vwiyangu vwavo ha virivwa vie Litembeli lia Yahova kwigalira vosi utaveeye mutakase avuli kwingira.

2 Kyetsinyinga 31:15

Yakonywa kugavura mu madaala gandi amanene mwa vasaalisi vaamenya na vandu va Levi vandi: Edeni, Miniamini, Jeshua, Shemaya, Amaria na Shekania. Vagavula viukulia vileng'ani ku vandu va Levi avamwavo vaavo, kolondekana kuli vutumwa vwavo vwali.

2 Kyetsinyinga 31:18

Vasaalisi vang'odwa harara na avana vaavo vosi kandi na vakali vaavo, kandi na vayaayi na vakaana vaavo - mu kiduma choosi, kigira mu vusuuvirifu vwavo, vaali niviitakasa aveene mu vutakatifu.

Nehemia 11:36

Kiduma kilala chi Ihiiri ya vandu va Levi avaari ni vamenyi mu kivala chi Ivuyuda, vahambanywa komenya harara ni Ihiiri ya Benjamini.

Nehemia 12:44

Mu ing'inga yeyo, avasaza vaatovolwa kusingilira ving'oze via mavikiru, gu uvwihaani vwi Litembeli vwaviikwa; harara ni zizaka, uvuswage vwukutanga, na makuyu gukutanga kwenga vuli muhiga. Kutura mu milimi jaali ahimbi na madaala, gavadukiraa valeete mu mavikiru gi zinyumba zie Litembeli vidieli vienyangwa ku Lilaga, avasaalisi na va Levi vahevwe, kigira avandu vosi va Ivuyuda vayanzizwa na vasaalisi kandi na vandu va Levi.

1 Samweli 9:9

Ku maziambiri mu kivala cha Isiraeli niiva umundu yaazizaa koteeva Nyasaye kindu, yaavolanga, “Hamba kuzie ku muloli.” Kigira muporofeti wa Kalunu yalangangwa muloli.