1 Kyetsinyinga 9:1 - KITABU KITAKATIFU

¹ Vandu va Isiraeli vosi vang'odwa kolondekana ku zinyumba ziavo, na amakuva gaavo gang'odwa mu Kitabu cha Vami va Isiraeli. Avandu vi Ivuyuda vaali ni vahaminyiywi kuzia Babiloni mu kivala chu vuhambe, kuli amageri kigira uvwoni vwavo.

1 Kyetsinyinga 9:1 ပူးပေါင်းရင်းမြစ်များ

1 Avami 14:19

Ivindu vindi viosi viu mwami Jeroboamu yakola, mahi ga yalwana, kandi kuli yamiha, viosi viang'odwa mu vitabu via makuva ga kale ga vami va Isiraeli.

2 Avami 24:14

Nebukadineza yaahira avandu va Jerusalemi mu vuhambe, avayaayi vosi vi inyumba yu vwami, na vasaza aviimiliri vosi, avandu zielefu likomi. Kandi yavugula avayinziri vi limanya linene harara na vasiza na vatuli, navuzwa natigaliza inyima avandu vaali vadaka ligali mu kivala chi Ivuyuda.

2 Avami 24:15

Nebukadineza yaahira Jehoyakini mu Babiloni kuli umuhambe, harara na mama weve, vakali veve, vanene veve na vasaza vimiliri vosi vi Ivuyuda.

2 Avami 24:16

Nebukadineza yaavugula kuzinguru avandu vanene vosi avaari ni limanya linene, navahira mu Babiloni. Avandu kutura Ivuyuda vosi vaali zielefu saba, na avayinziri elefu indala avaari ni limanya linene, harara na vasiza na vatuli. Avandu yava vosi, vaali avasaza vaduukana kuzia mu vulwani.

1 Kyetsinyinga 8:40

Avayaayi va Ulamu vaali avasikari vi liihe vi zinguru ligali kandi avalasi vi mivano ju vuta. Yaali na vayaayi vosi 150 kandi na visukuru. Yavo vosi avataliywi vaali avihiiri ya Benjamini.

2 Kyetsinyinga 33:11

Kunangwa Yahova yaleka avanene vi liihi kwingilira kivala chi Ivuyuda. Vagumira Manase, nivatoza zindoani nu mu muulu geege, nivamuvoha niminyororo ju mugasa, ma nivamuhila Babiloni.

Ezara 2:1

Yava nivo avandu vi kivala avaatura mu lihaminywa, avu Mwami Nebukadineza yaali naahiri Babiloni mu kivala chi lihaminywa. Viirana Jerusalemi kandi Ivuyuda vuli mundu yazia mu kadaala keke.

Ezara 2:59

Yili nilivaliza lia vandu vaatura mu madaala ga: Telimela, Teliharisha, Kerubu, Adani na Imeri, navuzwa sivali vanyara kumanyiriza ndi avaguuga vaavo vaali visukululwi via Isiraeli mba:

Nehemia 11:1

Avanene vavandu vamenya mu Jerusalemi, na avandu vandi vakuba ikura kotovola avinyumba indala kutura mu zinyumba 10 vaze komenya mu lidaala litakatifu lia Jerusalemi; na zinyumba zindi zitigaye, vamenye mu madaala gandi manene na makekeeke.

Nehemia 7:5

Kunangwa Nyasaye wange yandinyiliza kuvungiza harara avandu vosi, na aviimiliri vaavo kandi na vanene vaavo vaduuki kuvalizwa kolondekana ku zinyumba ziavo. Na ndanyoora kitabu cha makura ga yavo avaari vukutanga ukwirana kutura mu vuhambe mu Babiloni. Yaga nigo makuva ga ndanyoora mu:

Nehemia 7:64

Yava venyeleriza mu vitabu vaduuki konyoora avaguuga vi zinyumba ziavo, navuzwa sivali vanyara kuvanyoola mba, kunangwa vatulizwa kulivaliza lia vusaalisi kuli avatali avanifu kolondekana mu mwima gwi idini ya Avayuda.

Isaya 3:2

avasaza vaduukiru kandi avasikari vaavo, avakalagi kandi avaporofeti vaavo, avasigitiri kandi avakulundu vaavo,

Jeremia 13:19

Amadara ga Negebu gamali kukumbirizwa; siaveeyeho kali mulala unyala kuvita azie mugo mba. Avandu vosi vi Ivuyuda vamali kuhirwa ihale mulihaminywa.”

Jeremia 39:9

Mu limaliriza, Nebuzaradani munyabara wa avalindi yavugula avandu vaali nivatigaye mu lidaala, harara na avandu vaali nivamwiruki naavahira mu lihaminywa mukivala cha Babiloni.

Danyeli 1:2

Yahova yaleka mwami Nebukadineza nagumira mwami Jehoyakimu kandi na vugula vilala ku viju vie Litembeli lia Nyasaye. Yaahira viju yivi mu kivala cha Babiloni, naviviika mu keng'oze chi litembeli lia vanyasaye veve.