1 Kyetsinyinga 8:33 - KITABU KITAKATIFU

³³ Neri yivula Kishi, na Kishi yivula mwami Saolo. Saolo yivula avayaayi vane: Jonazani, Malikishua, Abinadabu, na Eshibaali.

1 Kyetsinyinga 8:33 ပူးပေါင်းရင်းမြစ်များ

2 Samweli 2:8

Munene wi liihi lia Saolo, Abineri muyaayi wa Neri, yaali navuguyi Ishiboshezi, muyaayi wa Saolo niyaambuki engeleka wu mugera gwa Jorodani kuduuka Mahanaimu.

2 Samweli 4:12

Daudi yahaana lilago ku avasikari veve ma ni vita Rikabu na Baana; kandi vakala makono gaavo nivirenge viavo, ivia vaasunga ahimbi ni lidavalia lia Heburoni. Vaavugura mutwi gwa Ishiboshezi kandi nivaguyavira mu kilindwa cha Abineri ha Heburoni.

1 Kyetsinyinga 8:32

na Mikilozi, baba wa Shimea. Visukululwi vaavo vamenya mu Jerusalemi; ahimbi ku avizinyumba vandi vi kiliango chavo.

1 Kyetsinyinga 8:34

Jonazani yivula Meribaali, Meribaali yivula Mika.

Vikolwa 13:21

Maku vateva vave nu Mwami, na Nyasaye yavaha Saolo mwana wa Kishi, mundu wi ihiiri ya Benjamini, ave mwami wavo kuduuka ing'inga yi mihiga arubaini.

1 Samweli 31:2

Navuzwa avandu va Filisitia vavalondelera nivavagumira kandi vita vavaga ku vayaayi va Saolo, Jonazani, Abinadabu na Malikishua.

1 Samweli 9:1

Yaali ho umundu mutugi kandi wizingulu walangwa Kishi; kutura mu ihiiri ya Benjamini. Yaali muyaayi wa Abieli na umwisukulu wa Zerori, kandi kesoni cha Bekorazi, mwiko wa himbi wi kiliango cha Afia.

1 Samweli 9:2

Yaali nu muyaayi walangwa Saolo, uwaali muyaayi wi ligondo. Yaali mutambi ligali kuvita vandu vandi vosi, kandi wi ligondo lilahi ligali kuvita.