1 Kyetsinyinga 6:15 - KITABU KITAKATIFU

¹⁵ Mwami Nebukadineza yahaminya Jehozadaki kumuhila mu vuhambe harara na avandu vandi vi Ivuyuda na Jerusalemi ava Yahova yaahira mu vuhambe.

1 Kyetsinyinga 6:15 ပူးပေါင်းရင်းမြစ်များ

2 Avami 14:27

Navuzwa sivwaali vulaliri vwa Yahova kudiviza Isiraeli ligali kandi mihiga ni mihiga, kunangwa yavahonyia kuvitira mu mwami Jeroboamu wa kaviri.

2 Avami 25:18

Komeeda ku vandu vo munyabara, munene wi liihe lia Nebukadineza yaahira mu kivala chu vuhambe; yaahira kandi Seraya musaalisi munene, Zefania musaalisi olondela musaalisi munene, na vanene vaduukiru vandi vavaga vu mu Litembeli.

2 Avami 25:21

mu zinzako zia Hamazi. Hene yaho, mwami yavoola vakuywi kali kuduuka ku likuza. Na vandu vi Ivuyuda vaahirwa ihale mu vuhambe kutura mu kivala chavo.

1 Kyetsinyinga 6:14

Azaria yivula Seraya, na Seraya ni yivula Jehozadaki.

1 Kyetsinyinga 6:16

Levi yaali na vayaayi vavaga: Gerishomu, Kohazi, na Merari.

Ezara 5:2

Lwa Zerubabeli mwana wa Shealitieli na Joshua mwana wa Jehozadaki vahulira makuva ga vaporofeti yava, vatanga kwumbaka uvuhia Litembeli mu Jerusalemi. Avaporofeti vaviri yava vakonyana navo.

Kutwula 4:13

Navuzwa Musa yamutivulira, “Awa, Yahova, mwaza tuma mundu wundi.”

Jeremia 39:9

Mu limaliriza, Nebuzaradani munyabara wa avalindi yavugula avandu vaali nivatigaye mu lidaala, harara na avandu vaali nivamwiruki naavahira mu lihaminywa mukivala cha Babiloni.

Jeremia 52:28

Yili nilivaliza lia avandu va Nebukadineza yaahira muvuhambe: Muliamiha lilie liu muhiga gwa saba yaahira avandu 3,023;

Haggai 1:1

Mulidiku liu kutanga liu mweli gwa sitamu muhiga gwa kaviri gwi liamiiha liu mwami Dariasi wa Pasia, Yahova yamoloma kuvitira ku muporofeti Hagai, ku Zerubabeli mwana wa Shealitieli, mwamihi wivuyuda, kandi ku Joshua mwana wa Jehozadaki, musaalisi munene.

Haggai 1:12

Maku Zerubabeli, Joshua na vandu voosi vaali ni vakatula Babiloni mu vuhaambe, vakora cha Yahova Nyasaye wavo yavavolera. Vaali nu vuti kandi vaatia muporofeti Hagai mutumwa wa Yahova.

Haggai 1:14

Yahova yadinyiriza vandu kuyinzira ku Litembeli: Zerubabeli mwami wi Ivuyuda, Joshua musaalisi munene na vandu vosi vaali ni vatuli mu vuhaambe, vosi vatanga kuyinzira ku Litembeli lia Yahova Wuvunyali, Nyasaye wavo.

Haggai 2:2

Yavolera Hagai avolere Zerubabeli mwami wi Ivuyuda, Joshua musaalisi munene na vandu vosi nu kuvavoolera,

Vikolwa 14:27

Lwa vaduuka Andiokia vavuganyia likanisa lia ahene yaho, nivavavoolera amakuva gi vindu viosi via Nyasaye yakola harara navo, kandi kuli yigulira avandu vi Zihiiri zindi kiliango chu kwingira mu lisuuvira.

Varumi 15:18

Ndakaluviliri kovora kindu kindi choosi ni kitali vuzwa cha Kristo Yeso yakola kuvitira mu inzi kwimilira vandu vizihiiri vaduuki kuhulira Nyasaye. Yakola ndio mu makuva nu mu vikolwa,