1 Kyetsinyinga 4:10 - KITABU KITAKATIFU

¹⁰ Jabezi yasaala ku lieta lia Nyasaye wa Isiraeli, navoora, “Ungasize, O, Nyasaye, ma ombe kivala kinyingi. Ove ninzi harara ma umbiki ihale kutura ku vindu viosi vidamanu ivinyala kongola mbe nu vuzunu.” Na Nyasaye yamukolera goosi ga yateeva.

1 Kyetsinyinga 4:10 ပူးပေါင်းရင်းမြစ်များ

Litanga 12:2

Ndakokola ove ni visukululwi vinyingi, na valakave ihiiri enene ligali. Ndakugasiza kandi ulamanyikana ligali; kandi ulava ugasizaa.

Litanga 12:8

Inyima wa yaga, Aburamu yazia Isavaalu ku kiguru keveeye Ivugwi wi Lidaala lia Bezeli. Yumbaka lihema Imadioli wa Bezeli na Ivugwi wa Ayi. Hene yaho kandi, yumbaka uvwali ma nasigamira Yahova.

Litanga 28:20

Maku Yakobo yalomba lilagana na Yahova navoora, “Niiva ulava harara ninzi nukuninda kologendo lwange, kandi kumba chukulia nizinguvu,

Litanga 28:21

Kandi niiva ndirana mu mirembe hango ha baba wange, kunangwa ivi ulakave Nyasaye wange.

Litanga 32:26

Maku mundu oyo yavoola, “Leka inzi nzie kigira vucheye.” Yakobo yamuvolera, “Inzi si ndakuvugilira uzie mba, kuduuka lwa ungasiza.”

Litanga 32:27

Mundu oyo yateeva Yakobo, “Ivi ulangwa vwaha?” Yativura, “Yakobo.”

Litanga 32:28

Mundu uyu yavoola, “Kutura kalunu lieta liilio si ulalangwa Yakobo mba, navuzwa ulalangwa ‘Isiraeli’ kigira ivi umali kulwaana na Nyasaye kandi na vandu, na umali kuguuta.”

Litanga 33:20

Yumbaka hene yaho vwali ma naalanga havundu hene yaho Eli, Nyasaye wa Isiraeli.

Litanga 48:16

Engelosi yasoola kutura ku vudamanu vwosi, yaanza uvagaasizi! Lieta liange harara na mita ga vaguuga vange, Aburahamu na Isaka gagulikwi avayaayi yava! Vave ni zinzivulu zia vana vanyingi kandi visukululwi vinyingi!”

1 Kyetsinyinga 16:8

O, haana lisandiza ku Yahova, landiza lieta lilie linene; vooleli zihiiri ziosi goosi agaamali kokora.

1 Kyetsinyinga 4:11

Kalebu amwavo wa Shuha, yaali baba wa Mehiru, uwaali baba wa Eshitoni.

1 Kyetsinyinga 4:9

Jabezi yaali mundu wu luyali lonene ku vandu vi inyumba yeeye. Mama weve yamugulika lieta “Jabezi” kigira mu livulwa lilie yaali nu vuzunu vunyingi.

Ayubu 12:4

Kali avalina vange vaasekaa kalunu; kali niiva mbeeye mundu mulungi, utaveeye nimbara; navuzwa ing'inga yaali ho lwa Nyasaye yahaana amativuli ku lisaala liange.

Zaburi 119:173

O, Yahova, ove mwetegeku kongonya, kigira nondaa malago googo.

Zaburi 121:7

Yahova alakukinga kutura ku vuhimwa vwosi. Kandi alakulinda ove nimirembe.

Zaburi 145:19

Ahaanaa lienya lia yavo vosi avamutizaa, ahuliraa lirira liavo nukuvahonyia.

Zaburi 21:4

Yaakoteeva livamwoyo, na ivi wamuha, wamuha livamwoyo lie mihiga ni mihiga.

Zaburi 51:12

Unzilanyili uvusangari uvutulaa ku vohonyi vuvwo, na ongole mbe ukuhulilaa.

Zaburi 51:8

Leka mbuliri mioyo juvusangali nuvuyanzi; na kaliva unduvulanyi, nukumbunanyia, inzi ndava nuvuyanzi kandi.

Zaburi 55:16

Navuzwa, inzi ndanira Yahova Nyasaye yangonye, naye alambonyia.

Zaburi 65:2

kigira ivi ukutivuliranga amasaala giitu. Avandu kutura havundu hoosi valaza ku ivi

Zaburi 72:17

Leka lieta liu mwami lizulizwi mihiga ni mihiga; ulusuma lwilwe luhindiri kuli liuva! Leka zihiiri ziosi ziteeve Nyasaye azigaasizi kuli amali kugasiza mwami!

Zaburi 99:6

Musa na Haruni vaali vasaalisi veve; kandi Samweli yaali mulala ku avasaalaa kuye. Vanira ku Yahova naye yavativulira.

Tsing'ano 10:22

Uvugasu vwa Yahova vulakuha vutugi, navuzwa liyinzira vudinyu si lilakokola mutugi mba.

Tsing'ano 30:8

undulizi mu vovehi kandi vugadi, kandi uleke mburi kuva mutugi anoho mudaka. Ombe vuzwa chukulia kidukanaa ninze.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 41:17

“Lwa avandu vange avadaka kandi avadambi vaveeye ni lienya amazi kigira uvuluhu, Inzi Yahova ndahaana amativuli ku lisaala liavo. Inzi Nyasaye wa vandu va Isiraeli sindavaleka mba.

Jeremia 33:3

“Waniri ku inzi, na inzi ndakutivulira. Ndakovolera vindu vinene ligali kandi viaviswa via ivi utamanyi mba.

Matayo 26:75

na Petero yizuliza amakuva ga Yeso yamuvolera, “Idaywa nikikiri kulagula, ivi ulanyambakana haali kavaga.” Yatura nazia ichova nalira ligali no vovereri.

Matayo 6:13

Utakuhila mu magerizu mba, navuzwa ukutulizi mu kigira uvwami, ni zinguru ni vivio, mihiga ni mihiga’

Luka 19:42

navoora, “Ndakayanzi ligali niiva munyi mwakamanyi ku lidiku linu vindu via mwenyeka muve navio, ku muve ni mirembe. Navuzwa kalunu vivisiywi kutura mu zimoni zienyu.

Yohana 10:28

Inzi ngahezaa livamwoyo litahera mba, na sigalidiva kali hakuzu mba. Avula ho mundu unyala kunyaga kutura mu makono gange.

Yohana 21:17

Yamuteeva lwa kavaga, “Simoni mwana wa Yohana, unyaanzaa?” Petero yavelera kigira Yeso yamuteeva haali kavaga; “Unyaanzaa” Petero yavoola, “Mwami, ivi wamanya vuli kindu, ivi wamanya ndi ndakuyaanza.” Yeso yamuvolera, “Lihiza magondi gange!

Vikolwa 3:26

Kunangwa, Nyasaye yatovola mutumikiri weve naamutuma kutanga ku munyi amugasizi ku likora samulala ku munyi agirung'ane kutura muzinzira zizie ziu vudamanu.”

Varumi 12:9

Uvuyanzi vwinyu vutava nu vugadi mba. Muvihilirwi agaveeye madamanu, muhande ku agaveeye malahi.

Varumi 16:19

Avandu vosi vaahuliyi amakuva gu vusuuvirifu vwinyu ku Ivangeri, kandi ku kivuni yiki, mbeeye nu vuyanzi ligali kigira munyi. Nyenya muve avageri mu limanya agaveeye malahi, muvuli konyooleka ni kindu ku gaveeye madamanu.

1 Vakorintho 1:2

Kong'oderaa munyi avaveeye likanisa lia Nyasaye mu lidaala lia Korinzo, kandi ku vosi avalangwa kuva avandu vatakatifu va Nyasaye, avaveeye veeve mu lihambanywa harara na Kristo Yeso, harara na vandu vosi hoosi havundu hoosi vasigamira Mwami wiitu Yeso Kristo, Mwami wavo kandi mwami wiitu:

Vafeso 1:3

Lizominywa live ku Nyasaye Baba wu Mwami wiitu Yeso Kristo, uwagasiza kunyi nuvugasu vwosi vwu mu Roho uvutulaa mwigulu kuvitira mu Kristo.

Vafeso 3:20

Kalunu uyu, wi zinguru zizie ziyinziraa mu kunyi, anyala kokora amanyingi ligali kuvita yago agakunyala koteeva anoho kuganaganaa.

Vafeso 4:30

Mutavereriza Roho Mutakatifu wa Nyasaye mba; kigira Roho aveeye muhuri gwa Nyasaye ku munyi, kugamanyia ndi lidiku lilakaduuki lia Nyasaye alakahaane vovoholore ku munyi.

Likunula 3:19

Mundu wa inzi nyanza, mugondokeraa nu kumuha amageri. Ove nu vugulu nu kwiganira utuli muvwoni vuvwo.

1 Samweli 1:17

Eli yamuvolera, “Zia ni mirembe; na Nyasaye wa Isiraeli akohe cha umali kumusaala.”

1 Samweli 1:20

Na gaali ndio, yavereka kandi yivula mwana muyaayi. Yamugulika Samweli, kandi niyiivaala, “Ndateeva Yahova yambe mwana uyu.”

1 Samweli 1:26

Hana yavolera Eli, “Mbeera zimbavasi, mwami. Ukanzizulizaa naho? Inzi mbeeye mukali wa walola nasingiyi hano, nisaalaa ku Yahova.

1 Samweli 1:27

Ndasaara mbeevwe umwana uyu, na Yahova umali kumba cha ndamuteva.