1 Kyetsinyinga 29:3 - KITABU KITAKATIFU

³ Kuvita yaga goosi, Inzi mali kuhaana livikiru liange mwene lie zahabu ni feza ku Litembeli kigira vuyanzi vwange kwetegekera liumbaka lie Litembeli lia Yahova Nyasaye wange.

1 Kyetsinyinga 29:3 ပူးပေါင်းရင်းမြစ်များ

2 Avami 12:4

Joashi yavolera avasaalisi. “Muvungize amabese goosi agaleetangwa mu Litembeli kuli vihaanwa vitakatifu, amabese gasololwaa kuli mabese ga vuli mundu akalagirwa kutunga kuli vusuuru, kandi amabese goosi agahaanwa nu vwihaani vwu mwoyo gwosi mu Litembeli lia Yahova.”

1 Kyetsinyinga 21:24

Navuzwa mwami Daudi yativulira Arauna, “Awa, Ndakutunga uvuguli vwosi. Si ndahaana kuli kihanwa ku Yahova ikindu keveeye ichicho mba, ikindu cha ndatungi.”

1 Kyetsinyinga 29:2

Inzi mali kokora zinguru ligali kuli nyaliza ukwetegekiza vindu viu kwumbakira Litembeli: Izahabu, ifeza, mugasa, kivia kandi misaala ji midaragwa komeeda ku magina manyingi guvuguli vudinyu ligali - iberulo, magina gikibara magina gukuviikwa, magina govong'orang'ore guvuguli vudinyu ligali;

1 Kyetsinyinga 29:4

Mali kuhaana kuvita zikilo 100,000 zie zahabu indahi ligali muno, ya Ofura, kandi ahimbi zikilo 240,000 ziefeza indahi iyaasiywa ligali yu, ukusiaha madigi gi Litembeli,

Zaburi 26:8

O, Yahova, nyanza mu Litembeli liilio aha omenyi havundu hu vukumi vuvwo vomenyaa.

Zaburi 27:4

Mali koteeva Yahova kindu kilala! Nyenya vuzwa kindu kilala cheng'ine: Nduuki “Komenya mu Litembeli lilie, nindora uvulahi vwivwe, nukumusaala yaanzimiliri.”

Zaburi 84:1

O, Yahova Wuvunyali, Litembeli liilio liveeye liukuyanziza ligali.

Zaburi 84:10

Kuva mu Litembeli liilio ku lidiku lilala, voveeye vulahi ligali kuvita kuva havundu handi madiku elefu indala, vwakaveeye vulahi inzi kuva mulindi ha kirivwa chi Litembeli lia Nyasaye wange, ukuvita komenya mu zinyumba zia vandu vachamu.

Kutwula 25:2

“Volera avandu va Isiraeli vanombere kihanwa. Muvuguli vihaanwa viosi viu mundu ayaanza kuhaana.

Luka 7:5

kigira yayanza avandu viitu, kandi umwene yakwumbakira lisinagogi.”