1 Kyetsinyinga 29:28 - KITABU KITAKATIFU

²⁸ Mwami Daudi yakuza naveeye mundu muhindira ligali, mundu wu vutugi vwivwe, kandi ni lizominywa lilie lilahi. Mwana muyaayi weve Solomoni yavugula ovogono vwivwe kuli mwami.

1 Kyetsinyinga 29:28 ပူးပေါင်းရင်းမြစ်များ

Litanga 15:15

Navuzwa ivi ulamenya kuduuka uhindiri, ulakuza na ulatevwa ni mirembe.

Litanga 25:8

Yakuza naveeye musakulu ligali kandi muviri gwigwe gwayavilwa kuli avaguuga veve.

Litanga 35:29

na yakuza naveeye musakulu ligali. Avayaayi veve Esau na Yakobo vaavugura muviri gwigwe nivaguyavira.

1 Avami 1:30

ndi lidiku liakalunu ndatwekiza lisuuviriza lia ndakwisuuhira mu lieta lia Yahova, Nyasaye wa Isiraeli ndi, muyaayi woovo Solomoni alavugula ovogono vwange kuli mwami.”

1 Kyetsinyinga 23:1

Lwa Daudi yaali musakulu ligali, yakola muyaayi weve Solomoni mwami wa Isiraeli.

1 Kyetsinyinga 28:5

Nyasaye yamba avayi, na kutura muvo vosi yatovola Solomoni ukwamiiha ku Isiraeli, uvwami vwa Yahova.

2 Kyetsinyinga 1:8

Solomoni yativura, “Ivi wamanyia uvuyanzi vonene ku baba wange, mwami Daudi; na kalunu umali koleka mbuguli ovogono vwivwe kuli mwami wa Isiraeli.

2 Kyetsinyinga 32:27

Mwami Hezekia yamanya naava mutugi ligali, na vuli mundu yamuha luyali lonene. Yumbaka zinyumba zia mavikiru gi izahabu, ifeza, kandi zia magina guvuguli vudinyu, vindu viazuganywa mu na manemane, zie zinguva kandi zie viju viuvuguli vudinyu ligali.

2 Kyetsinyinga 32:29

Komeeda ku vindu yivi viosi, Nyasaye yamuha magondi ni zing'ombe uvutugi vundi vunyingi ligali kali kuduuka niyumbaka madaala manene manyingi.

Ayubu 5:26

Ulakuza noveeye mukungu ligali, kuli kiganda chi ingano ilavi vulahi, eleteywe koloze ing'inga yiligesa.

Tsing'ano 1:1

Yizi ni zing'ano zia Solomoni mwami wa Isiraeli, muyaayi wa Daudi.

Tsing'ano 16:31

Lihindira liveeye madanyi ga vandu valungi; zimbuzi ziveeye itaji yu vukumi.

Vikolwa 13:36

Daudi yaduukiza vulaliri vwa Nyasaye mu madiku geege; ma yakuza, na ateevwa ahimbi na avaguwga veve, nu muviri gwigwe gwagunda.