1 Kyetsinyinga 29:20 - KITABU KITAKATIFU

²⁰ Maku Daudi yavolera livugana liosi, “Mwizominye Yahova Nyasaye winyu.” Kunangwa livugana liosi lizominya Yahova, Nyasaye wa vaguuga vaavo; kandi vinaminya mitwi jaavo haasi kusigamira Yahova kandi nivahaana luyali ku mwami Daudi.

1 Kyetsinyinga 29:20 ပူးပေါင်းရင်းမြစ်များ

Litanga 24:26

Maku mundu oyo yinama hasa nukusigamira Yahova.

Litanga 24:48

Maku ndinama nukusigamira Yahova. Ndizominya Yahova, Nyasaye wu munene wange Aburahamu, uwaanzimilira vwangu kuzia ku viko vu munene wange, uwa ndanyoora mukaana kuva mukali wu muyaayi wu munene wange.

1 Avami 8:15

Hene yaho yavoola: “Yahova Nyasaye wa Isiraeli yizominywi! Umali kutwekiza lisuuvirizwa lia yalomba ku baba wange Daudi, lwa yavoola,

1 Kyetsinyinga 16:36

Mwizominye Yahova, Nyasaye wa Isiraeli! Mwizominye Yahova lero kandi mihiga ni mihiga! Maku avandu vosi vizominya Yahova, vavoola, “Amini” nivizominya Yahova.

2 Kyetsinyinga 20:21

Lwu mwami Jehoshafati yaali niyakamara komoloma na vandu, yatovola avasaza aviimbira Yahova nukwizominya uvukumi vwu vutakatifu vwivwe lwa vatura kuzia imbiri wi hiiri, ni vavoola, “Mwizominye Yahova! Vuyanzi vwivwe vuhindiraa mihiga ni mihiga.”

Nehemia 8:6

Ezira yavoola, “Yahova Nyasaye umunene!” Avandu vosi vaginga makono gaavo igulu nivavoora, “Amini! Amini!” Maku vinaminya mitwi jaavo hasi kandi nivasigamira Yahova, mmoni mwavo nimudiiyi hasi.

Nehemia 9:5

Vandu va Levi yava vavoolera avandu vasigamiri Nyasaye: Jeshua, Kadimieli Bani, Hashabuneia, Sherebia, Hodia Shebania, na Pezahia. Vavoola, “Musingiri na mwizominyi Yahova Nyasaye winyu. Mumwizominye mihiga ni mihiga. Leki sa mulala yizominye lieta lilie lwu vukumi, kali niiva lizominya liu mundu siliveeye lidukiru mba.”

Zaburi 134:2

Mugiingi makono ginyu igulu mu lisaala mu Litembeli lilie, na mwizominye Yahova!

Zaburi 95:6

Hambi, gendi kumwinamiri kandi kumusigamiri; gendi kusigame imbiri wa Yahova mulombi wiitu.

Kutwula 14:31

Lwa vandu va Isiraeli valora zinguru zinene zia Yahova yaguutira vandu va Egebeti, vaatia ligali, kandi vaali nilisuvira mu Yahova kandi mu mutumikiri weve Musa.

Kutwula 4:31

Vasuuvira, kandi lwa vahulira ndi Yahova umali kuuza kuvo kandi ololi kuli vadambizwa kivi kenene, vinama hasi nivasigamira Yahova.

Tsing'ano 24:21

Mwana wange utie Yahova kandi uhaane luyali ku mwami. Utahambana na vandu vibaara kuvo mba.

Ezekieli 46:10

Mwamihi alingira lwa avandu vingira, kandi alatula lwa avandu vatura.

Joshua 22:33

Avandu va Isiraeli vigutizwa ligali nago kandi vizominya Nyasaye. Sivamoloma kandi amakuva gukuzia mu liihi kudiviza kivala uwa vandu va Rubeni na Gadi vaali nivamenyi mba.

1 Petro 2:17

Muhaane uluyali ku vandu vosi; muyanze avaamitu avasuuviraa; muhaane luyali ku Nyasaye, kandi mutie mwamihi munene wamihaa ikivala.

1 Samweli 12:18

Kunangwa Samweli yasaala Yahova, kandi ku lidiku liene yilio, Yahova yaleeta inguba niimbura. Ahene yaho avandu vaatia Yahova kandi Samweli ligali