1 Kyetsinyinga 29:19 - KITABU KITAKATIFU

¹⁹ Haana ku Solomoni muyaayi wange lienya nu mwoyo gwosi ukuhulira vindu viosi via ulaga, ma kandi aduuki kwumbaka Litembeli yili lia ndaviikira livikiru yili liosi.”

1 Kyetsinyinga 29:19 ပူးပေါင်းရင်းမြစ်များ

2 Avami 17:37

Mulahulira kazozo amalago ni miima ja ndamung'odera. Simulahulira avanyasaye vandi,

1 Kyetsinyinga 22:14

Kulwi Litembeli, kuzinguru ziange mali kuvungiza kuvita zikilo 3,400,000 zie zahabu kandi kuvita zikilo 34,000,000 zie feza ukutumikirwa mu liumbaka Litembeli. Komeeda ukwene yikwo, haveeye ho kandi nu mugasa ni vivia vinyingi vinyala kuvula kuvalizwa. Mbeeye kandi ni zimbaho kandi na magina mulietegeka, navuzwa kuduuka ivi omeede ku ivindi.

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

1 Kyetsinyinga 29:18

O, Yahova Nyasaye wa vaguuga viitu Aburahamu, Isaka na Yakobo, viika liehaana yili mu mwoyo, live Lie zinguru mu mioyo ja avandu vovo ku mihiga ni mihiga, na ugikole give misuuvirifu ku ivi kazozo.

2 Kyetsinyinga 6:30

Huliriza lisaala liavo kutura hango hoho mwigulu, ma uvasamihi. Ivi weng'ine umanya zing'anagani zia vuli mwoyo gwu mundu. Kolera vuli mundu sa mulala kuli adukanaa akolerwe,

Zaburi 119:80

Leka mwoyo gwange gove vugira imbara ku amalago googo, kunangwa mburi kuvikwa mu zisoni.

Zaburi 72:1

O, Nyasaye, wigize mwami kukalaga nuvulungi vuvwo; ohe mwana wu mwami uvulungi vuvwo,

Zaburi 72:2

kunangwa aduuki kwamiiha avandu vovo ni likalaga liuvulungi, kandi kwamiiha avadambizwaa nuvulungi.

Isaya 38:3

“O, Yahova, unzizurize kigira inzi mali kukutumikira nu vusuuvirifu vwosi, kandi mali kokora agaveeye amalahi imbiri woovo nu mwoyo gwange gwosi kazozo.” Mwami Hezekia yalira vululu.

Jeremia 30:18

Yahova avoora, “Inzi ndiraanyia avandu vange mukivala chavo, kandi ndava nizimbavasi ku avandu va Isiraeli; Jerusalemi ilumbakwa vuhia, kandi zinyumba ziayo ziuvwami ziliranywa.

Yakobo 1:17

Vuli kihanwa kilahi kandi vuli kihanwa kidukiru kitulaa mwigulu; chikaa hasi kutura ku Nyasaye, umulombi wu vulavu vwu mwigulu, utagirung'anywa anoho koleta ikisundi ligirung'ana.