1 Kyetsinyinga 29:15 - KITABU KITAKATIFU

¹⁵ Ivi umanya vulahi O, Yahova, ndi kuvitiraa mu livamwoyo kuli avageni kandi avahaminywa imbiri woovo kuli avaguuga viitu vaakora. Madiku giitu mu lirova gaveeye kuli ichiriri kivitaa kandi si kunyala kohona ku likuza mba.

1 Kyetsinyinga 29:15 ပူးပေါင်းရင်းမြစ်များ

Litanga 21:34

Maku Aburahamu yamenya madiku manyingi kuli mugeni mu kivala cha vandu va Filisitia.

Litanga 23:4

“Inzi mbeeye vuzwa mugeni omenyi hano hagati hinyu. Muyanze munguliziri kedonye chu mulimi kunangwa nduuki kuyaviramu muviri gwu mukali wange.”

Litanga 28:4

Nyasaye ayaanze akugasizi harara ni visukululwi vivio, kuli yagasiza Aburahamu. Uvuguli miandu ji kivala yiki, icha ivi omenyi mu, kandi icha Nyasaye yahaana ku Aburahamu!”

Litanga 36:7

Yazia kigira mukivala cha yamenya mu na mwavo weve Yakobo, chaali kekekeeke ligali ku mitugu jaavo. Vaali ni mitugu minyingi ligali, na si vaali vanyara komenya harara mba.

Litanga 47:9

Yakobo yativura, “Limenya liange liu kogenda genda liali mihiga 130. Mihiga yijo jali mikekeeke kandi ju vudinyu, kuvita mihiga ja vaguuga vange vaali mu ligenda genda.”

1 Kyetsinyinga 29:14

“Navuzwa inzi mbeeye vwaha, na avandu vange vaveeye ki, kuduuki kuva avanyala kwihana aveene nu mwoyo gwu vulaliri vwosi kuli yivu? Kigira ivindu viosi vituraa ku ivi, na kukuheezaa iviveeye vivio.

1 Kyetsinyinga 29:16

O, Yahova, Nyasaye witu, kumali koleta uvuhinda vunyingi yivu ukwumbaka Litembeli ukuhaana luyali ku Lieta liilio Litakatifu, navuzwa yivu vwosi vwatula ku ivi kandi vwosi voveeye vuvwo.

Ayubu 14:10

Navuzwa lwu mundu akuzaa, keveezaa keheri kuye, akuzaa kandi si avezaaho mba.

Ayubu 14:2

Alavizaa kuli kimuli kandi aniala vwangu, atulaaho kuli chiriri, kandi siazizagilira kuvaho mba.

Ayubu 8:9

Livamwoyo lietu liveeye likekeeke, na sikumanyi kindu kali hakuzu; kuvitaa kuli chiriri ku lirova.

Zaburi 102:11

Livamwoyo liange liveeye kuli chiriri cha hamugorova; nialaa vuzwa kuli vunyasi.

Zaburi 119:19

Inzi mbeeye hano ku lirova ku ing'inga ngekeeke vuzwa; utavisa malago googo kutura ku inzi mba.

Zaburi 144:4

Mundu aveeye vuzwa kuli mwika, kandi amadiku geege kuli chiriri kivitaa.

Zaburi 39:12

O, Yahova, yaanza uhulirizi ku lisaala liange, kandi hulira lianira liange; hamba ongonye lwa mbeeye ni lilira linyingi. Mbeeye vuzwa mugeni woovo ku ing'inga engekeeke, kuli avaguuga viitu vosi vaali.

Zaburi 39:13

O, Yahova, yaanza utulizi amageri googo ku inzi, ombe zinguru kandi vusangali vwi zimbavasi zizio imbiri wa ngikiri kukuza nu kwivililwa ligali.

Zaburi 90:9

Livamwoyo lietu limbihizwa mu vutima vuvwo; liheraa vuzwa kuli mwika.

Kohelethu 6:12

Mundu anyala kumanya ndi kindu keveeye kilahi ligali ku mundu wundi mu inyinga engekeeke yiyi. Livamwoyo lilie liveeye vuzwa kandi livitaa kuli chiriri. Mundu anyala ndi kumanya kiliekoleka mu kivala ni yakamala kukuza?

Kyavalevi 25:23

Milimi jinyu jitagulizwa ku ligulizwa liemihiga ni mihiga mba; kigira kivala sikeveeye chiinyu mba; nichange, na munyi muveeye kuli avageni vuzwa avavugililangwa kukitumikira.

Yakobo 4:14

Simumanyi livamwoyo lienyu mugamba nalive ki? Muveeye vuzwa kuli umwoki ogololekaa vuzwa ku ing'inga ngekeeke, ma gogota.

1 Petro 2:11

Avalina vange avayaanze, ng'oonya munyi kuli avageni kandi avamenya mu kivala yiki, mwiyahuli ku likayirwa liu muviri, ilihing'anaa nu mwoyo vuli Iwosi.