1 Kyetsinyinga 29:1 - KITABU KITAKATIFU

¹ Mwami Daudi yalandizira livugana liosi: “Muyaayi wange Solomoni niye wa Nyasaye amali kotovola, navuzwa akikiri musoleri kandi vugira limanya. Miyinzi jenyekanga kokolwa ni minene, kigira yiyi si eveeye inyumba yu mwami wa avandu, navuzwa Litembeli lia Yahova Nyasaye.

1 Kyetsinyinga 29:1 ပူးပေါင်းရင်းမြစ်များ

2 Samweli 3:39

Kali niiva inzi mbeeye mwami waatovolwa na Nyasaye, mbeeye mudedekere lero. Avayaayi va Zeruya yava vaveeye avandu vu kutumikira zinguru ligali kuvita inzi. Nyasaye ahaane amageri kuvo kuli gavadukiraa.”

1 Avami 1:20

Mwami wange, avandu vosi va Isiraeli vahenza ku ivi uvavoolere nivwaha uvugura ovogono vuvwo kuli mwami.

1 Avami 3:7

O, Yahova Nyasaye, ivi umali koleka inzi mbuguli vogono vwa baba wange Daudi kuli mwami, kali nimbeeye vuzwa mwana mukekeeke ligali kandi simanyi kuli nzamiiha mba.

1 Kyetsinyinga 22:2

Mwami Daudi yahaana malago ku vageni vosi vamenyi mu kivala cha Isiraeli vavugane harara na yavavika ku miyinzi. Valala kuvo vavaaza magina gu kwumbakira Litembeli.

1 Kyetsinyinga 22:5

Daudi yevolera; “Muyaayi wange Solomoni aveeye mwana musoleri kandi vugira limanya; na Litembeli liumbakirwa Yahova kuduuka live linene kandi lilahi, na liu kwizominywa kandi liu vukumi mu zimoni zie zihiiri ziosi. Kunangwa ndalomba lietegekiza lia lio liosi.” Kunangwa Daudi yalomba vindu vinyingi mu lietegekiza uvwumbaki nakikiri kukuza.

1 Kyetsinyinga 28:1

Mwami Daudi yavolera avanene vosi va Isiraeli kuvugana mu Jerusalemi. Kunangwa aviimiliri vi zihiiri, avanene vamiiha ku miyinzi ju vwami, aviimiliri vi viliango, avahenzi vi miandu ni mitugu ju mwami na avayaayi veve, avanene vosi vinyumba yu vwami, avasikari na vasaza vaduukiru vosi, vavunga harara mu Jerusalemi.

1 Kyetsinyinga 28:10

Kunangwa kuduuki kumanyiriza ndi Yahova umali kotovola ivi ukwumbaka Litembeli lilie litakatifu. Kalunu uve mugulu ma wumbake Litembeli nu mwoyo gwugwo gwosi.”

1 Kyetsinyinga 28:8

“Kunangwa kalunu, avandu vange imbiri wi zimoni zia Nyasaye, kandi ku vandu vosi va Isiraeli, livugana lia Yahova, imbiri wa Nyasaye witu, muhenze vulahi kolonda amalago goosi ga Yahova Nyasaye winyu, muduuki kuvugura kivala kilahi yiki, kandi na mukilekere avana vinyu kuli miandu ku visukululwi vinyu mihiga ni mihiga.”

1 Kyetsinyinga 29:19

Haana ku Solomoni muyaayi wange lienya nu mwoyo gwosi ukuhulira vindu viosi via ulaga, ma kandi aduuki kwumbaka Litembeli yili lia ndaviikira livikiru yili liosi.”

2 Kyetsinyinga 1:2

Mwami Solomoni yahaana malago ku vimiliri vosi avimilila miganda ja vandu 1,000 kandi vimilira miganda ja vandu 100, vanene vu vwamihi vosi, aviimiliri vi zinyumba vosi kandi vandu vandi vosi.

2 Kyetsinyinga 13:7

Lwinyima yavungiza harara muganda gwa vavunagi va malago avatakonya kindu, na vanigaa valeke uvulariri vwavo ku Rehoboamu muyaayi wa Solomoni, uwaali umwana muyaayi vuzwa kandi utaali nilimanya linyingi kuvahingiira.

Tsing'ano 4:3

Lwa ndaali ningikiri muyaayi musoleri, mwana mudelwa ku vivuli vange,

Jeremia 30:18

Yahova avoora, “Inzi ndiraanyia avandu vange mukivala chavo, kandi ndava nizimbavasi ku avandu va Isiraeli; Jerusalemi ilumbakwa vuhia, kandi zinyumba ziayo ziuvwami ziliranywa.