1 Kyetsinyinga 28:9 - KITABU KITAKATIFU

⁹ Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

1 Kyetsinyinga 28:9 ပူးပေါင်းရင်းမြစ်များ

Litanga 28:13

Havundu hene yaho, yalora Yahova nasingiyi halovega. Yavoola, “Inzi mbeeye Yahova, Nyasaye wa Aburahamu kandi Nyasaye wa Isaka. Ndakahaane ku ivi kivala chogoniku yiki, harara ni visukululwi vivio.

Litanga 6:5

Lwa Yahova yalora kuli vuli umundu yaali muchamu ku lirova kandi kuli zing'anagani ziavo ziali zindamanu vuli ing'inga,

Litanga 8:21

Umwayu gwi kisiuviriru gwayaanziza Yahova, na yavoola, “Inzi si ndalaama lirova kigira likora liu umundu mba. Inzi manya ndi umundu aveeye ni zing'anagani zindamanu kutura ing'inga ya yaali mwana. Inzi si ndadiviza vindu viosi viveeye ni livamwoyo kuli mali kokora mba.

1 Avami 3:6

Solomoni yativura, “Ivi wamanya uvuyanzi vonene kazozo ku baba wange Daudi, mutumikiri woovo, kandi naye yaali mulahi, musuuvirifu muvuhambani vwivwe niivi. Kandi ivi uzizagiliyi kumanyia vuyanzi vuvwo vonene kandi vutaveeye niligirung'ana ku limuha muyaayi wamiiha mu vogono vwivwe kalunu.

1 Avami 8:39

hulira lisaala liavo. Uvahulirizi noveeye yengo woovo mwigulu, uvasamihi, kandi uvakonye. Ivi weng'ine umanya zing'anagani ziu mumwoyo gwu mundu. Kolera sa mulala kuli adukanaa akolerwe,

1 Avami 8:43

huliriza ku lisaala lilie. Mwigulu, mwa ivi omenyi, umuhuliri kandi umukolere cha akoteeva, kunangwa vandu vosi vi lirova vaduuki kumanya ivi kandi vaduuki kutia ivi, kuli vandu vovo Isiraeli vakolanga. Hene yaho valamanya ndi Litembeli lia inzi mali kwumbaka yili ni havundu ha ivi unyala kusigamirwa.

1 Avami 8:61

Kunangwa, leki mioyo jinyu jive midukiru kandi jiligali ku Yahova, Nyasaye wiitu, kogenda no komenya mu zinzira zizie ziosi kogenda mu miima jije, kandi kugumira malago geege, kuli gaveeye lidiku lia lero.”

2 Avami 20:3

“Wizulizi, O, Yahova, inzi ndakutumikira nu vusuuvirifu vwu mwoyo gwange gwosi kandi nu luyali lwosi, kandi vuli kazozo, ndageriza kokora vulahi choosi ichawenyaa ngole.” Ma yaatanga kulira ligali.

2 Avami 21:22

Yasura Yahova, Nyasaye wa vaguuga veve, kandi natinguha lilaga lia Yahova.

2 Avami 22:2

Josia yakola agaali malungi mu zimoni zia Yahova, kandi yagenda mu zinzira ziosi zia guuga weve mwami Daudi, vugira kugirung'ana halovega ku mukono mulungi kinga mumosi.

1 Kyetsinyinga 22:19

Kalunu tumikira Yahova Nyasaye woovo nu mwoyo gugwo gwosi kandi na roho gugwo gwosi. Tanga iliumbaka Litembeli kunangwa ove unyala kuviika mu Lisandugu lie Lilagana lia Yahova, kandi viju vitakatifu vindi viosi ivitumikirwaa mu lisigamira Yahova.”

1 Kyetsinyinga 28:8

“Kunangwa kalunu, avandu vange imbiri wi zimoni zia Nyasaye, kandi ku vandu vosi va Isiraeli, livugana lia Yahova, imbiri wa Nyasaye witu, muhenze vulahi kolonda amalago goosi ga Yahova Nyasaye winyu, muduuki kuvugura kivala kilahi yiki, kandi na mukilekere avana vinyu kuli miandu ku visukululwi vinyu mihiga ni mihiga.”

1 Kyetsinyinga 29:9

Avandu vaali nu vuyanzi vonene ligali kigira vaali nivamali kuhaana kuli valalira. Mwami Daudi naye kandi yayanza ligali.

2 Kyetsinyinga 12:5

Muporofeti Shemaya yazia ku mwami Rehoboamu kandi na viimiliri vi Ivuyuda avaari nivavungi mu Jerusalemi ukwiruka kutura ku Shishaka. Yavavolera, “Yili nilio likuva lia Yahova ku munyi: ‘Munyi mumali kondeka, kunangwa kalunu inzi mali kumuleka mu makono gi zinguru zia Shishaka.’ ”

2 Kyetsinyinga 15:2

ma yazia kwagana nu mwami Asa. Yamuvolera, “Mbulirizaa, mwami Asa harara na vandu vosi vi Ivuyuda na Benjamini! Yahova aveeye harara na munyi lwa mukikiri harara naye. Niiva mulenya Yahova mulamunyoola, navuzwa niiva mulatula kuye, naye alamuleka.

2 Kyetsinyinga 6:30

Huliriza lisaala liavo kutura hango hoho mwigulu, ma uvasamihi. Ivi weng'ine umanya zing'anagani zia vuli mwoyo gwu mundu. Kolera vuli mundu sa mulala kuli adukanaa akolerwe,

Ezara 8:22

Inzi ndakaveeye muzisoni okoteeva mwami akohe muganda gwavasikari vi liihi liuvulwani vakulindi kutura ku avasigu vosi ku ing'inga yologendo lwiitu; inzi ndaali nimuvoleeye ndi Nyasaye wiitu agasizaa vuli mundu usuviraa muye. Navuzwa ahaanaa mageri ku vosi avamwambakanaa.

Zaburi 101:2

Ndahenzeriza nokolonda kunzira itaveeye nimbala; ulaaza ku inzi ng'inga ki? Ndamenya munyumba yange nu mwoyo gutaveeye nimbala.

Zaburi 139:2

Ivi umanya inzi kandi vindu viosi viangolaa; ivi umanyirizaa zing'anagani ziange ziosi kali noveeye ihale.

Zaburi 17:3

Ivi umanya mwoyo gwange ligali ivi umali kuuza ku inzi mu vudiku; ivi umali kombenzeriza ligali. Na uvuli konyoora likayirwa lidamanu mu inzi. Inzi simolomaa uvudamanu kuli vandi vakora mba.

Zaburi 18:2

Yahova aveeye mukingi wange, aveeye imbinga yange yizingulu. Nyasaye wange aveeye chu kwivisamu change; aveeye inguva yange, kandi aveeye zinguru zio vohonyi vwange nu munara gwange.

Zaburi 7:10

Nyasaye aveeye likingwa liange, ahonyia yavo avaveeye valungi mu mioyo.

Zaburi 7:9

Ivi Nyasaye oveeye mulungi, kandi umanya zing'anagani zietu ziosi ni likayirwa lietu. Heriza uvudamanu vwa vandu vadamanu kandi uhaane madanyi malahi ku valungi.

Zaburi 89:26

Naye alanira ku inzi nokovoora, ‘Ivi oveeye baba wange kandi Nyasaye wange; Ivi oveeye mukingi wange kandi muhonyi wange.’

Zaburi 89:38

O, Nyasaye, kalunu oveeye nu vutima nu mwami mutovole woovo, umali kumusuura nukumuleka.

Zaburi 9:10

O, Yahova, yavo avakumanya, valakusuuvira kandi siulaleka yavo avaazaa ku ivi mba.

Kutwula 15:2

Yahova aveeye mukingi wange wi zinguru; niyie yenyine umali kombonyia. Aveeye Nyasaye wange, nainzi ndamwizominya, aveeye Nyasaye wa vaguuga vange, kandi ndimba kigira ovonene vwivwe

Kutwula 3:16

Uzie uvuganyie harara aviimiliri va Isiraeli vosi uvavoolere ndi, Inzi Yahova, Nyasaye wa vaguuga vinyu, Nyasaye wa Aburahamu, Isaka, na Yakobo, ololeki ku ivi. Uvavoolere ndi, Ligali umali kuuza kuvo kandi mali kolola ga vandu va Egebeti vamukolera.

Tsing'ano 17:3

Izahabu ni ifeza zigelizwa kuvitira mumuliru, kandi Yahova agerizaa mwoyo gwu mundu.

Tsing'ano 3:6

Wizulizi Yahova mu vindu viosi viokolaa, kandi alakumanyia inzira inungi.

Tsing'ano 4:4

baba wange yanzigiza nambolera, “Yizuliza gambolaa na utagivilira mba. Okole kuli ngovoleeye na ulahindira.

Isaya 1:28

Navuzwa Yahova aladuvulanyia mundu woosi okola uvwoni nukwibaala kuye. Aliita vuli mundu umuleka.

Isaya 38:3

“O, Yahova, unzizurize kigira inzi mali kukutumikira nu vusuuvirifu vwosi, kandi mali kokora agaveeye amalahi imbiri woovo nu mwoyo gwange gwosi kazozo.” Mwami Hezekia yalira vululu.

Isaya 45:19

Simbolaa amakuva gange mu vwivisu mba, anoho kutura mu kivala chi kisundi mba. Sindenya avandu va Isiraeli konyenya ha vundu heere vuzwa mba. Inzi mbeeye Yahova, kandi mboraa agiligali kandi nandizaa amalungi.”

Jeremia 11:20

Maku ndaasaara nembora, “Yahova Wuvunyali, ivi oveeye mukalagi mulungi; kandi ogerizaa mioyo ja avandu kandi zing'anagani ziavo. Inzi mali kuviika makuva gange ku ivi. Ndakayanzi kokolola nuvanzaa kisaalia ku avasigu vange.”

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Jeremia 20:12

O, Yahova Wuvunyali, ivi ogerizaa avandu nuvulungi; wamanya agaveeye mu mioyo jaavo kandi mu zing'anagani ziavo. Kunangwa, ndakayanzi kolola ivi nuvaanzaa kisaalia ku avasigu vange, kigira inzi mali kuviika ku ivi kivuni cha makuva gange.

Jeremia 22:16

Yaali ni likalaga lirungi ku avadaka, kandi vwali vulahi kuye. Yiki nicho kivuni kumanya Yahova.

Jeremia 24:7

Ndavakora vave nuvuha vwu kumanya ndi inzi mbeeye Yahova. Maku valava avandu vange, na inzi ndava Nyasaye wavo, kigira valirana ku inzi ni mioyo jaavo josi.

Jeremia 29:13

Munyi mulanyenyeriza na mulanyola, kigira mulanyenyeriza ni mioyo jinyu josi.

Jeremia 29:14

Inzi mboraa, mulanyola kandi ndamwiranyia mukivala chienyu. Ndamwiranyia harara kutura mu vuli kivala kandi kutura vuli havundu hoosi ahandaamusalanyia, kandi ndamwiranya mukivala chandaamutulizamu nimuhila mu lihaminywa. Inzi Yahova, mali kovora.’

Jeremia 31:34

Siaveeyeho kali mulala waza wigizi wache kumanya Yahova, kigira vosi valakamanye inze, kutura kumukekeeke kuduuka kumunene. Inzi ndakasamihi vwoni uvwavo kandi sindakizulizi uvudamanu vwavo mba. Inzi, Yahova, mali kovora.”

Jeremia 9:24

Niiva mulala yenya kwigingira, gamuduukira yigingiri ndi yamanya kandi amanyirizaa inzi, kigira uvuyanzi vwange vutaveeye nekeheri, kandi ngolaa agaveeye malungi kandi malahi. Yivi nivio vindu viyanziza. Inzi Yahova mali kovora.”

Ezekieli 11:5

Roho wa Yahova yanzimilira, kandi Yahova yambolere mbolere avandu likuva yili: “Avandu va Isiraeli, ndaamanya agamuvolaa kandi agamulohizaa.

Ezekieli 38:10

Yaga nigo ga Yahova Wuvunyali avooreraa Goga: “Lwi ing'inga yeyo iliduuka, ulakatange kuganagana kolohiza vudamanu.

Hosea 4:1

Yahova aveeye nikiyaalo ku avandu vamenya mukivala yiki. Muhuliri avandu va Isiraeli, ku agaavoola: “Siaveeye ho kali mulala oveeye musuvirifu anoho wuvuyanzi mukivala, kandi avandu mukivala sivamanyiriza inzi kuli Nyasaye mba.

Hosea 4:6

Avandu vange vadiviziywi kigira sivamanyiriza inzi mba. Munyi avasaalisi mumali kusuura kumanyiriza inzi kandi mumali kusuura miigizu gange, kandi kunangwa inzi musuyi kandi sindamanyiliza avana vinyu kuli avasaalisi vange mba.

Yohana 1:47

Lwa Yeso yalora Natanaeli niyazaa kuye, yavoola, “Heenzi, uyu aveeye Muisiraeli wiligali, sikeveeye ho ni kindu chuvugadi muye mba!”

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Yohana 2:25

Si yenya mundu amulolekizire amakuva gu mundu wundi mba, kigira mwene yamanya vulahi amakuva goosi agaali mu mioyo jaavo.

Yohana 21:17

Yamuteeva lwa kavaga, “Simoni mwana wa Yohana, unyaanzaa?” Petero yavelera kigira Yeso yamuteeva haali kavaga; “Unyaanzaa” Petero yavoola, “Mwami, ivi wamanya vuli kindu, ivi wamanya ndi ndakuyaanza.” Yeso yamuvolera, “Lihiza magondi gange!

Yohana 4:24

Nyasaye ni Roho, nayavo vamusigamira gavadukiraa vamusigamiri mu Roho nu mu agiligali.”

Yohana 8:55

Munyi mukiri kumumanya, navuzwa inzi mumanyi vulahi. Niiva ndakavooye si mumanyi vulahi ndakaveeye muvehi kuli munyi. Navuzwa inzi mumanyi vulahi kandi ngumira likuva lilie.

Vikolwa 1:24

Kunangwa, vasaala nivavoora, “Mwami, ivi umanya mioyo ja avandu vosi. Ku lwa yago ukumanyie ni uliha ku avandu vaviri yava wa ivi otovooye,

Vikolwa 17:23

Lwa ndavita mu lidaala lienyu linene nimbenza ahukusigamira hinyu, ndanyoora uvwali vwang'odwa ku amakuva yaga, ‘Ku Nyasaye utamanyikani’ uyu wa musigamiraa vugira kumumanya niyie wa inzi nzilwazira munyi.

Vikolwa 17:30

Nyasaye yayivilira zing'inga ziavandu vavura, kumumanya, Navuzwa kalunu, alaangaa avandu vosi, havundu hoosi, viganiri.

1 Vakorintho 15:34

Mwirane mu zing'anagani zienyu zinuungi kandi muleke kokora vwoni kazozo. Valala ku munyi simumanyi Nyasaye ligali mba. Mboraa yaga, ku muviika mu zisoni!

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

2 Vakorintho 8:12

Niiva mundu aveeye nilienya kuhaana, Nyasaye avugiliraa kihanwa chiche kolondekana ne kegero chanyala kuhaana; sianyala kuhaana chataveeye nacho mba.

2 Vakorintho 9:7

Mundu sa mulala, gamudukira ahaane kuli amali kotovola mu mwoyo vugira kuhayahaya anoho kunigwa, kigira Nyasaye ayaanza mundu uhaanaa nu vusangali.

Kwidzulitsa 10:12

“Kalunu avandu va Isiraeli, muhuliri aga Yahova Nyasaye winyu yenya munyi mukore: Sigamiri Yahova ma mukora goosi agalagaa. Mumuyaanze, mumutumikiri ni mioyo jinyu josi, na roho jinyu josi,

Kwidzulitsa 31:21

kandi maduywa gukutihiza manyingi ni kivi vilavagwira. Navuzwa ulwimbu yilu lulimbwa kandi lulava kelolero change kuvo. Kali kalunu, ningikiri kuvahila mu kivala cha ndavasuuviriza ndavaha, manyi icha vaganagana.”

Kwidzulitsa 4:35

Yahova umali kololekiza vindu yivi ku munyi kumumanyia ndi oyo yeng'ine aveeye Nyasaye kandi sihaveeye no wundi nataveeye oyo yeng'ine mba.

Vahebraina 12:28

Kunangwa, gendi kusandizi kigira konyoora uvwami vutanyala kodengeyizwa. Gendi kusandizi ma kusigamiri Nyasaye munzira yu ku muyaanziza, niliegehiza nuvuti ligali,

Vahebraina 4:13

Sihaveeye ho ni kindu kinyala kuviswa ku Nyasaye, vindu viosi vialombwa, viamanywa havulavu imbiri wizimoni zizie. Uyu niyie Nyasaye wa kulihaana kuye makuva gi vikolwa vietu.

1 Petro 5:2

Mugoonyaa ligali, mwaaye ichayo cha Nyasaye yamuha kulinda kandi mukindu nu vwihaani. Gatava ku linigwa, navuzwa ku mwoyo gwu vuyanzi kuli uvulariri vwa Nyasaye; Gatava kigira linyola mitungu, navuzwa mukore nu mwoyo gwu vwihaani.

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.

1 Samweli 12:20

Kunangwa Samweli yavativulira, “Mutatia mba. Kali niiva mwakora kindu kidamanu kuli yiki, mutagirung'ana kutura ku Yahova mba, navuzwa mumutumikiri nimioyo jinyu josi.

1 Samweli 16:7

Navuzwa Yahova yamuvolera, “Utahenza ku vutambi kinga ku vulahi vwi ligondo lilie mba. Mali kumusuura, kigira inzi sindora kuli mundu alolaa mba. Umundu aheenzaa ku ligondo liukwiigulu, navuzwa inzi mbenzaa ku mwoyo.”