1 Kyetsinyinga 28:8 - KITABU KITAKATIFU

⁸ “Kunangwa kalunu, avandu vange imbiri wi zimoni zia Nyasaye, kandi ku vandu vosi va Isiraeli, livugana lia Yahova, imbiri wa Nyasaye witu, muhenze vulahi kolonda amalago goosi ga Yahova Nyasaye winyu, muduuki kuvugura kivala kilahi yiki, kandi na mukilekere avana vinyu kuli miandu ku visukululwi vinyu mihiga ni mihiga.”

1 Kyetsinyinga 28:8 ပူးပေါင်းရင်းမြစ်များ

1 Kyetsinyinga 28:7

Ndakora vwami vwivwe vuhindira mihiga ni mihiga niiva alazizagilira kutia malago gange goosi ni likalaga liange.’

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

Ezara 9:12

Vaakovolera kuvuli kuhaana vakana viitu ku vayaayi vi zihiiri zindi kuva vakali vaavo, anoho kuvuli kuvugura vakana vaavo kuva vakali va vayaayi viitu. Vaakovolera kuvuli kwenya mirembe jukuvugilizana kutura kuvo, kunangwa kuduuki kuva ni zinguru kandi kuduuki konyoora ivindu vilahi mu kivala yiki; kandi vakovolera kuvuli kuva imiandu ku visukululwi vietu mihiga ni mihiga.

Zaburi 119:27

Ngonya kumanyiriza malago googo, na ndaganagana ligali ku amigizu googo gokogenyia.

Zaburi 119:4

O, Yahova, ivi umali kukuha malago googo, kandi wakovolera kugahuliri nu vusuuvirifu vwosi.

Zaburi 119:44

Inzi ndahulira amalago googo kazozo, ndagagumira mihiga ni mihiga.

Kutwula 23:13

“Muhulirizi vindu viosi via inzi, Yahova, mali kovora ku munyi. Mutasaala ku vanyasaye vandi mba; kali mutatala amita gaavo mba.

Tsing'ano 13:22

Mundu mulahi aleka miandu jije kuvisukulu veve, navuzwa miandu javoni jilahevwa vandu avalungi.

Tsing'ano 3:1

Mwana wange, utivilira miigizu gange mba. Ing'inga yoosi wizulizi agangovoolera okole.

Isaya 34:16

Mwenyelerizi mu kitabu cha Yahova ma musome icha kevoolaa. Virombe viosi viang'odwa mu kitabu yiki, kikali ni kisaza. Yahova umali kulaga yaga gave ndio; oyo mwene alavungiza virombe viosi harara.

Vikolwa 10:33

Kigira yaga, ndatuma avandu ku ivi vwangu, na okoli vulahi kuuza. Kalunu, kunyi koveeye imbiri wa Nyasaye, ukuhulira amakuva goosi aga ivi ulagiywi nu Mwami okovolere kunyi.”

Vikolwa 17:11

Avandu vu weneyo vaali avahuliri kuvita avandu va Tesalonike. Vavugilira likuva ni likayirwa linene, nivenya mu Mang'oda Matakatifu kazozo valore niiva amakuva ga Paolo na Sila vavoola gaali gagiligali.

Kwidzulitsa 27:1

Maku Musa harara na vakulundu va Isiraeli yavolera avandu, “Mulonde amalago goosi agamuhezaa kalunu.

Kwidzulitsa 29:10

“Kalunu munyi mwosi musingiyi imbiri wa Yahova Nyasaye winyu, aviimiliri vinyu na vatumikiri vinyu, kandi avasaza vandi vosi va vandu va Isiraeli,

Kwidzulitsa 29:15

Alilombaa ni kunyi kwosi avakusingiyi hano imbiri weve kalunu kandi harara ni visukululwi vietu harara nayavo avakikiri kwivulwa.

Kwidzulitsa 4:1

Maku Musa yavolera avandu, “Muhuliri amalago goosi ga mwigizaa; na mulamenya kandi mwidikiri mu kivala cha Yahova, Nyasaye wa avaguuga vinyu amuhezaa.

Kwidzulitsa 4:26

Nangaa ligulu ni lirova kuli valolekizi ku munyi kalunu ndi, niiva simulahulira inzi mulatulaho vwangu kutura mu kivala yicho. Simulamenya ku ing'inga indambi mu kivala keveeye engeleka wa Jorodani ichamuveeye ahimbi kuvugura mba. Muladivizwa ligali.

Kwidzulitsa 4:6

Mugalonde nokugakola nu vusuuvirifu kigira yaga galamanyia avandu vizihiiri zindi kuli muveeye avageri kandi avilimanya. Lwa vahulira malago yaga goosi, valavoora, ‘Ligali ihiiri enene yiyi veveeye no vogeri kandi ni limanya!’

Kwidzulitsa 5:32

“Avandu va Isiraeli, mugelihi mulindi mukore goosi aga Yahova Nyasaye winyu amali kumulaga. Mutavula kuhulira lilago liosi ku malago geege mba.

Kwidzulitsa 5:33

Mugalonde goosi kunangwa vindu viosi viduuki kuva vulahi ku munyi kandi kunangwa muzizagiliri komenya madiku manyingi mu kivala cha muzizaa kuvugura.

Joshua 24:20

Nimumuleka kuzia kusigamira avanyasaye vageni, alamugirung'ana nukumuha amageri. Alamudiviza, kali ni yaali mulahi ku maziambiri.”