1 Kyetsinyinga 28:4 - KITABU KITAKATIFU

⁴ Navuzwa Yahova, Nyasaye wa Isiraeli, yandovola kutura ku avinyumba ya baba wange vosi kuva mwami wa avandu va Isiraeli vosi kulwa mihiga ni mihiga. Yatovola ihiiri ya Yuda ukuhaana aviimiliri, na kutura mu ihiiri yiyi, yatovola avinyumba ya baba wange. Kutura munyumba yange yoosi, uvulariri vwivwe kumbugura no kongola mbe mwami ku Isiraeli vosi.

1 Kyetsinyinga 28:4 ပူးပေါင်းရင်းမြစ်များ

2 Samweli 5:3

Kunangwa aviimiliri vosi va Isiraeli vaza ku mwami Daudi ha Heburoni. Yalomba lilagana litakatifu navo imbiri wa Yahova, kandi vaamuvaka amaguta, nivamukora Mwami wa Isiraeli.

1 Kyetsinyinga 17:23

“Na kalunu, O, Yahova kutwekiza kuzing'inga ziosi izizaa, lisuuvirizwa lia walomba ku inzi kandi ivisukulurwi viange, na okole aga waavola ulakola.

1 Kyetsinyinga 17:27

Ngoteva nuyanza uduuki kugasiza visukululwi viange kunangwa valaduuki kuzizagilira kusangalira ligasiza liilio. Ivi, Yahova, umali kuvagasiza vosi, kandi uvugasu vuvwo vulamenya kuvo mihiga ni mihiga.”

1 Kyetsinyinga 5:2

Yaali ihiiri ya Yuda yanyoora zinguru ligali kuvita ziosi kandi iyatulizaa mwami ukwamiiha zihiiri ziosi. Navuzwa vonene vwu kwivulwa kutanga vwali vwi ihiiri ya Josefu.

2 Kyetsinyinga 6:6

Navuzwa kalunu mali kotovola Jerusalemi kuva havundu hu kusigamira, na ivi Daudi, ulamiha avandu vange.’ ”

Zaburi 108:8

Kivala cha Gileadi keveeye change kandi kivala cha Manase keveeye change; Efuraimu aveeye igudwa yange yikivia; Yuda aveeye imbimbu yange yu vwami.

Zaburi 18:19

Yangoonya kutura mu vuhimwa, yaambonya kigira yayanzizwa niinzi.

Zaburi 60:7

Kivala cha Gileadi keveeye change kandi, kivala cha Manase; Efuraimu aveeye igudwa yange yikivia Yuda aveeye imbimbu yange yu vwami.

Zaburi 89:4

‘Inzi ndakora visukululwi vivio kuva avami mihiga ni mihiga, kandi uvwami vuvwo vulava ho ku makura goosi mihiga ni mihiga.’ ”

Vahebraina 7:14

Gamanyikanaa vulahi ndi Mwami wiitu yiivulwa kutura mu ihiiri ya Yuda; kandi Musa siyavoola ku kindu choosi ku ihiiri yiyi lwa yamoloma kigira vasaalisi mba.

1 Samweli 16:1

Yahova yavolera Samweli, “Ulasiomera Saolo kuduuka ng'inga ki? Inzi mali kumusuura kuli mwami wa Isiraeli. Navuzwa kalunu vugula maguta ga Muzeituni na uzie Bezelehemu, ho mundu ulangwa Jese, kigira mali kotovola mulala ku vayaayi veve kuva mwami.”

1 Samweli 26:1

Avandu valala kutura Zifu vaza ku Saolo ha Gibea nivamuvoolera ndi Daudi yivisaa ku Kiguru cha Hakila kunyasi kwu mwigendanyama lie Ivuyuda.