1 Kyetsinyinga 28:11 - KITABU KITAKATIFU

¹¹ Daudi yaaha Solomoni muyaayi weve zing'anagani ni lilohiza liosi liu kwumbaka Litembeli, ving'oze via mavikiru harara ni ving'oze vindi viosi, kandi havundu hi igulu, ha vundu hatakatifu kuvita hoosi hu vwasamihilwaa.

1 Kyetsinyinga 28:11 ပူးပေါင်းရင်းမြစ်များ

1 Avami 6:10

Zigorofa zivaga ziung'anywa ku Litembeli ziali zimita 2.2 vutamba vwigulu; ziumbakwa ku madigi gi chova gi Litembeli kandi ziung'anywa kuzio ni mialiru ji midaragwa.

1 Avami 6:3

Keng'oze chu vwingiliru chaali zimita 4.5 kuzia hasi na zimita 9 vugika, kuli hukusigamira hene.

1 Kyetsinyinga 28:12

Yamuha kandi zing'anagani zie lilohiza liosi lia yaali nalio kigira migizi ji Litembeli lia Yahova, ni ving'oze viosi viagikumberiza, kandi amaviikiru gi iviju vie Litembeli lia Nyasaye harara na mavikiru gi vihaanwa viatakasirwa Yahova.

1 Kyetsinyinga 28:19

Mwami Daudi yavoola, “Yaga goosi gaveeye mu lilohizwa liang'odwa kolondekana na malago ga Yahova mwene yahaana ku inzi nduuki kokora.”

2 Kyetsinyinga 5:7

Maku vandu va Levi vaginga Lisandugu lie Lilagana lia Yahova ni valihila mu Litembeli nivaliviika Havundu Hatakatifu ligali.

Nehemia 13:5

Yavugilira Tobia atumikiri keng'oze kenene ichatumikiraa maziambiri ku livikwa mu vihaanwa viu vuswage kandi kimuli, iviju viatumikaa mu Litembeli, vihaanwa via avasaalisi, izaka yuvuswage, iwaini kandi maguta ga muzeituni agahevwa vandu va Levi, avimbi vu mu Litembeli, kandi avalindi vi virivwa vie Litembeli.

Kutwula 25:40

Na ohenze vulahi kuvilomba kolondekana nilifana liavio lia ndaakumanyia mu kiguru.

Kutwula 25:9

Olombe lihema yili harara ni viju vialio viosi kolondekana ni lilohiza lia ndikumanyia.

Kutwula 26:30

Olombe Lihema kolondekana ni lifana lia ndakumanyia ku kiguru.

Jeremia 35:2

“Zia ku vandu vi hiiri ya Rekabu na omolome kuvo. Maku uvalete mukeng'oze kilala ku ving'oze viu mulitembeli ma uvahe iwaini.”

Ezekieli 40:15

Kutura mu vwingiliru vwi kirivwa kuduuka kundulu kwu mugati mwu mulusimbu lwi kirivwa, ziali zimita 25.

Luka 21:1

Lwa Yeso yahenza vulahi, yalora avatugi nivaviika zisadaka ziavo mu livikiru lie Litembeli

Vahebraina 8:5

Uvutumiki vwavo vwu vusaalisi voveeye kelolero kandi chiriri chi vindu viveeye mwigulu. Yiki nicho chagira Nyasaye niyiganihiza Musa lwa yenya kwumbaka Lihema navoora, “Henza olombe vindu viosi ku lugano lwi kilolero cha wamanywa ku kiguru.”