1 Kyetsinyinga 27:25 - KITABU KITAKATIFU

²⁵ Yili ni lilohiza lia mita ga avamiiha ku miandu juvwami: Azimavezi muyaayi wa Adieli yaali mwamihi ku amaviikiru gu vwami. Jonazani muyaayi wa Uzia, yaali mwamihi ku mavikiru ga vandu mu kivala, mu madaala manene, mu tudaala kandi mu minaara.

1 Kyetsinyinga 27:25 ပူးပေါင်းရင်းမြစ်များ

Litanga 41:48

Josefu yavungiza viukulia vinyingi, naviviika mu madaala. Yavika muvuli lidaala viukulia via yavungiza kutura mumilimi jalikumberizaa.

2 Samweli 23:31

kandi Abialiboni kutura mu lidaala lia Araba Azimavezi kutura Bahurimu,

2 Avami 18:15

Hezekia yamutumira ifeza yoosi iyaali mu Litembeli kandi mu livikiru lie inyumba yu vwami.

1 Kyetsinyinga 27:24

Joabu muyaayi wa Zeruya yaatanga kuvaliza, navuzwa si yamala kokora ndio mba, nitali uvutima vonene vwa Nyasaye vwaduuka ku Isiraeli kigira agene yaga. Livaliza yili si liang'odwa mu vitabu viu mwami Daudi viu vwami.

1 Kyetsinyinga 27:26

Eziri muyaayi wa Kelubu yaali mwimilibi ku vandu vakora miyinzi ju kulima mu milimi.

1 Kyetsinyinga 28:1

Mwami Daudi yavolera avanene vosi va Isiraeli kuvugana mu Jerusalemi. Kunangwa aviimiliri vi zihiiri, avanene vamiiha ku miyinzi ju vwami, aviimiliri vi viliango, avahenzi vi miandu ni mitugu ju mwami na avayaayi veve, avanene vosi vinyumba yu vwami, avasikari na vasaza vaduukiru vosi, vavunga harara mu Jerusalemi.

1 Kyetsinyinga 29:6

Maku aviimiliri vi viliango, aviimiliri vi zihiiri, avanene va mahi gi zielefu ni zimia, avamihi vi miandu ju vwami vihaana kuhaana aveene kuli vayanza

2 Kyetsinyinga 16:2

Kunangwa mwami Asa yavugula ifeza ni izahabu yoosi yaatigala mu mavikiru gi Litembeli, kandi munyumba yu vwami, navituma Damasiko ku mwami Benihadadi wa Siria na makuva yaga,

2 Kyetsinyinga 26:10

Yumbaka kandi minaara ji zimbinga mu kivala choosi kandi yayava amaliina manyingi gu kuvungiza mu amazi, kigira yaali ni chayo chi mitugu minyingi hoosi hi vigulu vie madioli mu Shefela kandi mu vireremo. Kigira yayanza uvulimi, yadinyiriza avandu kutaga mizabibu mu kivala chi vigulu kandi kulima kivala kenoru.

Kutwula 1:11

Kunangwa vandu va Egebeti vaviika vimiliri valulu kusaliriza vandu va Isiraeli ni miyinzi midinyu. Avandu va Isiraeli vumbakira Mwami amadara manene ga Pitihomu na Ramesesi gatumiki kuli havundu hi videera vwu mwami.

Jeremia 41:8

Navuzwa avandu likomi mu muganda yigio vavoolera Ishimaeli, “Mwaza utakwita mba! Koveeye ningano, shairi, maguta ga muzeituni nu uvwuki kuvisi mumilimi.” Kunangwa si yaviita mba.