1 Kyetsinyinga 25:6 - KITABU KITAKATIFU

⁶ Vayaayi veve vosi vakuba vikuli nu vukana haasi hu vwimiliri vwa baba wavo ukuzia harara nilisigamira liu mu Litembeli. Na Asafu, Jeduzamu na Hemani vaali hasi ha malago gu mwami.

1 Kyetsinyinga 25:6 ပူးပေါင်းရင်းမြစ်များ

2 Samweli 6:5

Daudi na Avaisiraeli vosi vaali nivavina kandi nivimba nizinguru ziavo ziosi kuhaana luyali ku Yahova. Vaali nivakubaa uvukana, madienyi, zisugudi, malele, nizing'imba.

1 Avami 10:12

Mwami Solomoni yatumikira misaala zana yijo kolomba zitiru zie Litembeli lia Yahova kandi zie inyumba yu vwami; kandi kolomba uvukana kandi na madienyi ga vimbi vatumikira. Kunangwa misaala minyingi kuli yijo jaali jikikiri koleetwa mu kivala cha Isiraeli anoho kololwa ku kandi mba.

1 Kyetsinyinga 15:16

Daudi yavolera aviimiliri va va Levi okotovola vandu vi hiiri ya Levi valala vimbi zinyimbu ziu vusangali nu kukuba viju viavo vie zinyimbu vudinyu ku vukana vwi migoye, marere kandi ni vikuli viu kulangilira.

1 Kyetsinyinga 15:19

Vimbi vaali Hemani, Asafu, na Ezani venyeka vakubi vikuli viu mugasa.

1 Kyetsinyinga 15:22

Kenania yatovolwa kusingilira ihiiri ya Levi viimba kigira uvusiza vonene mu vwiimbi.

1 Kyetsinyinga 23:5

4,000 valava valindi vi virivwa, na 4,000 valakuminya Yahova nivatumikira viju viu kwimbira mu via inzi mali kuvaha.”

2 Kyetsinyinga 20:28

Lwa vaduuka mu lidaala linene, vazia mu Litembeli ni viimba nu vukana vwemigoye, visira, na mang'alala ni vasangala mu vuyanzi vonene.

2 Kyetsinyinga 23:13

Hene yaho yalora mwami muhia ha vwingiliru vwi Litembeli, nasingiyi ha itiiru yaalomberwa avami, kandi nakumbiriziywi na vanene vi liihi harara na vakubi vi visiriva. Avandu vosi vaali nivahanzuka nuvusangali vonene ligali kandi nivakubaa visiriva na vimbi vumu litembeli niviju viavo viu kwimba nivimiriyi zinyimbu zielizominya. Yatandula zinguvu zizie mu linyang'ana nilivihilirwa kandi nahanzuka, “Uvwibaali! Uvwibaali!”

2 Kyetsinyinga 29:13

Kutura mu kiliango cha ya Elisafani vaala: Shimiri na Jueli. Kutura mu kiliango cha Asafu, vaali, Zakaria na matania.

2 Kyetsinyinga 29:25

Mwami Hezekia yavika vandu va Levi mu Litembeli lia Yahova harara ni vikuli, vukana kandi vukana vwi migoye kolondekana na gahevwa ku mwami Daudi na avaporofeti Gadi na Nazani.

Nehemia 11:17

Matania mwana wa Mika, mwisukulu wa Zabadi, wi kisukururwi cha Asafu, yaali mwimiliri wi ikwaya yukwimba zinyimbu zielisaala liu kusandiza. Bakibukia uwaali mulondi wakaviri ku Matania, na Abida mwana wa Shamua mwisukulu wa Galali, kisukururwi cha Jeduzuni.

Nehemia 12:24

Mu vwimiliri vwa Hashabia, Sherebia, Jeshua, Binui na Kadimieli, avandu vi inyumba ya vandu va Levi vaviikwa mu viduma. Ku ing'inga indala, viduma viviri viimba zinyimbu ziu kuhaana lisandiza nu kwizominya Nyasaye kolondekana na Malago gu mwami Daudi mundu wa Nyasaye.

Nehemia 12:46

Kutura ing'inga yu mwami Daudi, nu mwimbi Asafu, kale ligali muno, aviimbi vimilira zinyimbu zie lisandiza ku Nyasaye.

Zaburi 68:25

Aviimbi vaveeye imbiri, avakubi uvukana vwi zinyimbu vaveeye inyima hagati haavo, vaveeye ho avakaana vakuba zitamburini.

Vafeso 5:19

Muvolerane aveene naveene makuva gi zizaburi, muzinyimbu kandi mu zinyimbu zindakatifu. Mwimbi zinyimbu kandi zizaburi ku Mwami ni lizominya mu mioyo jinyu ku Mwami.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.