1 Kyetsinyinga 24:3 - KITABU KITAKATIFU

³ Mwami Daudi yalohiza visukululwi via Haruni mu viduma kolondekana nu vutumiki vwavo. Mu Lilohiza yili, Daudi yakonywa na Zadoku kisukururwi cha Elieza kandi na Ahimeleki kisukururwi cha Izamara.

1 Kyetsinyinga 24:3 ပူးပေါင်းရင်းမြစ်များ

2 Samweli 20:25

Sheva yaali mung'odi wi kiyaalo; Zadoku na Abiazari vaali avasaalisi,

2 Samweli 8:17

Zadoku muyaayi wa Ahitubu na Abimeleki muyaayi wa Abiazari vaali avasaalisi; Seraya yaali mung'odi mu kiyaalo.

1 Avami 2:35

Mwami yakola Benaya munene wi liihi mu vogono vwa Joabu; naviika Zadoku musaalisi mu vogono vwa Abiazari.

1 Kyetsinyinga 15:11

Maku Daudi yalanga avasaalisi Zadoku na Abiazari, kandi harara na vi ihiiri ya Levi sita yava: Asaya, Urieli, Joeli, Shamaya, Elieli na Abinadabu.

1 Kyetsinyinga 16:39

Musaalisi Zadoku harara na vasaalisi vache veve, vasingilira lisigamira Yahova havundu hu kusigamira mu Gibeoni.

1 Kyetsinyinga 18:16

Zadoku muyaayi wa Ahitubu kandi Ahimeleki muyaayi wa Abiazari vaali avasaalisi Seraya yaali mung'odi wi kiyaalo;

1 Kyetsinyinga 24:31

Vuli mwimiliri wi inyumba kandi mulala ku avamwavo veve avasoleri vaakuba zikuura ziavo, kuli avamwavo vaavo, avana va Haruni vaali ni vakoli. Yaga gekoleka imbiri wu mwami Daudi, Zadoku, Ahimeleki, harara na aviimiliri vi zinyumba zia vaguuga avasaalisi ni ihiiri ya Levi.

1 Kyetsinyinga 24:4

Visukululwi via Elieza valohizwa mu viduma 16 na sita, na visukululwi via Izamara valohizwa mu viduma 8. Yaga gaakolwa ndio kigira vaali ho avasaza vanyingi aviimiliri vi zinyumba hagati ha visukululwi viombi via Elieza.

1 Kyetsinyinga 24:6

Visukululwi via Elieza ni via Izumari vaavugura vwiyangu kukuba zikuura mulala sa mulala. Maku vosi vang'odwa na Shemaya muyaayi wa vandu va Levi, uwaali mung'odi wa vandu va Levi. Mwami, avanene veve, musaalisi Zadoku, Ahimeleki muyaayi wa Abiazari, harara na aviimiliri vi zinyumba zia vasaalisi ma kandi vi zinyumba zia vandu va Levi, vosi vaali avalolekizi va makuva yaga.

2 Kyetsinyinga 8:14

Kolondekana na malago ga baba weve Daudi yaali na viiki ho, Solomoni yalohiza miyinzi ja vuli lidiku ja Avasaalisi, vandu va Levi avakonyana na avasaalisi mu liimba zinyimbu kandi no kokora zigasi ziavo. Kandi yalohiza avasikari vi Litembeli mu vika kokora miyinzi jiavo jia vuli lidiku ha vuli kirivwa, kolondekana na amalago ga Daudi, mutumikiri wa Nyasaye.

1 Samweli 21:1

Daudi yazia ku musaalisi Ahimeleki mu lidaala lia Nobu. Ahimeleki yatura ichova nadegeraa kwagana na Daudi, nateeva, “Kigira ki uzi yinu ivi weng'ine?”