1 Kyetsinyinga 24:1 - KITABU KITAKATIFU

¹ Visukululwi va Haruni vagavulanywa mu miganda yigi: Nadabu, Abihu, Elieza, na Izamara.

1 Kyetsinyinga 24:1 ပူးပေါင်းရင်းမြစ်များ

1 Kyetsinyinga 23:6

Daudi yagavuranyia ihiiri ya Levi mu miganda givaga kolondekana ni miliango jaavo: Gerishoni, Kohazi, kandi Merari.

1 Kyetsinyinga 28:13

Kandi yamuha volohizi vwa avasaalisi na vandu va Levi okokora miyinzi jaavo josi mu Litembeli lia Yahova, kandi kulinda vulahi iviju viosi viu mu Litembeli lia Yahova.

1 Kyetsinyinga 6:3

Amuramu yaali na vayaayi vaviri; Haruni na Musa, kandi yaali nu mukaana mulala walangwa Miriamu. Haruni yaali na vayaayi vane: Nadabu, Abihu, Elieza, na Izamara.

1 Kyetsinyinga 6:34

Uwaali muyaayi wa Elikana. Elikana yaali muyaayi wa Jerohamu, na Jerohamu yaali muyaayi wa Elieli, na Elieli naava muyaayi wa Toa.

2 Kyetsinyinga 23:8

Vandu va Levi na avandu vosi vi Ivuyuda valonda malago ga Jehoyada. Avasaza sivaalakulwa vazie yengo lwa vazia ku miyinzi ku Lisabato. Kunangwa avanene vi liihi vaali navasaza avaari nivaturaa ku miyinzi na yavo avaari nivaaza ku miyinzi.

2 Kyetsinyinga 31:2

Mwami Hezekia yalohiza avasaalisi na vandu va Levi, kolondekana nu muyinzi gwa vuli mundu. Miyinzi jaavo jaali; kuhaana vihaanwa viu kusambwa kandi vihaanwa vie mirembe, kutumika mu virivwa via ahokososa ha Yahova kandi kuhaana lisandiza ni lizominya mu Litembeli lia Yahova.

2 Kyetsinyinga 5:11

Lwa vasaalisi vosi vaali nivatulaa mu Litembeli, vaali niviitakasi aveene, vugira kumanyikana ku miganda jaavo.

2 Kyetsinyinga 8:14

Kolondekana na malago ga baba weve Daudi yaali na viiki ho, Solomoni yalohiza miyinzi ja vuli lidiku ja Avasaalisi, vandu va Levi avakonyana na avasaalisi mu liimba zinyimbu kandi no kokora zigasi ziavo. Kandi yalohiza avasikari vi Litembeli mu vika kokora miyinzi jiavo jia vuli lidiku ha vuli kirivwa, kolondekana na amalago ga Daudi, mutumikiri wa Nyasaye.

Ezara 6:18

Valohiza avasaalisi vi hiiri ya Levi mu vika kigira uvutumiki vwa Nyasaye mu Litembeli lia Jerusalemi. Yaga gakolekaa kolondekana na malago gang'odwa mu kitabu cha Musa.

Ezara 7:5

na Buki yaali muyaayi wa Abishua, na Abishua yaali muyaayi wa Finiasi, na Finiasi yaali muyaayi cha Elieza, na Elieza yaali muyaayi wa Haruni musaalisi munene.

Kutwula 28:1

“Ulage amwavo woovo Haruni harara na avana veve, Nadabu, Abihu, Elieza na Izamara. Uvavukanyie kutura ku avandu va Isiraeli kunangwa vaduuki kundumikira kuli avasaalisi.

Kutwula 6:23

Haruni yaleeta Elisheba, mukaana wa Aminadabu, mbozo wa Nahashoni kuva mukali weve. Yamwivulira Nadabu, Abihu, Elieza, na Izamara.

Livalidza 26:60

Haruni, yaali na vayaayi vane, Nadabu, Abihu, Elieza na Izamara.

Livalidza 3:2

Haruni yaali navayayi vane: Nadabu muyaayi wukutanga, Abihu, Eliaza, na Izamara.

Livalidza 3:4

Navuzwa Nadabu na Abihu vakuzira mu changalangwi cha Sinai lwa vatumikira muliru gwavula kuvugilirwa mulihaana visiuviliru ku Yahova. Na kigira Nadabu na Abihu sivali navana vayaayi mba, Eliaza na Izamara vaatumika kuli vasaalisi lwa baba wavo yaali nakikiri mwoyo.