1 Kyetsinyinga 23:5 - KITABU KITAKATIFU

⁵ 4,000 valava valindi vi virivwa, na 4,000 valakuminya Yahova nivatumikira viju viu kwimbira mu via inzi mali kuvaha.”

1 Kyetsinyinga 23:5 ပူးပေါင်းရင်းမြစ်များ

1 Avami 10:12

Mwami Solomoni yatumikira misaala zana yijo kolomba zitiru zie Litembeli lia Yahova kandi zie inyumba yu vwami; kandi kolomba uvukana kandi na madienyi ga vimbi vatumikira. Kunangwa misaala minyingi kuli yijo jaali jikikiri koleetwa mu kivala cha Isiraeli anoho kololwa ku kandi mba.

2 Avami 7:10

Kunangwa vatura hokososa ha Vasiria, nivirana Samaria ha kirivwa; nivalanga avalindi, “Kunyi kuziiyi kuduuka mu hokososa ha Avasiria na sikololi anoho kuhulira mundu mba; zibarasi ni zibunda zikiri kovoholorwa, na amahema gaveeye vuzwa kuli vandu Vasiria vagaleki.”

1 Kyetsinyinga 16:38

Obedi Edomu muyaayi wa Jeduzuni harara na avasaza 68 vi kiliango chiche, venyekana vavakonye. Obedi Edomu na Hosa vaali mu vulindi vwi virivwa.

1 Kyetsinyinga 16:4

Daudi yatovola valala ku vandu va Levi kwimilira lisigamira lia Yahova, Nyasaye wa Isiraeli, imbiri wi Lisandugu lie Lilagana lia Nyasaye, ku liemba nu mu kwizominya Yahova.

1 Kyetsinyinga 23:30

ukwizominya nu kukuminya Yahova vuli mugamba na mugorova

1 Kyetsinyinga 9:33

Vandu vandi vi zinyumba zia Levi vasingilira liemba zinyimbu mu Litembeli. Avanene vi zinyumba yizi vamenya mu zinyumba zindala zie Litembeli na vaali avavoholore ku miyinzi gindi, kigira vaali ku miyinzi mbasu nu vudiku.

2 Kyetsinyinga 20:28

Lwa vaduuka mu lidaala linene, vazia mu Litembeli ni viimba nu vukana vwemigoye, visira, na mang'alala ni vasangala mu vuyanzi vonene.

2 Kyetsinyinga 34:13

Na vandu va Levi vandi vasingilira uvugingi vwi vindu viatumika ku vwumbaki, kandi kohenza avayinziri vaakora miyinzi lugano na lugano, na vandi vaali avang'odi, na vandi vaali avanene na vandi vaali avalindi vivirivwa.

2 Kyetsinyinga 35:15

Avimbi, visukululwi via Asafu, vaali mu vogono vwavo kolondekana na malago gu mwami Daudi, Asafu, Hemani na Jeduzuni muporofeti wu mwami. Navuzwa avalindi vi virivwa vie Litembeli vaali ha vuli kirivwa. Sivali ni lienya kutura ku vutumwa vwavo mba, kigira vandu va Levi avamwavo vaavo vavalombera lilia liavo lie Lipasaka.

2 Kyetsinyinga 8:14

Kolondekana na malago ga baba weve Daudi yaali na viiki ho, Solomoni yalohiza miyinzi ja vuli lidiku ja Avasaalisi, vandu va Levi avakonyana na avasaalisi mu liimba zinyimbu kandi no kokora zigasi ziavo. Kandi yalohiza avasikari vi Litembeli mu vika kokora miyinzi jiavo jia vuli lidiku ha vuli kirivwa, kolondekana na amalago ga Daudi, mutumikiri wa Nyasaye.

Ezara 7:7

Mu muhiga gokolaa saba gwi liamiiha liu mwami Aritasakises, Ezara yazia kutura Babiloni kuduuka Jerusalemi harara numuganda gwa vandu va Isiraeli harara na avasaalisi, vandu va Levi, aviimbi vi zinyimbu mu Litembeli, avalindi vikirivwa, kandi avatumikiri vi Litembeli.

Nehemia 7:73

Avasaalisi, avandu va Levi, Avalindi vi virivwa vie Litembeli, Aviimbi, na avandu va kazozo avanyingi. Avayinziri vu mu Litembeli, kandi avandu vandi va isiraeli vamenya mu madaala na madaala manene gi Ivuyuda. Lwa mweli gwa saba gwaduuka, avandu vosi va Isiraeli vaali nivamenya mu madaala gaavo.

Zaburi 87:7

Vosi valimba nukuvina nivavoora, “Visinukiru viuvugasu vwitu vwosi viveeye mu Ziyoni.”

Isaya 64:10

Amadara googo amatakatifu gaveeye kuli changalangwi; Ziyoni imali kuva changalangwi, na Jerusalemi imali kuva hazwa.

Amosi 6:5

Muyanzaa ukwimba zinyimbu zia vuzwa ku vukana, mwelomberaa vukana aveene, kuli Daudi.