1 Kyetsinyinga 23:25 - KITABU KITAKATIFU

²⁵ Daudi yavoola, “Yahova, Nyasaye wa Isiraeli umali kuhaana mirembe ku avandu veve, kandi umwene alamenya mu Jerusalemi mihiga ni mihiga.

1 Kyetsinyinga 23:25 ပူးပေါင်းရင်းမြစ်များ

2 Samweli 7:1

Mwami Daudi yiituulira munyumba yu Vwami yeeye kandi Yahova yamukinga kutura ku avasigu veve vosi.

2 Samweli 7:11

kutura lwa ndaatovora avakalagi vave ku avandu vange Isiraeli, ngusuuvirizaa ndi ndakuha lielemeriza kutura ku avasigu vovo vosi. Kali ndio ngovolera ndi, ndakuha visukululwi.

1 Avami 8:13

Kalunu inzi mali kukwumbakira Litembeli linene liuvukumi, havundu ha omenya mihiga ni mihiga.”

1 Avami 8:27

“Navuzwa, ukaveeye unyala O, Yahova Nyasaye, komenya ligali mu lirova? Kali ligulu liosi siliveeye linene linyala kuduuka ivi omenye mulio, kunangwa Litembeli yili lia inzi mali kwumbaka linyala kuva linene likuduuka?

1 Kyetsinyinga 22:18

Yavoola, “Yahova Nyasaye winyu yaveyange ni munyi kandi ukuheeye mirembe ku zimbega zizio. Yagila ninguuta avandu vosi avamenyaa mu kivala yiki, na vosi vaveeye avatumikiri vovo kandi va Yahova.

2 Kyetsinyinga 23:18

Maku Jehoyada yavika uvulindi vwi Litembeli lia Yahova mu vusingiliri vwa Vasaalisi, avaari vandu va Levi, ava Daudi yaali niyagavulira miyinzi mu Litembeli, ukuhaana vihaanwa viukusambwa, via Yahova, kuli gang'odwa mu Lilaga lia Musa, nilisangala kandi liemba zinyimbu, kuli Daudi yaali nalagi.

Zaburi 135:21

Mwizominye Yahova mu Ziyoni, mu Jerusalemi hango hehe. Mwizominye Yahova!

Zaburi 68:16

Kigira ki mukendekelaa kiguru cha Nyasaye yatovola komenya mu mihiga ni mihiga?

Zaburi 68:18

Yanigiraa igulu mwigulu navugura avahambe va yalaanya vanyingi harara naye, avugulaa vihaanwa kali kutura ku vibaali. Yahova Nyasaye alamenya ho.

Zaburi 9:11

Mwimbi zinyimbu ziu kwizominya Yahova, wamihaa mu Ziyoni! Mu volere zihiiri ziosi makuva gi vindu viosi viokogenyia viamali kokora.

Isaya 8:18

Inzi harara na vana vange koveeye kuli kelolero chi lieganihiza kutura ku Yahova Wuvunyali omenya ku kiguru cha Ziyoni. Yakutuma kuli makuva gaveeye mwoyo ku vandu va Isiraeli.

Ezekieli 48:35

Uvutambi vwosi vwi lidigi lie lidaala zimbega ziosi zine ni zimita 9,000. Lieta lie Lidaala yili kutura kalunu lilalangwa, “Yahova Aveeye Hano!”

Joeli 3:21

Inzi ndatungiza kisaalia kigira yavo avamala kwitwa, kandi sindatulizaho mahiolo gaavo mba, kigira inzi Yahova menyaa mu Ziyoni.”

Zekaria 8:3

Inzi ndirana mu Jerusalemi lidaala liange litakatifu nokomenya mulio. Lilakalangwe lidaala lisuuvirifu kandi kiguru cha Yahova Wuvunyali, kilakalangwe kiguru kitakatifu.

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

Vakolosai 2:9

Muye, koveeye ni liiva lio vuduukiru vwosi vwu uvunyasaye, vomenyaa mu Kristo, mu muviri,

Joshua 23:1

Inyima wi ing'inga indambi, Yahova yahaana ku vandu va Isiraeli ovososi kutura ku avasigu vaavo avavakumbiriza. Ku ing'inga yeyo, Joshua yaali musakulu ligali,