1 Kyetsinyinga 22:14 - KITABU KITAKATIFU

¹⁴ Kulwi Litembeli, kuzinguru ziange mali kuvungiza kuvita zikilo 3,400,000 zie zahabu kandi kuvita zikilo 34,000,000 zie feza ukutumikirwa mu liumbaka Litembeli. Komeeda ukwene yikwo, haveeye ho kandi nu mugasa ni vivia vinyingi vinyala kuvula kuvalizwa. Mbeeye kandi ni zimbaho kandi na magina mulietegeka, navuzwa kuduuka ivi omeede ku ivindi.

1 Kyetsinyinga 22:14 ပူးပေါင်းရင်းမြစ်များ

1 Avami 10:14

Vuli muhiga, mwami Solomoni yanyoora himbi zikilo 23,000 zie zahabu

1 Avami 7:47

Solomoni yaleka vindu yivi nivitabimiywi uvulitu vwavio, kigira viali vinyingi ligali nandio uvuliduhu vwa mugasa sivwamanyikana mba.

2 Avami 25:16

Vindu viu mugasa viu mwami Solomoni yaali nalombi mu Litembeli, zitiru ziviri, magare gu kuginga vindu, harara ni lidangi linene viali vilitu ligali kogerwa.

1 Kyetsinyinga 22:15

Ivi oveeye na vayinziri vanyingi. Vaveeye ho avasaza vukuvaaza magina, avasiza vu kwumbakira magina, avasiza vu kutumikira zimbaho, kandi avasiza vi limanya linyingi kandi vi zing'ano ziosi avanyala kuyinzira,

1 Kyetsinyinga 22:3

Yahaana kandi ivivia vinyingi okolomba misumari kigira miliango ji virivwa kandi ji vivohero vie zimbaho, kandi mugasa munyingi ligali kali si haali nu mulala uwaali unyala kugubima mba.

1 Kyetsinyinga 29:2

Inzi mali kokora zinguru ligali kuli nyaliza ukwetegekiza vindu viu kwumbakira Litembeli: Izahabu, ifeza, mugasa, kivia kandi misaala ji midaragwa komeeda ku magina manyingi guvuguli vudinyu ligali - iberulo, magina gikibara magina gukuviikwa, magina govong'orang'ore guvuguli vudinyu ligali;

Jeremia 52:20

Vindu viu mugasa viu mwami Solomoni yaali nalombi mu Litembeli - zitiru ziviri, magare gukuginga vindu, lidangi linene, kandi nizigiriki komi na mbili ziakonyelera, viali vilitu ligali kogera.

Livalidza 7:85

Vuli isahani yi ifeza yaali nu vulitu kiloguramu 1.5, vuli ibakuli yi ifeza yaali nu vulitu ziguramu 800, kolondekana ni ligera lie Lihema Litakatifu.

2 Vakorintho 8:2

Vaveeye ni ligerizwa linene liu vudinyu vunyingi vwa vavitira mu; navuzwa vudinyu vwavo vwali vonene kuvita ligali kigira kali niiva vaali vadaka ligali, vaali vahaani kuvita kegero mu lihaana liavo.