1 Kyetsinyinga 21:8 - KITABU KITAKATIFU

⁸ Daudi yavolera Nyasaye, “Inzi mali kokora uvwoni vudamanu ligali mu likora inguuva yiyi! Mwaza nuyanza usamihi. Inzi mali kokora vudamanu ligali.”

1 Kyetsinyinga 21:8 ပူးပေါင်းရင်းမြစ်များ

Litanga 34:7

lwa vayaayi veve vazaa kutura mumilimi. Lwa vahulira, vaali niligenya kandi nu vutima kigira Shekemu yaali naakori kindu kuli yiki kandi yaali nanyegi avandu va Isiraeli nukwonogonyia mukaana wa Yakobo.

2 Samweli 12:13

Daudi yavolera Nazani, “Mali kwonera Yahova.” Nazani yativura, “Yahova ukusamihi; si ulakuza mba.

2 Samweli 13:13

Galava ndi ku inzi? Ndatuliza ndi zisoni ziange. Na ku ivi, galava ndi, ulava mulala ku avasiru vadamanu mu Isiraeli. Moloma nu mwami. Sialanzigalira mburi koleetwa nivi mba.”

2 Samweli 24:10

Navuzwa inyima wa Daudi yaali niyakamara livaliza, zing'anagani ziu mumwoyo gwigwe ziatanga limukubiza kivi kandi yavolera Yahova, “Mali kokora uvwoni vudamanu ligali, mu likora kindu yiki. Mwaza usamihi. Mali kokora vusiru.”

1 Kyetsinyinga 21:7

Nyasaye si yayanzizwa ni chaali ni chekoleki mba kunangwa yahaana mageri ku Isiraeli.

2 Kyetsinyinga 10:9

Yateeva, “Mumbezaa iganagani ki ya inzi ngola? Nambolere ki avandu vatevaa mbanguhiziri misigo jaavo?”

Zaburi 25:11

O, Yahova, uliinde lilagana lliilio na usamihi vwoni vwange, kigira voveeye uvunyingi.

Zaburi 32:5

Maku, ndiyama uvwoni vwange vwosi ku ivi, na sindavisa mahiolo aange mba. Ndavoora, “Ndiganira uvwoni vwange ku Yahova; na ivi wasamiiha uvwoni vwange vwosi.”

Jeremia 3:13

Mwiyame muveeye namahiolo kandi mwayibaala ku inzi Yahova Nyasaye winyu. Mwiyame ndi hasi himisaala jia amatu mavisi mwayanza avanyasaye vageni kandi simwatia malago gange mba. Inzi Yahova mali kovora.

Hosea 14:2

Mwirane ku Yahova na musaale lisaala yili kuye kuli kihanwa: “Ukusamihi uvwoni vwitu vwosi kandi uvugiliri lisaala lietu. Kunyi kulakwizominya kuli kumali kulaga.

Yohana 1:29

Lidiku lialonda ku, Yohana yalora Yeso niyazaa kuye, kandi yavoola, “Henza, uyu niye Mwana wi ligondi wa Nyasaye utuliza vwoni vwa avumukivala!

1 Yohana 1:9

Niiva kuliyama uvwoni vwitu, Nyasaye aveeye musuuvirifu kandi mulungi, na alakusamiiha uvwoni vwitu kandi alakutakasa kutura ku vuchamu vwosi.

1 Samweli 13:13

Samweli yamuvolera, “Okoli kindu chu vusiru. Watia malago ga Yahova Nyasaye woovo akoheeye mba. Ulatia, yaali yakaleki ivi harara ni kisukururwi chicho ukwaamiiha ku Isiraeli mihiga ni mihiga.

1 Samweli 26:21

Saolo yativura, “Mali kwona. Yirana, Daudi, mwana wange! Sindakusaliriza kandi mba, kigira ivi umali kohonyia livamwoyo liange vudiku vwa lero. Inzi ndaaveyange musiru! Mali kokora kindu kidamanu chukutiihiza ligali.”