1 Kyetsinyinga 21:2 - KITABU KITAKATIFU

² Kunangwa Daudi yavolera Joabu harara na vanene vi liihe vandi, “Muzie, mu Isiraeli mwosi, kutura kundulu kuduuka kundulu na muvalizi vandu ma mundeetere amakuva. Nyenya manye vaveeye vanga.”

1 Kyetsinyinga 21:2 ပူးပေါင်းရင်းမြစ်များ

Litanga 21:14

Mugambazuri lidiku lilondaku Aburahamu yaaha Hagari iviukulia kandi ne ndoho ya mazi niyizuuyi du. Yamuviikira umwana kumugongo kandi namukunga. Yatura ma nagendagenda mwigendanyama lia Beerisheba.

2 Samweli 17:11

Livoora lie zing'anagani ziange liveeye ndi oleete avandu vosi va Isiraeli harara, kutura ku lwako lulala kuduuka ku lundi, avanyingi kuli muyeke ku lujinga lwi inyanza, kandi uviimiliri ivi mwene mu vulwani.

2 Samweli 24:15

Kunangwa Yahova yatuma uvulwaye kumala vandu va kukuya Isiraeli kutura mugamba yigwo kuduuka keheri chi ing'inga yalagwa avandu zielefu sabini vaakuza.

2 Samweli 3:10

kandi mbane uvwami kutura ku Saolo ni kisukururwi chiche, nukusingiliza endeve yu vwami ya Daudi ku Isiraeli na Ivuyuda kutura ku Dani mu ivaale kuzia ku Beerisheba Isavaalu.”.

1 Avami 4:25

Ku lohono lwa yaali mwoyo kuli mwami, avandu muvivala viosi vie Ivuyuda na Isiraeli kutura Dani kuduuka Beerisheba vamenya mu mirembe; vuli vandu vinyumba vaali ni vizabibu kandi makuyu gaavo.

2 Kyetsinyinga 30:5

Kunangwa valanga avandu vosi mu kivala choosi cha Isiraeli, kutura Dani mu lovega lwa Ivaale kuduuka Beerisheba mu Isavaalu, vaze Jerusalemi kolomba lilia lie Lipasaka ku Yahova, Nyasaye wa Isiraeli. Kigira Liali ni likikiri kolombwa ku kolondekana ni Lilaga mu viduma via vandu vanyingi kuvita maziambiri.

Tsing'ano 29:23

Mundu oveeye ni lielora luyali lugeha kuye, navuzwa oyo wegehizaa mu mwoyo alahevwa luyali.

2 Vakorintho 12:7

Navuzwa konomba mburi kwigingira nu vwelori kigira vindu viokogenyia via Nyasaye yamanyia, ndaahevwa vulwaye vululu ligali ku muviri, ovoveeye kuli umutumwa wa Setani, aduuki kuundambiza kunangwa uvwelori vwange vogehe.

Vakalagi 20:1

Avandu vosi va Isiraeli kutura Dani kolovega lwi ivaale kuduuka Beerisheba kolovega lwi savaalu, kandi kutura mu kivala cha Gileadi kolovega lwi vugwi vahulira umulango. Viivungikizana harara ha Mizipa.

1 Samweli 3:20

Kunangwa vandu vosi va Isiraeli, kutura ku lovega lulala kuduuka ku lovega lundi lwi kivala yicho, vamanya ndi Samweli ligali aveeye muporofeti wa Yahova.