1 Kyetsinyinga 21:16 - KITABU KITAKATIFU

¹⁶ Daudi yalora engelosi nasingiyi mu vwerefu hagati, nagumiyi kivavi chiche mu mukono gwigwe, niyetegeki kudiviza Jerusalemi. Maku Daudi na aviimiliri va avandu, vosi avaari niviviiki zinguvu zia magunia, vaagwa haasi mamumama.

1 Kyetsinyinga 21:16 ပူးပေါင်းရင်းမြစ်များ

Litanga 3:24

Maku Yahova Nyasaye yakunga mundu kuzia ihale kutura mu mulimi gwa Edeni, yavika avakerubi ku lovega lwi ivugwi wa Edeni, kandi kivavi kehemahimaa chavodoganaa mu zimbega ziosi. Yakola ndio kwigalira mundu woosi avuli kuzia ahimbi nu musaala gwi livamwoyo.

1 Avami 21:27

Lwa Elija yamala komoloma, Ahabu yatandula zinguvu zizie, niyinavuula kandi niyiviika zinguvu zia magunia. Yasura kulia, naagona mu zinguvu zia magumia, nokogendagenda novovereri kandi mwoyo ni guukuzi.

2 Avami 19:1

Lwu mwami Hezekia yahulira amakuva yaga, yatandula zinguvu zizie mu vovereri vonene, ni yiviika zinguvu zia magunia ma nazia mu Litembeli lia Yahova.

2 Avami 6:17

Hene yaho Elisha yasaala, “O, Yahova, yigula zimoni ziu muyaayi uyu na oleke alole!” Yahova yativura lisaala lilie, kandi mutumikiri wa Elisha yahenza igulu, nalora vigulu ni vizuyi zibarasi na magare gu vulwani gu muliru goosi nigakumbirizi Elisha.

Ezekieli 30:25

Yee, ndamukora kuva mudedekere kandi ndakora mwami wa Babiloni kuva ni zinguru. Lwa nambane kivavi change kuye kandi na kesone mu kivala cha Egebeti, vuli mundu namanye ndi Inzi mbeeye Yahova.

Ezekieli 9:8

Lwa vaali nivazizagilira kwita, inzi ndaahononoka. Ndaagwa hasi mamumama kandi nindira nembora, “Mwami munene Yahova, ivi oveeye nu vutima ligali na vandu va Jerusalemi na uzizaa kwita vuli mundu woosi uwatigala mu Isiraeli?”

Livalidza 14:5

Maku Musa na Haruni vinama hasi imbiri wa vandu vosi va Isiraeli.

Livalidza 16:22

Navuzwa Musa na Haruni vinama vweni vwavo nivudiira kumalova nivavoora, “O, Nyasaye, Ivi oveeye vutangiliru vwi livamwoyo lia vandu vosi. Lwu mundu mulala akolaa uvwoni, ulava nu vutima na vandu vosi?”

Livalidza 22:23

Lwibunda yalora engelosi nisingiyi munzira nigumiyi kivavi, yatura kunzira ni yeveta mumilimi. Baalamu yakuba ibunda nagilanyia kunzira.

Livalidza 22:31

Maku Yahova yaleka Baalamu alole engelosi nisingiyi ahene yaho ni kivavi. Baalamu yagwa hasi mamumama.

Vakalagi 13:20

Lwolomemo lwali nilwaakaa nilunzia mwigulu, engelosi wa Yahova yaazira mu lomemo lwu vwali zana; Lwa Manoa nu mukali weve vagelora vaagwa hasi mamumama.