1 Kyetsinyinga 21:15 - KITABU KITAKATIFU

¹⁵ Maku yatuma engelosi kudiviza Jerusalemi, navuzwa yagirung'anyia zing'anagani zizie kandi navolera engelosi, “Lekera! Yago gaduuki!” Engelosi yaali nasingiyi ku loze lwa Arauna, kutura Jebusi.

1 Kyetsinyinga 21:15 ပူးပေါင်းရင်းမြစ်များ

Litanga 19:13

Kigira kuziiza kudiviza havundu yaaha. Yahova yamala kuhulira vindu vidamanu ligali via vandu va Sodoma vakora. Kulwayago yaakutumi kudivizi lidaala yili.”

Litanga 6:6

yaali novovereri ligali kulilomba mundu nukumuviika ku lirova. Yidula ligali

2 Samweli 24:16

Lwe engelosi yanyira mukono gwigwe kudiviza Jerusalemi, Yahova yaali novovereri ligali kigira ikivi kandi navolera engelosi uwaali nahaana amageri ku avandu, “Gaduuki! Lekera kuhaana mageri googo.” Engelosi wa Yahova yaali ulwene yilwo ha aloze lwa Arauna Umujebusi.

2 Samweli 24:18

Ku lidiku yilio Gadi yazia ku Daudi namuvolera, “Yanigira uzie kwumbakira Yahova uvwali ku oloze lwa Arauna Umujebusi.”

1 Avami 19:4

Elija yagenda logendo lwi lilala liosi kuduuka mwigendanyama. Yazia niyikara hasi mu chiriri chumusaala kandi yegomba akuzi. Yasaala navoora, “Gaduuki, O, Yahova. Vugula livamwoyo liange. Vwakaveeye vulahi inzi nguzi.”

2 Kyetsinyinga 3:1

Maku mwami Solomoni yaatanga kwumbaka Litembeli mu Jerusalemi aha Daudi yaali niyalaga ku kiguru cha Moria, aha Yahova yaloleka ku baba weve Daudi, ku oloze lwa umujebusi.

Zaburi 78:38

Navuzwa Nyasaye yavererela avandu veve ligali. Yavasamiha uvwoni vwavo kandi siyavadiviza mba. Zing'inga zinyingi yigalira uvutima vwivwe vuvuli kutura, kandi siyaleka uvululu vwivwe vwosi vuduuki kuvo mba.

Zaburi 90:13

Uvutima vuvwo vulahindira kuduuka ng'inga ki? O, Yahova, overerere avatumikiri vovo.

Kutwula 32:14

Kunangwa Yahova yaagirung'anyia zing'anagani zizie, siyaleeta ku avandu veve kivi cha yaali navooye mba.

Kutwula 9:28

Musaale ku Yahova! Lihiligana linene lienguba kandi imbura ya magina viduuchi! Inzi musuuviriza ndi ndaleka muzie. Simulava hano kandi mba.”

Jeremia 26:18

“Lwa Hezekia yaali mwami wi Ivuyuda, muporofeti Mika wa Moreshezi yavolera avandu vosi ndi Yahova Wuvunyali amali kovora, ‘Ziyoni yaza ilimwi kuli mulimi, Jerusalemi neeve kuli kitumi cha mang'anye, kandi kiguru chi Litembeli nakigwi mulitu!’

Jeremia 26:9

Kigira ki novoora mu lieta lia Yahova ndi, Litembeli yili lilava kuli Shilo kandi lidaala yili liradivizwa na siaveeyeho kali mundu ulimenya mu mba?” Maku avandu vizura nivangumberiza.

Jeremia 7:12

Kalunu muzie Shilo, havundu haali hukutanga inzi kotovola kuva ahukusigamira; na mulole agandakola kigira uvwoni vwa avandu vange Isiraeli.

Amosi 7:3

Yahova yagirung'anyia zing'anagani zizie navoora, “Agololi sigalakoleka mba.”

Amosi 7:6

Yahova Nyasaye Wuvunyali yaagirung'anyia zing'anagani zizie navoora, “Yaga sigalekoleka kandi mba.”

Jona 3:10

Nyasaye yalora icha vakora. Yalora ndi vamali kuleka miima jaavo midamanu. Kunangwa yagilung'anyia zing'anagani zizie, kandi siyamanya nahaana mageri kuvo kuli yaali navatihiizi mba.

Jona 4:2

Kunangwa yasaala ku Yahova navoora, “O, Yahova, sindavoola ningikiri kutura yengo ndi, yiki nicho icha umanya okole vuzwa? Yicho nicho chagira ningora zinguru ziosi ukwirukira mu kivala cha Tarishishi. Ndaamanya vulahi ndi, ivi oveeye Nyasaye wuvuyanzi, kandi wizimbavasi, umwikuziri ku vutima, kandi umwetegeke kugirung'ana muziganagani, kandi kuvula kuhaana mageri.

Marko 14:41

Lwa yirana lwa kavaga yavavolera, “Mukegonaa, kandi mukesosaa? Gaduuki! Ing'inga iduuki! Henza Mwana wu Mundu azizaa kuhaanwa mu makono ga avoni.

1 Vakorintho 10:10

Mutamoonya kuli valala kuvo vamoonya ma nivadivizwa ne Engelosi wi Likuza mba.

Vakalagi 10:16

Valeka vanyasaye vaavo vageni, nivasigamira Yahova; naye yanyangana kigira lidambizwa lia vandu va Isiraeli.

Vakalagi 2:18

Vuli ing'inga lwa yahova yahaana vakalagi ku vandu va Isiraeli, yakonya vakalagi yava vave nivo avahonyia vandu kutura ku vasigu vaavo madiku goosi gavalange vakalagi; kigira Yahova yalange ni zimbavasi kuvo lwavanyoolaa uvusaliru ni lidambizwa kutura ku vasigu vaavo.

1 Samweli 15:11

“Mbereraa ndi ndaakola Saolo kuva Mwami; umali kugirung'ana kutura ku inzi kandi uvuli kuhulira malago gange.” Samweli yavihilirwa ligali, na uvudiku vwosi yanira ku Yahova namugoonyaa.