1 Kyetsinyinga 21:12 - KITABU KITAKATIFU

¹² Ni mihiga givaga jiinzala? Anoho ni mieli givaga ni wiruka kutura ku amahi ga vasigu vovo? Anoho madiku gavaga aga Yahova avalwaane ni kivavi chiche kandi utumi vulwaye vudamanu ku kivala chicho ipulegi naatumikiranga engelosi weve okoleta likuza mu Isiraeli mwosi? Ni litivuli ki lia mbana ku Yahova?”

1 Kyetsinyinga 21:12 ပူးပေါင်းရင်းမြစ်များ

2 Samweli 21:1

Ing'inga yu vwamihi vwa Daudi, inzara yaali ho induru ligali ku ing'inga yi mihiga jivaga. Kunangwa Daudi yateeva Yahova kivuni chayo; Yahova yavoola, “Saolo harara na avinyumba yeeye vaali namahiolo gu vurumindi, kigira yita avandu vilidaala lia Gibeoni.”

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

2 Avami 19:35

Vudiku vwene yivwo, engelosi wa Yahova yazia hokososera ha vandu va Siria ni yita avasikari 185,000. Na lwa vandu vavuuka mugambazuri mumavwevwe, lidiku lialonda ku, henza, avandu yava vosi vaali ni vakuzi!

2 Avami 8:1

Elisha yaali navoleeye mukali kutura Shunemu, wumuyaayi weve yaali nasimugukiziywi, Yahova azizaa kutuma inzara mu kivala ku mihiga saba. Kunangwa kuduuka ivi na avinyumba yooyo muzie komenya havundu handi.

1 Kyetsinyinga 21:11

Kunangwa Gadi yazia ku Daudi, namuvolera icha Yahova yaali navooye, kandi nateeva, “Ni kiliha cha otovooye?

Zaburi 91:6

utatia uvulwaye vwitaa mu kisundi, anoho uvudamanu vwitaa mbasu hagati mba.

Kutwula 12:23

Lwa Yahova avitira mu Egebeti ukwita vandu va Egebeti, alalora amasahi ku maliva gi miliango kandi ku vibaho vie miliango zie zinyumba, na alavita ku viliango, kandi sialavugilira Engelosi kwingira mu zinyumba zienyu nukukwita vayaayi vinyu mba.

Isaya 66:16

Yahova alaleeta likalaga lilie liu muliru kandi alahaana amageri gi kivavi ku vandu vosi. Yavo ava Yahova aliita valava vanyingi.

Jeremia 12:12

Engereka wivisuru vie viangalangwi, avandu vamali kuuza ku valanya. Mali kutuma uvulwani kwononyia kivala choosi; siaveeyeho kali mulala oveeye mumirembe mba.

Jeremia 42:16

maku iliihi lia mutiizaa yili lilamulondayo, kandi inzara yamutizaa, ilamulondelera yo, kandi mulakuzira mu kivala cha Egebeti.

Jeremia 47:6

Munyi mwaniri, ‘Kivavi cha Yahova! Mulazizagilira kwiita kuduuka ing'inga ki? Mwirane muchura chiinyu mumenye mu ma musoose!’

Lisyoma lya Jeremia 4:9

Yavo aviitirwa mu vulwani vaali vulahi ligali kuvita yavo avakuza kigira inzara; vaang'aha kandi nivakuza kigira si vaali ni viukulia kutura mu mulimi mba.

Kyavalevi 26:10

Ligesa lienyu lilava linyingi ligali, vilamala muhiga, na kali ndio, mulatuliza nokusiuva viatigala ku vikulu muduuki konyoora vwiyangu vwu kuviika mu vihia.

Kyavalevi 26:17

Ndamugirung'ana kunangwa muguutwi kandi yavo vamudunyira valamwamiiha. Mulatihizwa ligali na muliruka lwa hataveeye ho nu umundu umukunga.

Luka 4:25

“Mumbulirizi: gaveeye agiligali ndi vaali ho avakunzakali avanyingi mu kivala cha Isiraeli mu madiku ga Elija. Lwi imbura yavula kukuba ku mihiga jivaga ni mieli sita, inzara enene yaduuka mu kivala choosi.

Vikolwa 12:23

Nonoho engelosi wu Mwami Nyasaye yakuya Herodi, kigira siyaaha Nyasaye uvukumi yivwo mba. Zing'ende ziamulia nakuza.

Kwidzulitsa 28:15

“Navuzwa niiva uvuli kuhulira mwoyo gwa Yahova Nyasaye woovo kandi uvula kuhulira nu vusuuvirifu malago geege goosi nokokola miima jije josi ja inzi mali kumuha lidiku lia kalunu, ahene yaho vilaamo vidamanu yivi viosi vilamugwira.

Kwidzulitsa 28:22

Yahova alamuleetera zinguzu zihambizanaa, mavimba no lodegela, kandi kemeyu nuvukindu vuhiu kudiviza vitagwa vienyu. Kivi yiki kilava harara ni munyi kuduuka lwa mukuza.

Kwidzulitsa 28:25

“Yahova alakola vasigu vinyu va muguuti. Mulavingilira kutura mulovega lulala, navuzwa mu liruka kutura kuvo mu zimbega saba, kandi avandu vosi vu mulirova valadegerizwa lwa valora ichekolekaa ku munyi.

Kwidzulitsa 28:27

Yahova alamuleetera mavimba kuli yakola vandu va Egebeti. Mulava nulwiyago ku miviri jinyu, na simulahona mba.

Kwidzulitsa 28:35

Yahova aladuya masigamo nivirenge vienyu vive nuvuzunu vwa mavimba aga utanyala kohonywa, kutura kuzinduvatiru kuduuka ku lwote lwi mitwi jinyu.