1 Kyetsinyinga 20:5 - KITABU KITAKATIFU

⁵ Vulwani vundi vwali ho na vandu va Filisitia, na Elihanani muyaayi wa Jairi yita Lahami amwavo Goliati kutura Gati. Litimu lilie liali nu luvango lwu vulitu kuli muluguyu gwu mulombi wi zinguvu.

1 Kyetsinyinga 20:5 ပူးပေါင်းရင်းမြစ်များ

2 Samweli 21:19

Vwali ho uvulwani vundi na vandu va Filisitia ha Gobu, na Elihanani muyaayi wa Jairi kutura Bezelehemu yita Goliati kutura Gazu, uwu luvango lwi litimu lilie lwali kuli musaala gwu muruguyu gwi kidali chu mulombi wi zinguvu.

1 Kyetsinyinga 11:23

Yita kandi Muegebeti, mundu munene ligali uwaali mutambi kuvita zimita ziviri, uwaali ni litimu linene ligali. Benaya yamwingilira ni kigurumi, ni yikuba ku litimu kutura mu mukono gwu Muegebeti, kandi namwiita nalio.

1 Kyetsinyinga 20:6

Vulwani vundi vwali ho ha Gazi uwa haali ho nu gundu ugwali ni videte sita ku vuli mukono kandi ni vino sita ku vuli kerenge. Gwaali kisukururwi chi mindu minene ja kale.

1 Samweli 17:4

Musaza mulala walangwa Goliati muluviliri kutura mu lidaala linene lia Gazi, yaza kutura mu ahokososa ha vandu va Filisitia kogelana nukulwaana na vandu va Isiraeli. Yaali ahimbi uvutambi vwi zimita zivaga,

1 Samweli 17:7

Luvango lwi litimu lilie lwali kuli musaala gwu muluguyu kandi uvulitu vwu mutwi gwi kivia gwalio gwaali ahimbi zikilo saba. Musikari wi liihi yagendaa imbiri weve nagiingi inguva yeeye.

1 Samweli 21:9

Ahimeleki yativura, “Mbeeye nikivavi chaali cha Goliati Mufilisitia, wa ivi wiitira mu livona lia Ela; keveeye inyima wi kisibaho, kilingiywi mu inguvu. Niiva uchenya, kivuguli. Yicho nicho chugi chu vulwani cha inzi mbeeye nacho cheng'ine.” Daudi yavoola, “Mbe, sikeveeye ho nikivavi kilahi ligali kuvita yiki havundu hoosi mba!”

1 Samweli 22:10

Ahimeleki yamuteevera ku Yahova cha Daudi akola, ma naamuha chukulia kandi kivavi cha Goliati Mufilisitia.”