1 Kyetsinyinga 19:9 - KITABU KITAKATIFU

⁹ Vandu va Amoni navo vatura nu kuvugura ovogono vwavo ha vwingiliru vwi lidaala liavo linene Raba, na avami avaari ni vazi kuvakonya ni vavugura ovogono vwavo mu milimi.

1 Kyetsinyinga 19:9 ပူးပေါင်းရင်းမြစ်များ

2 Samweli 10:8

Avandu va Amoni vaatura nivavugura ovogono vwavo ha vwingiliru vwi kirivwa chi lidaala linene lia Raba; lwa avandi, vombi vandu va Siria, na avasaza kutura Tobu na Maaka, vaavugura vogono vwavo ichova mu viguuti.

2 Samweli 18:4

Mwami munene yavavolera, “Choosi cha munyi muloraa kuva kilahi ligali, inzi ndakekola.” Kunangwa mwami yasingira handulu hi kirivwa, lwa avasaza vi liihi vosi vavita imbiri weve mu viduma vie zimia ni zielefu.

1 Avami 20:1

Mwami Benihadadi wa Siria yavungiza harara mahi geege goosi, nakonyelerwa na vami vandi salasini na mbiri, nizibarasi ziavo kandi namagare gu vulwani. Yanigira, nakumbiriza lidaala lia Samaria kandi ni valingilira kulilwana.

1 Avami 20:24

Tuliza avamihi salasini na mbiri kutura mu vonene vwavo na uviiki vanene vu muviguuti mu vogono vwavo.

1 Kyetsinyinga 19:10

Joabu yalora ndi amahi ga vasigu ganyala kumwingilira imbiri kandi kutura inyima weve; kunangwa yatovola avasikari avalahi ligali ku va Isiraeli navaviika mu vogono vwavo kohenzana na Vasiria.

1 Kyetsinyinga 19:8

Lwa Daudi yahulira ichaali ni chekoleka, yatuma Joabu ni liihe liosi lia valuviliri.

2 Kyetsinyinga 13:3

Abija yavungiza liihi lia vasikari valuviliri 400,000, na Jeroboamu yaamuhingira ni liihi lia vasikari vatovole vizingulu 800,000.

2 Kyetsinyinga 14:10

Hene yaho, mwami Asa yazia kulwaana Zera, vombi vavugura vogono vwavo mulivona lia Zefaza mu kivala cha Maresha.

Isaya 28:6

Alakahaane zing'anagani zie likalaga lirungi ku yavo avatumikaa kuli vakalagi, na uvuluviliri ku yavo avakingaa virivwa via madaala manene kutura ku lingilirwa.

Jeremia 50:42

Vamali kuvugura uvuta vwavo nivivavi; vaveeye avalulu kandi vugira zimbavasi. Vahulirika kuli inyanza ihuuma, lwa vahiraa zibarasi ziavo. Vaveeye avetegeke kulwaana vandu va Babiloni.

Joeli 2:5

Lwa zitumatuma ku zindongozi zie vigulu, zinyagura kuli muliviti gwa magare gu vulwani; zihumaa kuli vulimu vwumu vusambwa. Zilomba zimbaso kuli amahi manene gu vulwani getegeki kulwana.

1 Samweli 17:2

Saolo na vandu va Isiraeli vavugana kandi nivalomba hokososa mu livona lia Ela, uwa vetegeka kulwaana na vandu va Filisitia.