1 Kyetsinyinga 19:6 - KITABU KITAKATIFU

⁶ Mwami Hanuni na vandu va Amoni vamanya ndi vamali kokora Daudi musigu wavo, kunangwa vaatunga zikilo 34,000 zie ifeza konyoora magare gu vulwani na vasikari vu kuniina ku zibarasi kutura Mesopotamia kandi kutura muvivala via Siria via Maaka na Zoba ndi vavalwanili.

1 Kyetsinyinga 19:6 ပူးပေါင်းရင်းမြစ်များ

Litanga 34:30

Yakobo yavolera Simioni na Levi, “Munyi mumali kumbika mukivi. Kalunu avandu va Kanaani, avandu va Peri kandi vuli mundu mu lidaala linene alanduunyira. Inzi si mbeeye na vasaza vanyingi mba. Niiva vanyara kuuza harara nukunyingilira, inyumba yitu yoosi ilakadivizwi.”

2 Samweli 10:6

Avandu va Amoni vamanya ndi vamali kokora Daudi kuva musigu wavo, kunangwa vatuungaa avasikari vuvulwani zielefu sirini va vandu va Siria kutura Bezirehobu na Zoba avasaza vu vulwani zielefu likomi na vaviri kutura Tobu, kandi mwami wa Maaka na avasaza elefu ndala kuvalwanira.

2 Samweli 8:3

Maku Daudi yalwana nukuguuta mwami Hadadezeri, muyaayi wa Rehoba wa Zoba mu kivala cha Siria. Hadadezeri yaali nazizaa kugumira nukwirana kwamiiha kivala keveeye imutwi wu mugera gwa Efurate.

1 Kyetsinyinga 18:5

Lwa vandu va Siria vamenya Damasiko vaatuma liihi kuzia kokonya Hadadezeri mwami wa Zoba, Daudi yavingilira niyiita avasaza 22,000.

1 Kyetsinyinga 18:9

Mwami Toi wa Hamazi yahulira ndi Daudi yaali kuguuta liihe liosi lia Hadadezeri mwami wa Zoba.

1 Kyetsinyinga 19:5

Vatumwa yavo vaali ni zisoni ligali kali si vaali vanyara kwirana yengo mu liiva yilio mba. Lwa Daudi yahulira ichaali ni chekoleki, yavatumira likuva ndi vamenye mu Jeriko na vavuli kwirana yengo kuduuka lwi zinderu ziavo zimera kandi.

2 Kyetsinyinga 18:3

Mwami Ahabu wa Isiraeli yateeva mwami Jehoshafati wi Ivuyuda, “Ulazia niinzi kwingilira lidaala lia Ramozi mu Gileadi?” Jehoshafati yativura, “Inzi mbeeye kuli ivi oveeye, na vandu vange vaveeye kuli avandu vovo. Kunyi kulazia naivi mu vulwani.”

2 Kyetsinyinga 18:5

Kunangwa mwami Ahabu wa Isiraeli yalanga avaporofeti vaze kuye. Ahimbi avasaza 400, na yavateva, “Nyara kuzia kulwaana Ramozi, mu kivala cha Gileadi, anoho mba?” Vosi vaativura, “Zia, ulingiliri! Nyasaye alakuha iliguuta kulio!”

2 Kyetsinyinga 18:9

Avami yavo, niviviiki zinguvu ziavo ziu vwami, vaali nivikaye ku zindeve ziavo ziu vwami ichova wi kirivwa cha Samaria, na avaporofeti vosi vaali ni vaporofeta imbiri wavo.

2 Kyetsinyinga 25:6

Komeeda ku yava, mwami Amazia yahandika avasikari 100,000 kutura mu Isiraeli na vatungwa ahimbi zikilo 3,400 zie ifeza.

2 Kyetsinyinga 27:5

Yalwana mwami wa Amoni ni liihi lilie, na yavaguuta. Maku yaniga avandu va Amoni kutunga vusuuru yivu vuli muhiga ku mihiga 3 Ifeza zikilo 3,400, ingano zikilo 1,000, na Ishairi zitani 1,000.

Zaburi 14:3

Navuzwa avandu yava vosi vamali kutura kunzira ya Yahova, vosi vaveeye avadamanu; sihaveeye ho nu mundu kali mulala okolaa agaveeye malungi mba.

Zaburi 46:9

Aherizaa uvulwani ku lirova liosi; Avunanyia uvuta, kandi yononyia amatimu kandi asambaa zinguva.

Kutwula 5:21

Kandi vaavoolera Musa na Haruni ndi, “Yahova alole munyi ma amukalagiri! Munyi mumali kokora kunyi kufunyi vugundu imbiri wu Mwami na vatumikiri veve vosi kandi vagumiyi vivavi mu makono gaavo kukwita.”

Luka 10:16

“Oyo uhulira munyi, ahuliraa inzi; kandi oyo usulaa munyi asuraa inzi, kandi oyo usulaa inzi asuraa uwanduma.”

1 Vatesalonike 4:8

Kunangwa, uyu usuulanga amigizu yaga siasuraa mundu, navuzwa asuraa Nyasaye, uhaanaa kumunyi Roho weve Mutakatifu.

1 Samweli 13:4

Avandu va Isiraeli vosi vavolerwa ndi Saolo umali kwita munene wi liihi lia vandu va Filisitia ma kandi avandu va Filisitia vavadunyira ligali. Kunangwa vandu va Isiraeli vahulira mulango gwu kwiyunga na Saolo ha Giligali.

1 Samweli 14:47

Inyima wa Saolo yaali niyakagwa mwami wa Isiraeli, yalwana na vasigu veve havundu hoosi ku vuli lovega: avandu va Moabu, ava Amoni na Edomu, avami va Zoba kandi vandu va Filisitia. Yaali muguuti havundu hoosi ha yalwana.

1 Samweli 27:12

Navuzwa Akishi yasuuvira Daudi ma niyevolera, “Adunyirangwa ligali na vandu veve mwene Avaisiraeli, ku lwayaga kuduuka andumikiri madiku gi livamwoyo lilie liosi.”