1 Kyetsinyinga 17:22 - KITABU KITAKATIFU

²² Ivi umali kokora Isiraeli kuva avandu vovo ivi mwene mihiga ni mihiga, kandi ivi, Yahova, umali kuva Nyasaye wavo.

1 Kyetsinyinga 17:22 ပူးပေါင်းရင်းမြစ်များ

Litanga 17:7

“Inzi ndakalindi lilagana liange ku ivi kandi ku visukululwi vivio mu makura gaaza kuli lilagana lihindira mihiga ni mihiga. Inzi ndakave Nyasaye woovo kandi wi visukululwi vivio.

2 Samweli 7:24

Umali kokora Isiraeli kuva avandu vovo ivi mwene mihiga ni mihiga; kandi ivi Yahova, umali kuva Nyasaye wavo.

1 Avami 10:9

Yahova Nyasaye woovo yizominywi! Amali kumanyia kuli ayanziziywi kokokola ove mwami wa Isiraeli, kigira vuyanzi vwivwe ku vandu va Isiraeli voveeye vwukuhindira mihiga ni mihiga. Umali kokora ivi kuva Mwami kunangwa uduuki kulinda Lilaga nu vulungi.”

1 Kyetsinyinga 17:21

Sihaveeye ho ni ihiiri yindi ku lirova kuli Isiraeli, yawahonyia kutura mu vutugwa mu kivala cha Egebeti, ukuvalomba vave avandu vovo. Vindu vinene kandi vio kogenyia via wavakolera vimali kulandiza ulusuma lulwo mu lirova liosi. Ivi wahonyia avandu vovo kutura mu kivala cha Egebeti kandi wakunga zihiiri zindi lwa avandu vovo vazizagilira kuvingilira nu kulwaana navo.

1 Kyetsinyinga 17:23

“Na kalunu, O, Yahova kutwekiza kuzing'inga ziosi izizaa, lisuuvirizwa lia walomba ku inzi kandi ivisukulurwi viange, na okole aga waavola ulakola.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

1 Samweli 12:22

Yahova umali kulagana ligali kandi si alamuleka mba, kigira umali kukalaga akole munyi kuva vandu veve.