1 Kyetsinyinga 17:21 - KITABU KITAKATIFU

²¹ Sihaveeye ho ni ihiiri yindi ku lirova kuli Isiraeli, yawahonyia kutura mu vutugwa mu kivala cha Egebeti, ukuvalomba vave avandu vovo. Vindu vinene kandi vio kogenyia via wavakolera vimali kulandiza ulusuma lulwo mu lirova liosi. Ivi wahonyia avandu vovo kutura mu kivala cha Egebeti kandi wakunga zihiiri zindi lwa avandu vovo vazizagilira kuvingilira nu kulwaana navo.

1 Kyetsinyinga 17:21 ပူးပေါင်းရင်းမြစ်များ

1 Kyetsinyinga 17:20

O, Yahova, siaveeye ho nu mulala kuli ivi; kunyi kumanya kazozo ndi ivi weng'ine oveeye Nyasaye.

1 Kyetsinyinga 17:22

Ivi umali kokora Isiraeli kuva avandu vovo ivi mwene mihiga ni mihiga, kandi ivi, Yahova, umali kuva Nyasaye wavo.

Nehemia 9:10

Ivi wakola vilolekizu viokogenyia ku mwami wa Egebeti, ku vatumikiri veve kandi ku avandu vi kivala chiche, kigira wamanya kuli vadambiza avandu vovo. Ivi wahevwa ilieta liuluyali lia ukikiri nalio kuduuka kalunu ndi.

Zaburi 107:2

O, munyi mwosi ava Yahova yahonyia, mwiranili kovora amakuva yaga, mu lizominya Yahova, umali kumuhonyia kutura ku vasigu vinyu,

Zaburi 111:9

Yaavoholora avandu veve kandi nalomba lilagana navo liukuhindira mihiga ni mihiga. Aveeye mutakatifu kandi wizingulu.

Zaburi 147:20

Akikiri kokora yaga ku zihiiri zindi; kandi sivamanyi malago geege mba. Mwizominye Yahova!

Zaburi 65:5

O, Nyasaye, ivi ukutivuliranga ku likuha uvuguuti, kandi okolaa vindu viokogenyia okohonyia kunyi. Avandu ku lirova liosi, kandi engereka wi zinyanza zie ihale vasuuvira mu ivi.

Zaburi 77:15

Wahonyia avandu vovo kuzinguru zizio, kandi wahonyia visukululwi via Yakobo na Josefu.

Kutwula 6:6

Kunangwa, volera vandu va Isiraeli ndi inzi mboraa kuvo, ‘Inzi mbeeye Yahova; ndamusoola nukumuvoholora muturi mu vutugwa vwinyu ku vandu va Egebeti. Ndanyira mukono gwu vunyali vwange okoleta amageri gukutihiza kuvo, na ndamuhonyia.

Isaya 48:9

“Ndalindagiriza uvutima vwange kunangwa avandu vaduuki kumwizominya, kandi sindamudiviza mba.

Isaya 63:12

uwaakola zinguru ziu vukumi vwivwe kuzia ku mukono mulungi gwa Musa, niyaavukanyia amazi gi inyanza nukwimilira avandu veve ku aduuki kwelombera lieta lie mihiga ni mihiga;

Isaya 63:9

Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.

Isaya 64:3

Ing'inga yaali ho lwa wakola vindu viu kutihiza iviakwavula kuganangana ku, vigulu viadegera imbiri woovo.

Jeremia 32:21

Ivi waleeta avandu vovo Isiraeli kutura mukivala cha Egebeti ni vilolekizu kandi ni viokogenyia, mu zinguru zizio zinene ligali kandi ku vunyali vuvwo.

Kwidzulitsa 15:15

Mwizurizi ndi munyi mwaali avatugwa mu kivala cha Egebeti, na Yahova Nyasaye winyu yamuvoholora. Kunangwa, yicho nicho kigira muheezaa lilago yili kalunu.

Kwidzulitsa 4:7

“Sihaveeye ho nihiiri yindi, kali neveeye enene, eveeye na nyasaye oveeye ahimbi ligali kuvo lwa vamwenyaa kuli Yahova Nyasaye wiitu aveeye ku kunyi mba. Akutivulira lwa kumwaniraa.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Joshua 10:42

Joshua yaguuta avami yava vosi harara ni vivala viavo mu ing'inga ndala ya yatura kuzia kulwaana mu liihi kigira Yahova, Nyasaye wa Isiraeli yaali naalwaaniraa vandu va Isiraeli.