1 Kyetsinyinga 17:20 - KITABU KITAKATIFU

²⁰ O, Yahova, siaveeye ho nu mulala kuli ivi; kunyi kumanya kazozo ndi ivi weng'ine oveeye Nyasaye.

1 Kyetsinyinga 17:20 ပူးပေါင်းရင်းမြစ်များ

1 Kyetsinyinga 17:19

Vwali uvunyali nu vulaliri vuvwo ivi kokora yaga ku inzi, kandi kumanyia vindu vinene yivi ligali.

1 Kyetsinyinga 17:21

Sihaveeye ho ni ihiiri yindi ku lirova kuli Isiraeli, yawahonyia kutura mu vutugwa mu kivala cha Egebeti, ukuvalomba vave avandu vovo. Vindu vinene kandi vio kogenyia via wavakolera vimali kulandiza ulusuma lulwo mu lirova liosi. Ivi wahonyia avandu vovo kutura mu kivala cha Egebeti kandi wakunga zihiiri zindi lwa avandu vovo vazizagilira kuvingilira nu kulwaana navo.

Zaburi 44:1

O, Nyasaye, kunyi kwa huliriza ligali na amatu giitu kutura ku avaguuga viitu, amakuva gi vindu viokogenyia viawakola mu ing'inga yaavo ya kale.

Zaburi 86:8

O, Yahova, siaveeye ho numunyasaye wundi munene kuli ivi mba, siaveeye ho kali mulala uwakola aga ivi wakola mba.

Zaburi 89:6

O, Yahova, siaveeye ho nu mundu kali mulala mwigulu oveeye kuli ivi mba, anoho vilombe viosi viveeye mu ligulu sivinyala kweleng'anyia ku ivi mba.

Zaburi 89:8

O, Yahova, Nyasaye Wuvunyali, siaveeye ho numulala oveeye wizingulu kuli ivi mba, O, Yahova, ivi oveeye musuuvirifu mu vindu viosi.

Zaburi 97:9

Yahova Nyasaye Wuvunyali, oveeye mwamihi wi Lirova liosi; Ivi oveeye munene ligali kuvita avanyasaye vandi vosi.

Kutwula 15:11

“O, Yahova, nivwaha munyasaye oveeye kuli yivi? Nivwaha oveeye kuli ivi, wokogenyia mutakatifu? Nivwaha unyala kokora vilolekizu iviokogenyia ni vinene kuli vivio?

Kutwula 18:11

Kalunu inzi manyi ndi Yahova aveeye munene kuvita avanyasaye vosi, kigira yakola yaga lwa vandu va Egebeti vadambiza vandu va Isiraeli nilielora kuli yili.”

Kutwula 8:10

Mwami yativura navoora, “Ulasalira mugamba.” Musa yavoola, “Inzi ndakokolera kuli oteevi, na ulamanya ndi sihaveeyeho na nyasaye wundi oveeye kuli Yahova, Nyasaye wiitu mba.

Kutwula 9:14

Ing'inga yiyi sindaleeta amaduywa ku vatumikiri vovo kandi ku avandu vovo venyine mba, navuzwa ndahaana mageri kali ku ivi mwene, kunangwa uduuki kumanya ndi sihaveeye ho nu wundi kuli inzi mu lirova liosi mba.

Isaya 40:18

Nyasaye anyala koleng'anywa na vwaha? Anoho anyala kufananywa na kindiki?

Isaya 40:25

Nyasaye Mutakatifu anyala koleng'anywa ku vwaha? Aveeye ho nu mundu wundi woosi unyala koleng'anywa naye?

Isaya 43:10

“Avandu va Isiraeli, muveeye avaloli vange; ndaatovora munyi muve vatumikiri vange, kunangwa muduuki kumanya inzi kandi kusuuvira mu inzi; Kandi kumanyiriza ndi inzi nzieng'ine mbeeye Nyasaye. Sihaliraho nu munyasaye wundi nataveeye inzi nzieng'ine mba; sihaveeyeho kandi sihaveeyeho nanyasaye wundi kuvita inzi.

Isaya 44:6

Yahova, uwamihaa kandi ukingaa Isiraeli, Yahova Wuvunyali avoora ndi: “Inzi mbeeye Nyasaye Weng'ine, Wukutanga nu Wekeheri; sihaveeye ho na nyasaye wundi, navuzwa inzi.

Isaya 45:22

“O, munyi avandu vi lirova liosi, mwirane ku inzi kalunu ndi, na mulanyola lihona! Inzi mbeeye Yahova Nyasaye wengine oveeye ho.

Isaya 45:5

“Inzi mbeeye Yahova; siaveeye ho nanyasaye wundi mba. Ndakuha zinguru zia wenyaa, kali niiva siumanyi mba.

Isaya 63:12

uwaakola zinguru ziu vukumi vwivwe kuzia ku mukono mulungi gwa Musa, niyaavukanyia amazi gi inyanza nukwimilira avandu veve ku aduuki kwelombera lieta lie mihiga ni mihiga;

Vafeso 3:20

Kalunu uyu, wi zinguru zizie ziyinziraa mu kunyi, anyala kokora amanyingi ligali kuvita yago agakunyala koteeva anoho kuganaganaa.

Kwidzulitsa 3:24

‘O, Yahova Wanyala Viosi, inzi manya ndi ivi umali kumanyia vuzwa litanga lie vindu vinene kandi viokogenyia via uzizaa kokora. Sihaveeyeho na nyasaye mwigulu anoho ku lirova unyala kokora vindu viezingulu via ivi umali kokora mba!

Kwidzulitsa 33:26

Avandu va Isiraeli, sihaveeye ho na nyasaye kuli Nyasaye winyu mba, uhiraa barasi mu malesi kuuza ku likonya lienyu.

Kwidzulitsa 4:35

Yahova umali kololekiza vindu yivi ku munyi kumumanyia ndi oyo yeng'ine aveeye Nyasaye kandi sihaveeye no wundi nataveeye oyo yeng'ine mba.

Kwidzulitsa 4:39

Kunangwa wizulizi kalunu kandi utivilira mba: Yahova aveeye Nyasaye mwigulu kandi ku lirova, Sihaveeye ho nyasaye wundi mba.

1 Samweli 2:2

“Sihali noveeye umutakatifu kuli Yahova sihali nuwundi kuli ye sihali numusooli kuli Nyasaye wiitu.