1 Kyetsinyinga 16:4 - KITABU KITAKATIFU

⁴ Daudi yatovola valala ku vandu va Levi kwimilira lisigamira lia Yahova, Nyasaye wa Isiraeli, imbiri wi Lisandugu lie Lilagana lia Nyasaye, ku liemba nu mu kwizominya Yahova.

1 Kyetsinyinga 16:4 ပူးပေါင်းရင်းမြစ်များ

Litanga 17:7

“Inzi ndakalindi lilagana liange ku ivi kandi ku visukululwi vivio mu makura gaaza kuli lilagana lihindira mihiga ni mihiga. Inzi ndakave Nyasaye woovo kandi wi visukululwi vivio.

Litanga 32:28

Mundu uyu yavoola, “Kutura kalunu lieta liilio si ulalangwa Yakobo mba, navuzwa ulalangwa ‘Isiraeli’ kigira ivi umali kulwaana na Nyasaye kandi na vandu, na umali kuguuta.”

Litanga 33:20

Yumbaka hene yaho vwali ma naalanga havundu hene yaho Eli, Nyasaye wa Isiraeli.

1 Avami 8:15

Hene yaho yavoola: “Yahova Nyasaye wa Isiraeli yizominywi! Umali kutwekiza lisuuvirizwa lia yalomba ku baba wange Daudi, lwa yavoola,

1 Kyetsinyinga 15:16

Daudi yavolera aviimiliri va va Levi okotovola vandu vi hiiri ya Levi valala vimbi zinyimbu ziu vusangali nu kukuba viju viavo vie zinyimbu vudinyu ku vukana vwi migoye, marere kandi ni vikuli viu kulangilira.

1 Kyetsinyinga 16:3

Maku yahaana viukulia ku vandu vosi va Isiraeli. Yaaha musaza kandi mukali sa mulala imango yu mugadi, inyama isambe na mazabibu guminywa.

1 Kyetsinyinga 16:5

Asafu yatovolwa kuva mwimiliri, harara na Zakaria kuli mulondi weve. Jeyeli, Shemiri Amozi, Jehieli, Matizia, Eliabu, Benaya, Obedi Edomu, na Jeyeli vakuba uvukana. Asafu yakuba ivikuli viukulangilira,

1 Kyetsinyinga 16:8

O, haana lisandiza ku Yahova, landiza lieta lilie linene; vooleli zihiiri ziosi goosi agaamali kokora.

1 Kyetsinyinga 24:3

Mwami Daudi yalohiza visukululwi via Haruni mu viduma kolondekana nu vutumiki vwavo. Mu Lilohiza yili, Daudi yakonywa na Zadoku kisukururwi cha Elieza kandi na Ahimeleki kisukururwi cha Izamara.

1 Kyetsinyinga 25:1

Mwami Daudi na aviimiliri va vandu va Levi vaatovora vi viliango via vandu va Levi ukwimilira miyinzi ju kusigamira Yahova. Yava vaali Asafu, Hemani, na Jeduzuni. Venyeka vilwaaze makuva ga Nyasaye, harara ni zinyimbu ziuvukana kandi uvukana vwi migoye kandi vikuli. Yili nilio lilohiza lia avandu vatovolwa ukwimilira lisigamira, nu lugano lwu vutumiki lwa vuli mundu yakola.

1 Kyetsinyinga 6:31

Yava nivo vasaza avu Mwami Daudi yavika mu vulindi vwu uvwimbi zinyimbu havundu hukusigamira mu Jerusalemi inyima wi Lisandugu lia malago lialetwa mu Jerusalemi.

2 Kyetsinyinga 5:13

Lwa vakubi vi visiriva na viimbi vi zinyimbu vahambana harara mu Lizominya Yahova nu kuhaana Lisandiza, nu kwimba igulu harara ni visiliva, vikuli, kandi ni vindu vindi viosi viu kwimbira mu. Viimba nu kwizominya Yahova, nivavoora, “Yahova aveeye mulahi, kigira vuyanzi vwivwe vomenyaa mihiga ni mihiga.” Maku, Litembeli lia Yahova liizula lilesi,

Ezara 3:10

Lwa avandu vatanga kuviika muse gwi Litembeli, avasaalisi niviviiki zinguvu ziavo vaali muvogono vwavo nikisiriva mumakono gaavo. Avandu vinyumba ya Levi avihiiri ya Asafu vasingira ho nivikuli. Vizominya Yahova kolondekana amalago gavaahevwa kutura ing'inga yu Mwami Daudi wa Isiraeli.

Nehemia 12:24

Mu vwimiliri vwa Hashabia, Sherebia, Jeshua, Binui na Kadimieli, avandu vi inyumba ya vandu va Levi vaviikwa mu viduma. Ku ing'inga indala, viduma viviri viimba zinyimbu ziu kuhaana lisandiza nu kwizominya Nyasaye kolondekana na Malago gu mwami Daudi mundu wa Nyasaye.

Zaburi 103:2

Nzizominyaa Yahova, kandi sindivilira viosi vilahi viayangoleraa mba.

Zaburi 105:5

Mwizurizi vikolwa viokogenyia viamali kokora; mwizurizi vilolekizu vivie kandi likalaga lia yakalaga,

Zaburi 106:48

Mwizominye Yahova, Nyasaye wa avandu va Isiraeli, mumwizominye kalunu kandi mihiga ni mihiga! Ma avandu vosi vavoole “Amini!” Yahova yizominywe!

Zaburi 37:1

Utahenda mwoyo kigira yavo avakolaa uvudamanu mba; anoho utakendekera yavo avakolaa uvudamanu mba.

Zaburi 70:1

Ombonyie, O, Nyasaye! Ongonye kalunu ndi, O, Yahova!

Zaburi 72:18

Yahova, Nyasaye wa Isiraeli yizominywi! Niyie yeng'ine okolaa vindu viokogenyia yivi.