28 Mwizominye Yahova, avandu vosi ku lirova, mwizominye vukumi vwi zinguru zizie.
Uvukumi nu luyali lonene vimukumbirizaa, zinguru nu vusangali vizuyi mu Litembeli lilie.
Mwizominye Lieta lia Yahova lio vukumi; muleete vihaanwa kandi muuzi mu Litembeli lilie. Musigamiri Yahova nu vukumi vwu vutakatifu vwivwe.
Leka zihiiri ziosi zive nu vuyanzi kandi vimbi nuvusangali, kigira ivi ukalagiraa avandu nuvulungi; Kandi wimiliraa vuli ihiiri ku lirova.
Nyasaye umali kugasiza kunyi; leka avandu vosi ku lirova vamuhe luyali
Mulandizi ndi Nyasaye aveeye wizingulu ligali; uvukumi vwivwe ku Isiraeli. Uvwerefu vumanyia zinguru zizie.
Mwizominye Yahova, O, munyi avandu vosi ku lirova. Mwizominye uvukumi vwivwe kandi uvunyali vwivwe.
Mwimbiri Yahova kigira uvusangari, O, munyi vandu vosi vi lirova. Mumwizominyi ni zinyimbu kandi Isango yuvusangali!
Lidiku lizaa lwu mwami muhia kutura munyumba yu vwami vwa Daudi alava kelolero ku zihiiri ziosi. Valavunga harara mu lidaala lilie liu vwami nukumuha luyali.
Navuzwa kigira zimbavasi zia Nyasaye mbeeye kuli mundolaa ndi, kandi zimbavasi zizie siziali zia vuzwa mba. Harara ni yago, ndaayinzira vudinyu kuvita avatumwa vandi vosi; nitali siliali likola liange ligali, navuzwa ziali zimbavasi zia Nyasaye ziayinziraa harara ninzi.
Gendi kwizominyi Nyasaye kigira vukumi vwi zimbavasi zizie, ku kihanwa chiche cha yahaana ku kunyi mu Mwana weve Muyanze.
Nyara kokora ivindu viosi kuvitira mu Kristo, uhaana ku inzi, izingulu kusingira.
Kuduuka mulombe vifananyi via miihi ginyu kandi vivundu viononyiaa kivala chienyu, kandi kuduuka muhaane luyali ku Nyasaye wa Isiraeli. Hawundi alalekera kuha munyi amageri, avanyasaye vinyu ni kivala chiinyu.