1 Kyetsinyinga 12:18 - KITABU KITAKATIFU

¹⁸ Maku Roho gwa Nyasaye yaza ku Amasai, uwaali munene wa vandu Salasini, ma navoora, “O, Daudi mwana wa Jese, kunyi koveeye avoovo! Mirembe, mirembe ku ivi, mirembe give ku yavo avakonyaa ivi! Kigira Nyasaye woovo alakokoonya.” Hene yaho Daudi yavingiriza, navakola avanene mu liihi lilie.

1 Kyetsinyinga 12:18 ပူးပေါင်းရင်းမြစ်များ

2 Samweli 15:21

Navuzwa Itai yativura, “Mwami wuluyali wange, nzisuha ku ivi mu lieta lia Yahova ndi inzi ndazia nivi kazozo hoosi ha uzia, kali niiva galava ilikuza anoho livamwoyo.”

2 Samweli 17:25

Abisolomu yaali naviiki Amasa kuva munene wi liihi mu vogono vwa Joabu. Amasa yaali muyaayi wa Izira, Umueshimaeli; mama weve yaali Abigaeli mukaana wa Nahashi, mbozo Zeruya, mama wa Joabu.

2 Samweli 19:13

Daudi kandi yavavolera vavoolere Amasa, “Ivi oveeye mwiko wange. Kutura kalunu kuzizagilira, nguviikaa munene kusingilira liihi mu vogono vwa Joabu. Nyasaye yanguyi nguzi niiva sindakola ndio mba.”

2 Samweli 5:2

Ku maziambiri, lwa Saolo yaali nakikiri mwami wiitu, ivi wimilira avandu va Isiraeli kuzia muvulwani, kandi Yahova yakusuuviriza ndi ivi ulimilira avandu veve na ulava mwami wavo.”

1 Avami 9:22

Solomoni siyakola vandu va Isiraeli vatugwa mba; vaatumika kuli vasikari vuvulwani veve, vimiliri veve vimiliri va mahi veve, vimiliri va magare veve, avanene va magare gu vulwani kandi avizibarasi ziuvulwani.

2 Avami 10:15

Lwa Jehu yatura ho kandi, yagana na Jehonadabu, muyaayi wa Rekabu; uwaali ni yaazaa kumwaganira. Jehu yamucheliza navoora, “Ivi ninzi kuganaganaa kindu kilala ulanyunga umukono?” Jehonadabu yativura, “Yee, ndakora ndio.” Jehu yativura, “Niiva gaveeye ndio, mbe mukono gugwo.” Vaagumirana makono, na Jehu yamukonya kuniina mu ligare lilie,

2 Avami 10:5

Kunangwa munene wasingilira inyumba yu vwami kandi munene wasingilira lidaala linene, harara na vakulundu na valeli vatuma amakuva yaga ku Jehu ni vavoola, “Kunyi koveeye avatumikiri vovo na kwetegeki kokora kindu choosi cha avoora. Navuzwa sikulatovola mundu kuva mwami mba; kola icha uganaganaa kuva kilahi ligali kuvita viosi.”

2 Avami 9:32

Jehu ya henza igulu nahanzuka, “Nivwaha oveeye ku lovega lwange?” Vanene vaviri anoho vavaga vu munyumba yu vwami vamuhenzera mu lidirisha.

1 Kyetsinyinga 11:11

Wu kutanga yaali Jashobeni wi ihiiri ya Hakimoni, mwimiliri wa vanene “Vavaga”. Yalwana ni litimu lilie hagati ha vasaza mia tatu kandi naviita vosi mu liihe lilala.

1 Kyetsinyinga 12:17

Daudi yazia ku vaaganira navoora, “Niiva muzaa kuli avalina kongonya, mwingiliziywi hano nu murembe. Navuzwa niiva muzaa kunzaama nu kumbika ku vasigu vange, kali niiva si ndageriza kumusaliriza, Nyasaye wa vaguuga viitu alamanya amakuva yaga na alamuha amageri.”

1 Kyetsinyinga 2:17

Mukaana weve wundi, Abigaeli yazia lukali ku Jezeri, wi kisukururwi cha Ishimaeli; yivula muyaayi walangwa Amasa.

Isaya 59:17

Aliviika likalaga lirungi kuli likoti lie salamba, na zinguru ziovohonyi kuli igudwa. Aliiviika umwene uvugulu vonene kulungikiza ivindu kandi ukuhaana mageri nukuvaanza kisaalia cha vandu vasalira.

Zekaria 8:23

Mu madiku yago, vasaza 10 kutura muvivala vigeni valakaze ku Muyuda mulala no kovora, ‘Kwenya komenye harara na vandu vovo, kigira kumali kuhulira ndi Nyasaye aveeye harara nimunyi.’ ”

Matayo 12:30

“Ku vosi utahambana ninzi ahing'anaa ninzi; kandi ku vosi utavungizaa harara ninzi asalanyia ligali.

Vagalatia 6:16

Mirembe, ni zimbavasi vive ku yavo vosi avagendaa mu lilago yili kandi ku avandu vosi va Nyasaye.

Vakalagi 13:25

Kandi zinguru zia Yahova ziatanga kuyinzira muye nu lwa yaali hagati ha Zora na Eshitaoli hokososa ha Dani.

Vakalagi 3:10

Roho wa Yahova yaza kuye, ma naagwa umwimiliri wa vandu va Isiraeli. Ozinieli yazia mu vulwani na Yahova yamuha uvuguuti ku umwami wa Mesopotamia.

Vakalagi 6:34

Roho wa Yahova yaza ku Gidioni, ma nakuba ikisiliva kulanga avasaza vi ihiiri ya Abiezeri vamulonde.

Ruth 1:16

Navuzwa Ruzi yativura, “Utaaniga ngoleke mba! Leka nzie harara nivi. Hoosi ha uzia inzi kandi ndazia ho; hoosi ha omenya, inzi ndamenya ho. Avandu vovo valava avandu vange, na Nyasaye woovo alava Nyasaye wange.

1 Samweli 16:4

Samweli yakola icha Yahova yamuvolera akole, nazia Bezelehemu, uwa viimiliri vi lidaala linene vaza kumwaaganira nivadegeraa; kandi vamuteeva, “Umuloli, ukaazi kukuluuta ku mirembe naho?”

1 Samweli 16:5

Yativura, “Yee, nziizi kuhaana kisiuviriru ku Yahova. Mwitakase aveene kandi muuze harara niinzi.” Yavolera Jese harara na vayaayi veve vitakase, na vavoolera vaze ku kisiuviriru.

1 Samweli 22:7

kandi yavolera avatumikiri veve, “Huliri, avasaza va Benjamini! Muganaganaa ndi Daudi muyaayi wa Jese alahaana milimi ni vizabibu ku munyi mwosi, kandi amukole avanene mu liihi lilie?

1 Samweli 24:12

Yahova akalage hagati hange niivi nivwaha ku kunyi oveeye mudamanu! Yahova ahane ku ivi amageri kigira likora liilio ku inzi, navuzwa inzi sindakusaliriza kali hakuzu mba.

1 Samweli 24:13

Ivi umanya chu lugano lovoolaa, ‘Uvudamanu vokolangwa vuzwa na vandu vadamanu veng'ine’ Kandi ndio sindakusaaliriza mba.

1 Samweli 24:16

Lwa Daudi yaali niyakamara limoloma makuva yaga, Saolo yavoola, “Ligali ni ivi Daudi muyaayi wange?” Kandi yaatanga kulira.

1 Samweli 8:12

Kotovola valala kuvo kuva avanene vukulinda vasaza 1,000, na vandi avanene ku vasaza 50. Avayaayi vinyu valalima milimi jije, vagese viukulia vivie, kandi valombe viugi kandi viju via magare geege gu vulwani.