1 Kyetsinyinga 12:17 - KITABU KITAKATIFU

¹⁷ Daudi yazia ku vaaganira navoora, “Niiva muzaa kuli avalina kongonya, mwingiliziywi hano nu murembe. Navuzwa niiva muzaa kunzaama nu kumbika ku vasigu vange, kali niiva si ndageriza kumusaliriza, Nyasaye wa vaguuga viitu alamanya amakuva yaga na alamuha amageri.”

1 Kyetsinyinga 12:17 ပူးပေါင်းရင်းမြစ်များ

Litanga 31:42

Nyasaye wa baba wange, Nyasaye wa Aburahamu kandi Nyasaye wa Isaka alavula kuva harara ninzi, ngano wangunga vugira kindu choosi. Navuzwa Nyasaye umali kolola uvudinyu vwange kandi linyang'ana lie miyinzi jange. Uvudiku vwa mugolova, uhaani likalaga lilie lirungi.”

Litanga 31:53

Nyasaye wa Aburahamu, kandi Nyasaye wa Nahori alahaana likalaga lirungi hagati hiitu.” Maku Yakobo yisuha kulinda lilagana yili mu lieta lia Nyasaye wa baba weve Isaka yaasigamiraa.

1 Avami 2:13

Ahene yaho, Adonija wa mama weve yalangwa Hagili, yazia ku Bazisheba waali mama wa Solomoni. Bazisheba yamuteeva, “Ukazi kunduuta mu mirembe naho?” Adonija yamutivulira, “Gaveeye ndio.”

2 Avami 10:15

Lwa Jehu yatura ho kandi, yagana na Jehonadabu, muyaayi wa Rekabu; uwaali ni yaazaa kumwaganira. Jehu yamucheliza navoora, “Ivi ninzi kuganaganaa kindu kilala ulanyunga umukono?” Jehonadabu yativura, “Yee, ndakora ndio.” Jehu yativura, “Niiva gaveeye ndio, mbe mukono gugwo.” Vaagumirana makono, na Jehu yamukonya kuniina mu ligare lilie,

2 Avami 9:22

Lwa Joramu yalora Jehu, yamuteeva, “Jehu, uzi mu mirembe?” Jehu yativura, “Mirembe ginyala ndi kuva ho lwu vusigitiri ni lisigamira misambwa ja mama woovo Jezebeli yatangiza liveeye linyingi?”

1 Kyetsinyinga 12:16

Lidiku lilala muganda gwa vasaza kutura ku ihiiri ya Benjamini na Yuda vazia mu imbinga mwa Daudi yaali.

1 Kyetsinyinga 12:18

Maku Roho gwa Nyasaye yaza ku Amasai, uwaali munene wa vandu Salasini, ma navoora, “O, Daudi mwana wa Jese, kunyi koveeye avoovo! Mirembe, mirembe ku ivi, mirembe give ku yavo avakonyaa ivi! Kigira Nyasaye woovo alakokoonya.” Hene yaho Daudi yavingiriza, navakola avanene mu liihi lilie.

Zaburi 7:6

O, Yahova, vuka mu vutima vuvwo! Singira uhing'ane nu vutima vonene vwa vasigu vange; vuka ivi O, Nyasaye wange na ongonye! Ivi wenya vulungi vwekoleke.

Zaburi 86:11

O, Yahova, unzigizi aga wenyaa ngole, na ndakuhulira nu vusuuvirifu vwosi, unzigizi kukutumikira nu mwoyo gwange gwosi.

Jeremia 32:39

Ndavaha mwoyo mulala, kandi liiva lilala, vaduuki kutia inzi mihiga ni mihiga, ku vulahi vwavo aveene, kandi ku vulahi vwi visukululwi vaavo.

Zekaria 3:2

Engelosi wa Yahova yavolera Setani, “Yahova akogondokele ive Setani! Yahova wayanza Jerusalemi akogondokele. Mundu uyu aveeye kuli imbimbu yavavugula kutura mu muliru.”

Vikolwa 4:32

Kiduma choosi cha vandu vasuuviri vaali harara nu mwoyo mulala kandi niziganagani zindala. Sihaaliho nu mundu kali mulala kuvo uwalola kindu cha aveeye nacho kuva ni chiche yeng'ine mba. Navuzwa vasanga nukugavulana vindu viosi via vaali navio keleng'ani.

1 Vakorintho 1:10

Avaamitu vange, mugoonyaa ligali mu lieta liu Mwami wiitu Yeso Kristo ndi, vosi muvugilirizane aveene naveene mu goosi ga muvooraa, muve kindu kilala vosi kunangwa muvuli kuva ni liavukana hagati hinyu. Muhambane muve kindu kilala ligali mu zing'anagani kandi mu likalaga lilala.

2 Vakorintho 13:11

Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

1 Petro 2:23

Lwa vamunyega, siyavanyega mba; ing'inga ya yaasalirizwa, siyavatiihiza mba, navuzwa yavika lisuuvira lilie ku Nyasaye, oveeye mukalagi wu vulungi.

Yudasi 1:9

Kali Mikaeli, engelosi munene, siyakola ku yaga mba. Mu lihing'ana lilie na Setani, lwa vaahangalizanira ku muviri gwa Musa ndi nivwaha uguvugulaa, siyaaluvilira kukalagira Setani na amakuva ga amanyego mba; navuzwa yavoola, “Mwami mwene avagondokele!”

1 Samweli 16:4

Samweli yakola icha Yahova yamuvolera akole, nazia Bezelehemu, uwa viimiliri vi lidaala linene vaza kumwaaganira nivadegeraa; kandi vamuteeva, “Umuloli, ukaazi kukuluuta ku mirembe naho?”

1 Samweli 18:1

Lwa Daudi yaali niyakamara kuvolerana na Saolo yaga, mwoyo gwu muyaayi wa Saolo Jonazani yayanzizwa ligali na Daudi, ma naamuyaanza ligali kuli yiyaanza mwene.

1 Samweli 18:3

Hene yaho, Jonazani yalomba lilagana liemihiga ni mihiga na Daudi kigira yamuyanza kutura musi mwu mwoyo gwigwe.