1 Kyetsinyinga 11:18 - KITABU KITAKATIFU

¹⁸ Vasikari vi zinguru vi limanyikana vavaga vavitira hagati hokososa hi liihi lia Vafilisitia kuzinguru ni vadaha amazi kutura mu kidaho yicho ma ni vagaleeta ku Daudi. Navuzwa si yaganwa mba. Nitali, yagasundula ichova gave kihanwa ku Yahova,

1 Kyetsinyinga 11:18 ပူးပေါင်းရင်းမြစ်များ

2 Samweli 23:16

Kunangwa avasikari vavaga vizingulu vavitira hagati ha ahokososa hi liihi lia vandu va Filisitia, nivadaha ku amazi kutura mu kidaho, kandi nivaha Daudi. Navuzwa siyaganwa mba, mu vogono yivwo, yagasundula kuli kihanwa ku Yahova;

1 Kyetsinyinga 11:17

Daudi yaali na mahooru yengo, ma navoora, “Ndakayanzi mbula mulala yandetera amazi kutura mu kidaho keveeye ha kirivwa mu Bezelehemu ndanwa!”

1 Kyetsinyinga 11:19

navoora, “Si ndakanweeye amazi yaga! Gaveeye kuli linwa amasahi ga vasaza yava, avaviiki livamwoyo liavo mu vuhimwa!” Kunangwa yasura kuganwa. Yivi viali vikolwa viu vuluviliri via avasikari vavaga vaali ni vamanyikana.

Lwimbu lwa Solomoni 8:6

Mwoyo gugwo gutava ku muyanze wundi mba nitali inzi. Utagumira muyanze wundi mba nitali inzi; vuyanzi voveeye ne zinguru kuli likuza. Vovereri voveeye ni zinguru kuli kilindwa.

Vikolwa 20:24

Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.

Vikolwa 21:13

Navuzwa yativura, “Mukoraa kindiki munyi? Lwa muliraandi kusalirizaa mwoyo gwange? Mwenya kusaliriza mwoyo gwange ni lilira? Inzi sinzetegeki kovofwa kwenyine mu Jerusalemi mba, navuzwa kali kwitwa kigira Mwami Yeso.”

1 Samweli 19:5

Yavika livamwoyo lilie mu vuhimwa lwa yita Goliati, na Yahova yahaana liguuta linene ku Isiraeli. Lwa ivi walola inguuva yiyi, waasangala. Maku, kigira ki wenyaa kokora uvudamanu kalunu ku mundu utali niimbala, na wiite Daudi vugira kivuni kali kilala?”

1 Samweli 7:6

Kunangwa vosi vavugana harara ha Mizipa vadaha amazi kandi nivagasundula ichova kuli kihanwa ku Yahova kandi ni vahonga lilia lidiku liosi. Vavoola; “Kumali kwonera Yahova.” Haali ha Mizipa ha Samweli yahuliriza lisolana lia vandu va Isiraeli nokoleta mirembe hagati haavo kandi kuvakalagira.