1 Avami 9:9 - KITABU KITAKATIFU

⁹ Avandu valativura, ‘Gaveeye kigira valeka Yahova Nyasaye wavo, watuliza avaguuga vaavo mu kivala cha Egebeti. Vatumikira kandi nivasigamira avanyasaye vandi. Yicho nicho chagira Yahova naleta kivi yiki kuvo.’ ”

1 Avami 9:9 ပူးပေါင်းရင်းမြစ်များ

1 Avami 18:18

Elija yativura “Inzi simbeeye mudambizi mba. Ni ivi harara na baba woovo avaveeye vadambizi. Ivi uvula kuhulira malago ga Yahova nukusigamira vifananyi via Baali.

2 Avami 22:17

Vamali kondeka kandi vamali kuhaana visiuviliru ku vanyasaye vandi, nandio vamali kuvukiza uvutima vwange ku miyinzi ja vamali kokora. Uvutima vwange vwakiziywi ku Jerusalemi, navwo sivulasiminywa mba.

2 Kyetsinyinga 29:8

Kigira yaga, Yahova umali kuvihilirwa avandu vi Ivuyuda na Jerusalemi, na agaamali kuvakolera, gaveeye agu kutihiza ligali ku vuli mundu. Munyi mumanyi vulahi ligali.

2 Kyetsinyinga 7:22

Avandu valativura, ‘Gaveeye kigira valeka Yahova Nyasaye wavo, uwatuliza avaguuga vaavo mu kivala cha Egebeti. Vahaana uvusuuvirifu vwavo ku avanyasaye vandi nukuvasigamira. Yicho nicho chagira Yahova naaleta kivi yiki kuvo.’ ”

Jeremia 2:19

Uvudamanu vwinyu aveene vulamuha amageri, kandi ligirung'ana lienyu kutura ku inzi lilamukalagira. Muliiga kuli voveeye vuvi kandi vululu, koleka inzi, Yahova Nyasaye winyu, kandi kuvula kuva avasuuvirifu kuinzi. Inzi Mwami Munene Yahova Nyasaye Wuvunyali mali kovora.”

Jeremia 22:8

“Avandu kutura mu zihiiri zinyingi valavitira havundu yaaha nokoteeva mundu sa mulala ndi, kigira ki Yahova amali kokora ikindi kuli yiki ku lidaala linene yili?

Jeremia 44:23

Ing'inga yiyi ikivi kimali kuduuka ku munyi kigira mwahaana visiuviliru ku avanyasaye vandi kandi mwakora uvwoni imbiri wa Yahova kulivula kutia amalago geege goosi.”

Jeremia 5:19

Lwa avandu yava vateva kigira ki ndaakola vindu yivi viosi, uvavoolere ndi, kuli vagirung'ana kutura ku inzi, nivatumikira avanyasaye vandi avageni mukivala chavo aveene, nandio valatumikira avageni mukivala kitaveeye ichaavo.”

Jeremia 50:7

Vosi avavanyooraa vavingilira. Vasigu vaavo vavoola, ‘Vaakolera Yahova uvwoni, kandi ndio, agakumali kokora sigaveeye amadamanu mba. Avaguuga vaavo vaasuuvira mu Yahova, na yavo aveene ngano vaali vasuuviri muye.’

Lisyoma lya Jeremia 2:15

Avandu vosi avavitaa ahimbi ni lidaala linene vamuhenza nu kumukolera kehenyahenye. Vasung'usa mitwi jaavo no kosekaa amang'anye ga Jerusalemi ni vavoola, “Yili ni nilo lidaala linene ilialangwa uvudukiru vwu vulahi kandi uvusangari vwi lirova liosi?”

Kwidzulitsa 29:23

Milimi jilava miere jokogotiza, ijafuumwa niligoke kandi jumbi. Kindu sikilatagwa anoho kwama mu mba kandi kali indiva silamera mumba. Kivala chienyu kilava kuli Sodoma na Gomora, cha Adima na Zeboiimu, icha Yahova yadiviza lwa yaali nu vutima vululu.