1 Avami 9:7 - KITABU KITAKATIFU

⁷ Maku ndatuliza vandu vange Isiraeli mu kivala cha mali kuvaha. Kandi ndaleka Litembeli yili lia mali kutakasa kuli havundu ha sigamirwa. Vandu havundu hoosi valakolera Isiraeli kehenyahenye

1 Avami 9:7 ပူးပေါင်းရင်းမြစ်များ

1 Avami 11:10

Kali Yahova ni yaali niyagaya Solomoni avuli kolonda vanyasaye vandi, siyagumira lilaga lia Yahova mba.

1 Avami 9:3

Yahova yamuvolera, “Mali kuhulira lisaala liilio. Mali kutakasa Litembeli lia wumbaki yili kuli havundu ha sigamirwa mihiga ni mihiga. Ndahalinda nukuhakinga ku zing'inga ziosi.

2 Avami 25:21

mu zinzako zia Hamazi. Hene yaho, mwami yavoola vakuywi kali kuduuka ku likuza. Na vandu vi Ivuyuda vaahirwa ihale mu vuhambe kutura mu kivala chavo.

2 Avami 25:9

Yasamba Litembeli lia Yahova, inyumba yu vwami, harara ni zinyumba zia avandu vanene mu Jerusalemi,

2 Kyetsinyinga 36:19

Yasamba Litembeli lia Nyasaye kandi lidaala linene harara nizinyumba ziuvwami zialio, kandi nivononyia uvutugi vwalio naduya lidigi lie Lidaala.

2 Kyetsinyinga 7:20

maku ndamutuliza mu kivala cha ndaamuha, kandi ndaleka Litembeli yili lia mali kutakasa kuli havundu ha sigamirwa. Avandu havundu hoosi valalichaya kandi valalikolera kehenyahenye.

Zaburi 44:14

Ivi okokoli lichaywa hagati hi zihiiri; va kusungusiraa mitwi jaavo mu likosekeliza.

Zaburi 44:15

Inzi ndeganyiangwa kazozo.

Zaburi 69:11

Lwa nziviikaga zinguvu zia magunia avandu vasekeriza.

Isaya 65:15

Avandu vange avatovole valatumikira lieta lienyu kuli kilaamo. Inzi Yahova Nyasaye ndamwita, navuzwa ndahaana lieta lihia ku yavo avahulira inzi.

Jeremia 24:9

Ndaleta kivi yiki kuvo, na kilava litihiza linene ligali ku zihiiri ziosi ziu mulirova. Avandu valavasekeriza, nukuvakolera ekehenyahenye kandi nukuvalegeriza, nukutumikira amita gaavo kuva kuli kiramo havundu hoosi handakavasalanye.

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 26:18

“Lwa Hezekia yaali mwami wi Ivuyuda, muporofeti Mika wa Moreshezi yavolera avandu vosi ndi Yahova Wuvunyali amali kovora, ‘Ziyoni yaza ilimwi kuli mulimi, Jerusalemi neeve kuli kitumi cha mang'anye, kandi kiguru chi Litembeli nakigwi mulitu!’

Jeremia 26:6

Niiva mulazizagilira kuvula kutia, ndakora ku Litembeli yili aga ndakora ku Shilo, kandi izihiiri ziosi zielirova zilatumikira lieta lielidaala yili kuli kiramo.”

Jeremia 44:8

Kigira ki mungolaa nimba nu vutima ku Lisigamira vifananyi kandi ku lihaana visiuviliru ku avanyasaye vandi mukivala cha Egebeti, havundu ha muuzi komenya? Mukoraa yaga kunangwa muduuki kwidiviza munyi aveene, kandi vuli ihiiri ku lirova iduuki kumukolera kehenyahenye kandi kutumikira lieta lienyu kuli kilaamo?

Jeremia 52:13

Yasamba Litembeli, inyumba yu vwami, harara ni zinyumba ziosi zia avandu vanene mu Jerusalemi;

Lisyoma lya Jeremia 1:8

Avandu va Jerusalemi vaakora uvwoni vwi livereriza ligali, na vagwiyi kuli kindu kifunyaa vugundu. Vosi avahaana uluyali kuvo vavalegerizaa kigira vamali kolola chahonyo chavo. Vakenya aveene kandi agirung'ana nukwivisa mu zisoni.

Lisyoma lya Jeremia 2:17

Yahova amali kokora aga yatihiza, kuduukiza. Amali kudiviza vugira kokovererera kuli yaakwiganihiza zing'inga zia kale. Yaaha avasigu viitu liguuta kandi yavakoli kusangalira liigwa lietu.

Ezekieli 24:21

mbolere munyi avandu va Isiraeli makuva yaga: munyi mwigingiraa kigira Litembeli liezingulu. Mwayaanza kulihenza kandi kuzia mulio, navuzwa Yahova azizaa kuliononyia. Avana vinyu avakaana na vayaayi avalitigala mu Jerusalemi valakitirwi mu vulwani ni kivavi.

Ezekieli 5:15

“Munyi mulava mu manyego kandi mu likolerwa kehenyahenye, mu lieganihizwa kandi kindu chukutiihiza ku zihiiri ziveeye ahimbi na munyi lwa mbana amageri ku munyi mu vutima vwange kandi nu muligondoka.

Hosea 9:3

Si mulamenya mu kivala cha Yahova mba, navuzwa mulirana mu kivala cha Egebeti, kandi mulalia viukulia vidamanu mu kivala cha Asiria.

Joeli 2:17

Avasaalisi avatumikiri va Yahova hagati hu vwali kandi nuvwingiliru vwi Litembeli, kuduuka valiri, vasaale na vavoole: “Yahova, overerere avandu vovo. Utaleka izihiiri zindi zikulege nokokokolera kehenyahenye nokovoora, ‘Aveeye hayi Nyasaye winyu?’ ”

Mika 3:12

Kunangwa, kigira munyi, Ziyoni ilalimwa kuli umulimi, Jerusalemi lilava kitumi cha amang'anye na kiguru chi Litembeli kilagwa umulitu.

Matayo 23:38

Kalunu henza, Litembeli liilio lilatigala mang'anye.

Matayo 24:2

Navuzwa yavativulira, “Muloraa ivindu yivi viosi? Agiligali muvooleraa, si lilakatigale hano ligina kali lilala ni lisiingiyi mu vogono vwalio mba; goosi galakavunguluki.”

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.

Kwidzulitsa 28:37

Muvivala via Yahova alimusalanyira mu, avandu valegosa ku gamali kwekoleka ku munyi. Valamukolera kehenyahenye na manyego.

Kwidzulitsa 4:26

Nangaa ligulu ni lirova kuli valolekizi ku munyi kalunu ndi, niiva simulahulira inzi mulatulaho vwangu kutura mu kivala yicho. Simulamenya ku ing'inga indambi mu kivala keveeye engeleka wa Jorodani ichamuveeye ahimbi kuvugura mba. Muladivizwa ligali.

Joshua 23:16

Niiva simulalinda lilagana lia Yahova Nyasaye winyu yalaga munyi mulindi, kandi niiva mu latumikira nukusigamira avanyasaye vandi, maku alamuha amageri mu vutima vwivwe, alamuha amageri, na alamudiviza ligali. Muturi mu kivala kilahi yiki icha amali kuhaana ku munyi.”

1 Samweli 15:11

“Mbereraa ndi ndaakola Saolo kuva Mwami; umali kugirung'ana kutura ku inzi kandi uvuli kuhulira malago gange.” Samweli yavihilirwa ligali, na uvudiku vwosi yanira ku Yahova namugoonyaa.