1 Avami 9:4 - KITABU KITAKATIFU

⁴ Niiva ulandumikira nu vusuuvirifu vwosi, nagiligali gu mwoyo kandi nuvulungi kuli Baba woovo Daudi yakola, kandi niiva ulahulira malago gange goosi, nokokola vindu viosi via ngulaga,

1 Avami 9:4 ပူးပေါင်းရင်းမြစ်များ

Litanga 17:1

Lwa Aburamu yaali ni mihiga 99, Yahova yaloleka kuye kandi navoora, “Inzi mbeeye Nyasaye Wuvunyali. Utie inzi kandi okole agaveeye malungi kazozo.

Litanga 20:5

Aburahamu mwene yavoola ndi Sara yaali mbozo weve, kandi Sara mwene yavoola ndi Aburahamu aveeye mbozo weve. Inzi ndaakola yaga mu vulungi vwu mwoyo gwange, kandi si ndaakola vudamanu mba.”

2 Samweli 22:22

Mali kugumira lilaga lia Yahova Ngikiri kugirung'ana kutura ku Nyasaye wange mba.

1 Avami 11:38

Niiva ulambulira inzi ligali, omenye kolondekana na malago gange, kandi onyoore livugilirwa liange ku likora ga ngulaga, kuli mutumikiri wange Daudi yakola, ndava niivi kazozo. Ndakokola mwami wa Isiraeli kandi ndore ndi visukululwi vivio vilamiiha inyima woovo, kuli mali kokolera Daudi.

1 Avami 11:4

kandi kuduuka ku ing'inga ya yaali niyakaduuka musakulu, vagira nasigamiraavanyasaye vageni. Siyaali musuuvirifu ku Yahova Nyasaye weevemba, kuli baba weve Daudi mba.

1 Avami 11:6

Yakola vwoni ku Yahova kandi siyaali wiligali kuye kuli baba weve Daudi mba.

1 Avami 14:8

Ndaatuliza vwami kutura ku visukululwi via Daudi, na nimbuhaana ku ivi. Navuzwa ivi si waali kuli mutumikiri wange Daudi mba, waali musuuvirifu ku inzi ligali, naahulira malago gange, kandi naakora agandavugilira geng'ine.

1 Avami 15:5

Yahova yakola yaga Kigira Daudi yaali namali kokora gaali amalungi imbiri wi zimoni zizie Yahova na siyavunaga kali kugumira lilala ku malago ga Yahova madiku goosi gi livamwoyo liliemba - nitali mu likuva lia Uria umuhiti.

1 Avami 3:14

Na ulambulira nukugumira malago gange kandi miima jange kuli baba woovo Daudi yakola, ndakuha livamwoyo litambi.”

1 Avami 3:3

Solomoni yayanza Yahova kandi nalonda amigizu ga baba weve Daudi, navuzwa naye kandi yahaana visiuviliru vivie nukusamba vimuli ha vwali vunyingi vwu kusigamira vifananyi.

1 Avami 3:6

Solomoni yativura, “Ivi wamanya uvuyanzi vonene kazozo ku baba wange Daudi, mutumikiri woovo, kandi naye yaali mulahi, musuuvirifu muvuhambani vwivwe niivi. Kandi ivi uzizagiliyi kumanyia vuyanzi vuvwo vonene kandi vutaveeye niligirung'ana ku limuha muyaayi wamiiha mu vogono vwivwe kalunu.

1 Avami 6:12

“Niiva ulatia malago gange goosi, ndakokolera cha ndasuuviriza baba woovo Daudi.

1 Avami 8:25

Kalunu, Yahova Nyasaye wa Isiraeli, saalanga ndi ivi kandi uladukiza lisuuviriza lindi lia walomba ku baba wange Daudi, lwa wamuvoolera ndi halava ho na mulala ku visukululwi vivie niyamiha kuli mwami wa Isiraeli; niiva vilahulira ivi vulahi ligali kuli yakola.

2 Avami 20:3

“Wizulizi, O, Yahova, inzi ndakutumikira nu vusuuvirifu vwu mwoyo gwange gwosi kandi nu luyali lwosi, kandi vuli kazozo, ndageriza kokora vulahi choosi ichawenyaa ngole.” Ma yaatanga kulira ligali.

2 Kyetsinyinga 17:4

Yatumikira Nyasaye wa baba weve, naahulira amalago ga Nyasaye, na si yakola kuli vikolwa via vami vosi va Isiraeli vaakora mba.

Zaburi 101:2

Ndahenzeriza nokolonda kunzira itaveeye nimbala; ulaaza ku inzi ng'inga ki? Ndamenya munyumba yange nu mwoyo gutaveeye nimbala.

Zaburi 128:1

Aveeye nuvugasu uyu utizaa Yahova, kandi ogendaa mu zinzira zizie.

Zaburi 15:2

Uyu ugendaa mu vuduukiru vwa Nyasaye kandi okolaa agaveeye malungi ni uyu ovola agiligali kutura mu mwoyo gwigwe;

Zaburi 26:1

O, Yahova, umbalize kuva vugira imbara, kigira inzi ngolaa agaveeye malungi, kandi suuviraa ivi ligali.

Zaburi 26:11

Navuzwa inzi mbeeye mulungi imbiri woovo, yaanza ombere zimbavasi kandi ombonyie!

Zaburi 78:72

Daudi yavalinda nu vusuuvirifu vwu mwoyo gwigwe gwosi. Kandi yaavimilira vulahi novogeri vonene ligali.

Tsing'ano 10:9

Avandu vaveeye avasuuvirifu vaveeye mu mirembe kandi mu likingwa, navuzwa vandu vataveeye avasuuvirifu valanyooleka.

Tsing'ano 20:7

Avana vaveeye ni ingavi niiva vaveeye na baba oveeye musuuvirifu kandi okolaa gaveeye amalungi.

Tsing'ano 28:18

Mundu oveeye mulungi alahonywa kutura muvudinyu, navuzwa oyo utaveeye musuuvirifu alagwa mu liliina.

Ezekieli 18:9

Mundu kuli uyu atizaa lilaga kandi agumiraa malago gange, aveeye mulungi kandi alamenya ligali.” Yahova Wuvunyali avoora.

Zekaria 3:7

Yahova Wuvunyali umali kovora: “Niiva ulatia malago gange kandi okole miyinzi ja ndakuuha, ulazizagilira kuva munene mu Litembeli harara ni ving'oze via lio. Ndahulira lisaala liilio, kuli mbulira lisaala lie zingelosi vaveeye imbiri wange.

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

Kwidzulitsa 28:1

“Niiva mulahulira ligali mwoyo gwa Yahova Nyasaye winyu, nukulinda nu vusuuvirifu malago geege aga muheezaa kalunu, Yahova alamuginga higulu muve ihiiri enene ligali kuvita zihiiri zindi ziosi ku lirova.