1 Avami 9:3 - KITABU KITAKATIFU

³ Yahova yamuvolera, “Mali kuhulira lisaala liilio. Mali kutakasa Litembeli lia wumbaki yili kuli havundu ha sigamirwa mihiga ni mihiga. Ndahalinda nukuhakinga ku zing'inga ziosi.

1 Avami 9:3 ပူးပေါင်းရင်းမြစ်များ

1 Avami 8:29

Linda Litembeli yili mbasu nuvudiku, havundu hano ha ivi umali kotovola usigamirwi ho. Yaanza uhuliri lisaala liange lwa nyumika Litembeli yili nukusaala.

2 Avami 20:5

yirane ku Hezekia mwami wa vandu va Yahova, na muvolere; “Inzi Yahova, Nyasaye wa guuga woovo Daudi, mali kuhulira lisaala liilio kandi ndoli maliga googo. Inzi ndakohonyia vulwaye vuvwo, na mumadiku gavaga ulazia mu Litembeli.

2 Avami 21:7

Yavika kifananyi chu munyasaye wi kikali Ashera mu Litembeli, ahimbi na ha vundu ha Yahova yaali navoleeye Daudi kandi muyaayi weve, Solomoni: “Hano mu Jerusalemi, mu Litembeli yili, halava havundu hamali kotovola kutura mu kivala choosi chi zihiiri komi na mbiri zia Isiraeli kuli havundu hanyala kusigamirwa.

2 Kyetsinyinga 33:7

Yavika kifananyi cha yalomba mu Litembeli, havundu ha Nyasaye yavolera Daudi nu muyaayi weve Solomoni, “Hano mu Jerusalemi, mu Litembeli yili, ni havundu ha inzi mali kotovola kutura mu kivala choosi chi zihiiri zia Isiraeli kuli havundu ha inzi sigamirwa mihiga ni mihiga.

2 Kyetsinyinga 6:40

“Kalunu, O, Nyasaye wange, ngogonya ohenze avandu vovo kandi huliriza lisaala lihaanangwa havundu hano.

Ezara 6:12

Kusaala Nyasaye watovola Jerusalemi kuva havundu hu kumusigamira, ayaanze aguuti mwami woosi anoho ihiiri yoosi egerizaa kwonogonyia lilago yili kandi kudiviza Litembeli lia Nyasaye iliveeye mu Jerusalemi. Inzi mwami Dariasi mali kuhaana lilaga yili. Kuduuka lilaga yili liduukizwi.”

Zaburi 10:17

O, Yahova, ivi uhuliraa lisaala lia yavo avaveeye vahocha; ivi ulavadinyiriza.

Zaburi 116:1

Nyanza Yahova kigira yambuliraa. Ahulirizaa lisaala liange.

Zaburi 34:17

Lwa avalungi vanira ovokonyi, Yahova ahuliraa lianira liavo, kandi avahonyia ku vudinyu vwavo vwosi.

Zaburi 65:3

kusaala kigira uvwoni vwavo. Lwa mahiolo giitu gakoyembelela, ivi ukusaamihaa.

Zaburi 66:19

Navuzwa, gaveeye gi ligali Nyasaye umali kumbulira, kandi ahuliri lisaala liange.

Kutwula 20:11

Ku madiku sita Inzi, Yahova, ndalomba lirova, ni ligulu, zinyanza, kandi vindu viosi viveeye mulio, navuzwa kulidiku lia saba ndaasosa. Yiki nicho chagira inzi, Yahova, ningaasiza lisabato nindikola litakatifu.

Kutwula 29:44

Ndalomba Lihema liukuvuganiramu nu vwali kuva hatakatifu, na ndaviika Haruni na vayaayi veve halovega kundumikira kuli avasaalisi.

Jeremia 15:1

Maku Yahova yambolera, “Kali niiva Musa na Samweli vakasingiyi hano nokogoonya inzi, sindakamanyi avandu yava livererera liange mba. Vakole vazie ihale; vakole vatuli imbiri wange.

Jeremia 7:10

Munyi mukoraa vindu yivi via inzi suraa maku muzaa kusingira imbiri wange mu Litembeli liange nimuvooraa, ‘Kunyi kwahonywa!’

Danyeli 9:23

Lwa watanga koteva Nyasaye, yakutivulira. Akuyaanzaa, kunangwa nzizi kuhaana mativuli. Kalunu huliriza lwa nzivaala malola yaga.

Livalidza 16:38

Ziagwa zindakatifu lwa zialetwa ku vwali vwa Yahova. Kunangwa vugula zinju yizi kutura ku vandu viitwa kigira vwoni vwavo aveene, uziduyi zive zisahani zing'erere ma uzilombe zive ziu kufuma ku vwali. Yili lilava lieganihiza ku vandu va Isiraeli.”

Matayo 6:9

Kunangwa, gamudukira munyi musaale kuli ndi: ‘Baba wiitu oveeye mwigulu: Lieta liilio litakatifu lizominywi;

Yohana 11:42

Manyi ligali ivi umbuliriza kazozo. Navuzwa mboraa yaga kigira avandu vasingiyi hano yava vaduuki kusuuvira ivi niyie wanduma.”

Vikolwa 10:31

navoora: ‘Korinelio! Lisaala liilio ni zisadaka zizio ku vadaka vivugiliywi na Nyasaye.

Kwidzulitsa 11:12

Yahova Nyasaye winyu alindaa kivala yicho, kandi ahenzaa kucho kazozo kutura mulitanga liu muhiga kuduuka mu limalirika liagwo

Kwidzulitsa 12:11

Yahova Nyasaye winyu alatovola havundu harara heng'ine haduukana, ha asigamirwa, kandi ahene yaho, kuduuka muleete ho kuye vindu viosi via inzi mali kumulaga: visiuviliru vienyu viukusambwa kandi visiuviliru vienyu vindi, zizaka zienyu kandi vihaanwa vidukiru via mwalagana na Yahova.

Kwidzulitsa 12:21

Niiva havundu harara hukusigamira yaho haveeye ihale ligali kutura ku munyi, maku, lwa muva nimwenya inyama, munyala kwita ndala ku zing'ombe anoho magondi ga Yahova amali kumuha, kandi munyala kulira inyama zana hango, kuli mali kumuvolera.

Kwidzulitsa 12:5

Kutura mu kivala chi zihiiri zienyu ziosi, Yahova alatovola havundu harara haduukana avandu vosi vazie imbiri weve nu kumusigamira ho.

Kwidzulitsa 16:11

Musangare imbiri wa Yahova Nyasaye winyu harara na avana vinyu, vatumikiri vinyu kandi vandu vinyumba ya Levi avageni, avavisandu kandi avakunzakali vamenyi mu madaala ginyu. Mukore yaga goosi havundu harara hukusigamira ha Yahova yatovola.

1 Yohana 5:14

Yivu nu vuluviliri vwa koveeye navwo imbiri wa Nyasaye. Niiva kulamuteeva kindu choosi kolondekana nu vulaliri vwivwe akuhuliraa.