1 Avami 9:15 - KITABU KITAKATIFU

¹⁵ Mwami Solomoni yatumikira miyinzi ju kuniga kwumbaka Litembeli ninyumba yeeye yu vwami, kwizuliza mu marova ku lovega lwi ivugwi lwi imbinga ya Milo, lidigi lia Jerusalemi, kandi na madaala ga Hazori, Megido na Gezeri.

1 Avami 9:15 ပူးပေါင်းရင်းမြစ်များ

2 Samweli 5:9

Inyima wukugumira nukuguuta imbinga zana yeyo, Daudi yamenya muyo kandi yagigulika, “Lidaala linene lia Daudi.” Yumbaka lidaala linene ku likumbiriza kutangira havundu hu mulimi gwaali ni gwizulizwa mu amavona ku lovega lwa Ivugwi wi kiguru.

1 Avami 11:27

Yilu nilwo lugano lwi liebaala. Solomoni yaali niyumbaka imbinga kuolovega lwi ivugwi wa Jerusalemi kandi yaali nalomba hasasuguka mu madigi gi lidaala linene lia Jerusalemi.

1 Avami 12:4

“Baba woovo Solomoni yaakwamiiha nuvululu, kandi naviika misigo miliduhu ku kunyi. Niiva ulakola misigo miliduhu yiji janguhi kandi niiva ulalomba limenya lietu live lidoto ku kunyi, kulava vandu vovo vasuuvirifu.”

1 Avami 3:1

Solomoni yalomba uvuhambani nu mwami wa Egebeti ku lileeta mukaana weve. Yamuleta amenye mu Lidaala lia Daudi kuduuka lwa yaali niyakamara kwumbaka inyumba yeeye yu vwami, Litembeli kandi lidigi kukumbiriza Jerusalemi.

1 Avami 4:12

Baana muyaayi wa Ahiludi yamiha madaala manene ga Tanaki, Megido, kandi kivala choosi ahimbi na Bezishani, ahimbi ni lidaala lia Zarezani, Isavaalu wi lidaala lia Jezireeli kuduuka ku madaala manene ga Abeli-mehola kandi Jokomeamu.

1 Avami 5:13

Mwami Solomoni yatovola avasaza 30,000 kuli vimiyinzi jukunigwa kutura mu Isiraeli mwosi,

1 Avami 6:38

Mu mweli gwa munane, mweli gwa Buli, mu muhiga gwa likomi na mulala gwi liamiiha lia Solomoni, liumbakwa lie Litembeli liatwekizwa kuli gaali nigalohizwa. Liali nilivuguyi Solomoni mihiga saba kuliumbaka.

1 Avami 9:10

Solomoni yavugula mihiga sirini kwumbaka Litembeli ni inyumba yeeye yu vwami.

1 Avami 9:21

agaveeye kovora visukululwi viavo viatigala mu kivala, J avandu va isiraeli vakula kudiviza, yava, Solomoni yavang'oda vave ku miyinzi juvutumwa, nindio voveeye ku lidiku lia lero.

1 Avami 9:24

Solomoni yumbaka vika via marova ku lidigi lie lidaala linene lie Ivugwi, inyima wu mukali weve, mukaana wu mwami wa Egebeti, niyakamara kutura mu Lidaala linene lia Daudi kuzia muinyumba yu vwami ya Solomoni yaamwumbakira.

2 Avami 12:20

Vanene veve vamuziila haasi ma ni vamwitira munyumba ha Bezimilo, kunzira isulungutaa kuzia Sila.

2 Avami 15:29

Mu madiku gi liamiiha lia Peka mwami wa Isiraeli, Tigilazi Pileseri mwami wa Asiria, yaza nagumira madaala manene ga Ijoni, Abe-Bezi Maaka, Jonoa, Kedeshi, Hazori, Gileadi, kandi Galilaya, harara ni kivala choosi cha Nafutali; yahira avandu mu vuhambe mu kivala cha Asiria.

2 Avami 9:27

Lwa Ahazia, mwami wi Ivuyuda yalora ichaali ni chekoleki, yirukira kunzira izizaa mu lidaala lia Bezi Hagani. Jehu yamulondelera, nahanzuka, “Mwiti kandi.” Vamulasira losere mu ligare lilie kunzira yanigiraa kuzia Guri ahimbi ni lidaala lia Ibuleamu, navuzwa yirukira Megido ma nakuzira yo.

1 Kyetsinyinga 20:4

Na inyima wa yaga, uvulwani vwatanga kandi na vandu va Filisitia ha Gezeri. Yaga gaali lwa Sibekai kutura Husha yita ugundu gonene gwalangwa Sipai, na vandu va Filisitia vaguutwa.

1 Kyetsinyinga 6:67

Vahevwa madaala manene gu vuhaliru yaga: Shekemu harara ni kivala chu vwayiru chalio mu kivala chi vigulu cha Efuraimu, Gezeri harara ni kivala chu vwayiru chalio,

2 Kyetsinyinga 35:22

Navuzwa mwami Josia yaali nasaviiyi kulwaana mwami Neko. Mwami Josia siyenya kuhulira ga Nyasaye yavoola kuye kuvitira ku mwami Neko. Maku mwami Josia yigilung'anyia navula kuva mu liiva liu mwami, natura kuzia mu vulwani mu kereremo cha Megido.

2 Kyetsinyinga 8:1

Solomoni yumbaka Litembeli ni inyumba yeeye yu vwami ku mihiga 20.

Zaburi 51:18

O, Nyasaye, Ove mulahi ku Ziyoni na ulikoonye. Wumbake vuhia zimbavasi zie lidaala linene lia Jerusalemi.

Zekaria 12:11

Ing'inga yene yeyo lisioma mu Jerusalemi lilakave linene ligali kuli lisioma lia ‘Hadadi Rimoni’ mu kereremo cha Megido.

Joshua 10:33

Mwami Horamu wa Gezeri yaza kokoonya Lakishi; navuzwa Joshua yamuguuta harara na iliihi lilie liosi kandi siyaaleka kali mulala kuvo mwoyo mba.

Joshua 11:1

Lwa mwami Jabini wa Hazori, yahulira makuva gu vuguuti vwa Joshua yatuma likuva ku Jababu wa Madoni, ku vami va Shimuroni na Akishafu,

Joshua 16:10

Navuzwa avandu vi ihiiri ya Efuraimu sivakuunga avandu va Kanaani avamenyaa mu lidaala linene lia Gezeri mba. Kunangwa avandu va Kanaani vakemenyi hagati ha vandu va Efuraimu, kuduuka lero, nitali vamala kunigwa vayinziri kuli avatugwa,

Joshua 16:3

Maku lwazizagilira imadioli kuduuka mu kivala cha vandu va Jafuleti, kuduuka mu kivala keveeye indangu wa Bezi-horoni. Lwazizagilira kandi kutura aheene yaho kuduuka Gezeri kandi niluduuka kunyanza ya Meditareniani.

Joshua 17:11

Mugati mwi vivala via zihiiri zia Isakari na Asheri, Manase yaali na madaala manene ga Bezishani, Ibuleamu, Dori liali kunyanza, Endori, Tanaki, na Megido harara na madaala gagakumbiriza.

Joshua 19:36

Adama, Rama, Hazori

Joshua 21:21

Vahevwa madaala manene gane nago ni yaga: Shekemu harara na kivala chuvwayiru vwalio mu kivala chi vigulu cha Efuraimu, iliali kandi lilala ku madaala manene guvuhaliru Gezeri,

Vakalagi 1:29

Avandu vi ihiiri ya Efuraimu sivali vanyara kukunga vandu va Kanaani avaamenyaa mu lidaala lia Gezeri mba; na vandu va Kanaani vazizagilira komenya harara navo.

Vakalagi 4:2

Kunangwa Yahova yavaleka nivaguutwa na Jabini, mwami wa Kanaani uwamihaa lidaala lia Hazori. Mwimiliri wiliihi lilie yaali Sisera, uwamenyaa ha Haroshezu Hagoimu.

Vakalagi 5:19

Ha Tanaki ahimbi na mazi ga Megido, avami vaza nivalwana; avami va Kanaani valwaana, navuzwa sivavugula ifeza mba.

Vakalagi 9:20

Navuzwa nigataveeye ndio, umuliru gwake kutura mu Abimeleki na gusambe avandu va Shekemu harara na Bezimilo; Bezimilo gusambe Abimeleki.”

Vakalagi 9:6

Avandu va Shekemu na Bezimilo vivungiza harara, ma ni vazia ahimbi nu musaala gwumunaara gwa Shekemu nivatovola Abimeleki kuva umwami wavo.