1 Avami 8:9 - KITABU KITAKATIFU

⁹ Kindu sichali musi mwi Lisandugu Lielilagana nivitali vibaho viviri via magina via Musa yaali niyaviika mu ha Kiguru cha Sinai, lwa Yahova yalomba lilagana na vandu va Isiraeli; ku ing'inga ya vaali nivatulanga mu kivala cha Egebeti.

1 Avami 8:9 ပူးပေါင်းရင်းမြစ်များ

1 Avami 8:21

Mali kuhaana havundu mu Litembeli kigira Lisandugu lie Lilagana liveeye mu ni vibaho via magina vie Lilagana lia Yahova yalomba na vaguuga viitu lwa yavatuliza mu kivala cha Egebeti.”

2 Kyetsinyinga 5:10

Kindu sichali musi mwi Lisandugu Lie Lilagana Lia Yahova mba, nitali vibaho 2 via magina via Musa yaali naviiki mu ha kiguru cha Sinai, lwa Yahova yalomba lilagana na vandu va Isiraeli lwa vaali nivaturaa mu kivala cha Egebeti.

2 Kyetsinyinga 5:9

Misaala jene yiji jaali mitambi kali zisonga jazio jaali jinyala kololeka ku mundu woosi wasingilaa imbiri wa Havundu Hatakatifu ligali, navuzwa sijali jinyala kololeka kutura ichova mba. Misaala zana yijo jikikiri ho kuduuka na kalunu.

Kutwula 13:21

Mbasu Yahova yimira imbiri wavo nu munara gwa malesi kuvamanyia inzira, na ing'inga yu vudiku yimira imbiri wavo nu munara gwu muliru ukuvaha uvulavu, kunangwa vaduuki kogenda mbasu nu vudiku.

Kutwula 14:24

Kunangwa mumavwevwe Yahova yahenza hasi kutura mumunaara gwu muliru kandi gwa malesi ku liihi lia vandu va Egebeti naavagoyanyia ligali.

Kutwula 16:10

Lwa Haruni yamoloma kulivugana liosi lia avandu va Isiraeli, vagirung'ana nivahenza mu changalangwi, kandi uvukumi vwa Yahova vwaloleka mu malesi.

Kutwula 16:33

Musa yavolera Haruni, “Vugula isiongo na uviiki mu zilita ziviri ziemaana, na ugiviki imbiri wa Yahova ivikirwi visukululwi vietu.”

Kutwula 25:16

Maku ulavika amagina gaviri ga malago gandikuha mulisandugu.

Kutwula 25:21

Ulavika vidonye viviri viamagina gamalago musi mwilisandugu ma ulikuniki.

Kutwula 40:20

Maku yavugula vibaho viviri via magina, naaviviika mu Lisandugu lia malago. Yavika zitiru mu zimingiri zie lisandugu kandi naviika ku kikuniku.

Ezekieli 10:4

Uvukumi vwa Yahova vwatula ku vakerubi nivuzia mu vwingiliru vwi Litembeli. Maku amalesi gakunikaa Litembeli, no vong'ereng'anu vwu vukumi vwa Yahova vwakunika mugizi gwi Litembeli.

Kyavalevi 16:2

Yahova yavolera Musa, “Volera amwavo woovo Haruni ndi ni ku ing'inga idukanaa iyanyala kwingira inyima wi isuuka ikingaa havundu hatakatifu ligali, kigira niho ha inzi ndolekaa mu malesi igulu wi kikuniku keveeye ku Lisandugu lia malago; niiva sialahulira mba, aliitwa.

Livalidza 17:10

Yahova yavolera Musa, “Wilanyie imbimbu ya Haruni imbiri wi Lisandugu lia Malago. Lilava kuli lieganihiza ku avibaali va Isiraeli ndi valakuza niiva sivalaleka lielilira liavo.”

Livalidza 9:15

Lidiku lwi Lihema liumbakwa, amalesi gaalikunika. Amalesi galoleka kuli muliru kutura mugolova kuduuka mugambazuri.

Kwidzulitsa 31:26

“Vuguli kitabu chi Lilaga yiki mukiviiki halovega hi Lisandugu lie Lilagana lia Yahova Nyasaye winyu, kunangwa kiduuki kuva kuli kilolekizi ku avandu veve.

Kwidzulitsa 4:13

Yamuvolera icha muduukana mukore kulinda lilagana lia yalomba ni munyi, kuduuka mulonde malago likomi, aga yang'oda ku vibaho viviri via magina.

Vahebraina 9:4

Mu Lihema yimwo mwaali mu nuvwaali vwi zahabu vwu kusambira ku kimuli kandi mwaali mu ni Lisandugu lie Lilagana liakunikwa ni zahabu. Lisandugu yilio liali mu nijuba yizahabu nayo yaali mu nimaana, kandi ni imbimbu ya Haruni yasivuka amatu, ni Vibaho viamagina viviri via malago gang'odwa ku.

Likunula 15:8

Litembeli liizula umwoki kutura ku uvukumi nu ku zinguru zia Nyasaye, kandi sihaali ho nu mundu uwaali yakanyala kwingira mu Litembeli yilio kuduuka ko keheri chu vulwaye saba vwi zingelosi saba valeta mba.